Кыргызстандыктар. Архивдик сүрөт

Кыргызстанда эмгекке жарактуу адамдардын саны көбөйдү

87
Өткөн жылдын декабрь айындагы маалымат боюнча, Кыргызстанда 6 миллион 637 миң адам бар. Бул акыркы 30 жылдан бери калктын саны дээрлик 2 миллион 134 миң адамга же 1,5 эсеге өстү дегенди түшүндүрөт. 

БИШКЕК, 25-авг. — Sputnik. Кыргызстандын калкынын 57,1 пайызы эмгекке жарактуу адамдар. Бул тууралуу Улуттук статистика комитетинин Кыргызстандын эгемендүүлүгүнүн 30 жылдыгына карата даярдаган маалыматынан көрүүгө болот.

2020-жылдын аягына карата жарандардын жалпы санынын 34,6 пайызын балдар жана өспүрүмдөр түздү. 57,1 пайызын эмгекке жарактуу адамдар (1991-жылы 50 пайыз болчу), калган 8,3 пайызы кары-картаңдардын үлүшүнө туура келди. 

Карылар демекчи, БУУнун классификациясына ылайык, өлкөдө курагы 65 жаштан жогорку адамдардын саны жалпы элдин санынын жети пайызынан ашса, анда калк улгайган калк болуп эсептелет. Азыркы учурда кыргызстандыктардын 5 пайыздан бир аз көбүрөөгү бул курактан өткөндөр.

Өткөн жылдын декабрь айындагы маалымат боюнча, Кыргызстанда 6 миллион 637 миң адам бар. Бул акыркы 30 жылдан бери калктын саны дээрлик 2 миллион 134 миң адамга же 1,5 эсеге өстү дегенди түшүндүрөт.

87
Белгилер:
Кыргызстан, калк, эгемендүүлүк, эмгек, өсүү
Тема боюнча
Кыргызстандыктар жыл башынан бери канча кредит алганы айтылды
Кытайдын Тышкы иштер министри Ван И президент Садыр Жапаров менен жолукту

Кытай Кыргызстанга 100 млн. доллар жана миллион доза вакцина берүүгө даяр

106
(жаңыланган 23:02 16.09.2021)
Президент Садыр Жапаров Кытайдын тышкы иштер министри Ван И менен Душанбеде жолугуп, бир катар маселелерди талкуулады.

БИШКЕК, 16-сен. — Sputnik. Кытай өкмөтү Кыргызстандын социалдык-экономикалык өнүгүүсүн колдоо иретинде 650 миллион юань (100 миллион доллардын тегереги) менен коронавирустук инфекцияга каршы кытайлык вакцинанын 1 миллион дозасын берүүгө даяр. Бул тууралуу Кытайдын тышкы иштер министри Ван И президент Садыр Жапаров менен жолукканда билдирди.

Тараптар Душанбеде өтүп жаткан ЖККУнун Жамааттык коопсуздук кеңешинин саммити менен ШКУ башчыларынын отурумунун алкагында баарлашкан.

  • Президент Кыргызской Республики Садыр Жапаров принял члена Государственного совета, министра иностранных дел Китайской Народной Республики Ван И. 16 сентября 2021 года
    Кытайдын Тышкы иштер министри Ван И президент Садыр Жапаров менен жолукту
    © Пресс-служба президента КР / Султан Досалиев
  • Член Государственного совета, министр иностранных дел Китайской Народной Республики Ван И во время встречи с президентом КР Жапаровым
    Тараптар Душанбеде өтүп жаткан ЖККУнун Жамааттык коопсуздук кеңешинин саммити менен ШКУ башчыларынын отурумунун алкагында баарлашкан.
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Кытайдын Тышкы иштер министри Ван И президент Садыр Жапаров менен жолукту

Жапаров Кыргызстан Кытайды негизги соода инвестициялык өнөктөштөрдүн бири катары карай турганын жана биргелешкен инвестициялык долбоорлорду ишке ашырууга кызыкдар экенин билдирген.

Президент учурда өлкөдөгү инвестициялык климатты жакшыртуу боюнча активдүү чаралар көрүлүп жатканын кошумчалаган. Анын айтымында, кыргыз тарап эки өлкө ортосундагы туруктуу аба каттамдарын жандантууну маанилүү деп эсептейт.

Кытай — Кыргызстан — Өзбекстан темир жолунун курулушу боюнча да кеп болуп, Жапаров долбоорду ишке ашыруу Кыргызстан үчүн эле эмес, жалпы регион үчүн маанилүү экенин белгилеген.

"КЭР мамлекеттик кеңешинин мүчөсү, тышкы иштер министри Кытай өкмөтү өлкөнүн социалдык-экономикалык өнүгүүсүн колдоо иретинде Кыргызстанга 650 миллион юань (100 миллион АКШ долларынын тегерегинде) бөлүүгө даярдыгын айтты. Ошондой эле коронавирустук инфекцияга каршы кытайлык вакцинанын кошумча партиясын (1 миллион доза) жана медициналык каражаттарды берүү чечимин кабыл алганын билдирди", — деп айтылат маалыматта.

Мамлекеттик кеңештин мүчөсү Кытай тараптын автоунаа жолдорун куруу жана ирригациялык түйүндөрдү кеңейтүү тармактарында биргелешкен долбоорлорду ишке ашырууга кызыкдар экенин билдирген. Мындан сырткары, тараптар регионалдык коопсуздук маселелерин талкуулаган.

106
Белгилер:
Кыргызстан, Кытай, Садыр Жапаров, вакцина, каражат
Тема:
Коронавируска каршы эмдөө
Тема боюнча
3 млн. бет кап, коргоочу костюм. Кыргызстанга Кытайдан гумжардам келди
Курулуп аткан үйдө өрт. Архивдик сүрөт

Бишкектин түштүк тарабында ири өрт чыкты. Видео

179
(жаңыланган 21:35 16.09.2021)
Курулуп жаткан имараттын жогорку кабаты өрттөнүп жатат. Объект Түштүк магистралдан алыс эмес Асанбай кичи районунда жайгашкан.

БИШКЕК, 16-сен. — Sputnik. Бишкектин түштүк тарабында курулуп жаткан имараттын жогорку кабаты өрттөнүп жатат. Бул тууралуу Sputnik агенттигине окуянын күбөлөрү билдирди.

Өрт бир аз мурда башталды. Окуяга күбө болгондордун айтымында, объект Түштүк магистралдан алыс эмес Асанбай кичи районунда жайгашкан.

ӨКМ маалымат тарата элек.

179
Белгилер:
Бишкек, өрт, имарат, курулуш
Тема боюнча
Бүгүн түштө Түп районунда болгон өрт эки бөбөктүн өмүрүн алып кетти. Сүрөт