Эмен багында сейилдеп жүргөн адамдар. Архив

Дүйшөмбүгө карата аба ырайы

565
Кыргызстанда 13-сентябрга караган түнү жаан-чачын жаабайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 12-сен. — Sputnik. Дүйшөмбүдө республика боюнча күн ачык болуп, республикада күндүн эң ысыган температурасы 32 градуска жетет. Бул тууралуу Кыргызгидромет билдирди.

Абанын температурасы Чүйдө +24...+29, Талас облусунда +22...+27, Ош, Жалал-Абад жана Баткен аймактарында +27...+32, Ысык-Көлдө +21...+26, Нарын өрөөнүндө +23...+28 градус  болот.

Борбор калаада күндүн табы +27...+29 градуска чейин көтөрүлсө, Ош шаарында термометр +30...+32 градусту көрсөтүп турат.

565
Белгилер:
аба ырайы, Кыргызстан
Тема боюнча
Күн кайра ысыйбы? Бир жумага карата аба ырайы
Дзюдочулар беттеш учурунда. Архив

Кыргызстанда Дзюдо эл аралык академиясы ачылат

6
Күрөш академиясынын расмий ачылыш аземи 1-октябрга белгиленип, ага балдар, чоңдор, ошондой эле дзюдо менен машыгууну каалагандар чакырылат.

БИШКЕК, 23-сен. — Sputnik. Кыргызстанда Дзюдо эл аралык академиясы ачылат. Бул тууралуу өлкөнүн Улуттук дзюдо федерациясы билдирди.

Күрөш академиясынын расмий ачылыш аземи 1-октябрга белгиленип, ага балдар, чоңдор, ошондой эле дзюдо менен машыгууну каалагандар чакырылат.

Академиядагы сабактар профессионал спортчулар үчүн эле эмес, ден соолугуна кам көргөн, спорттун бул түрүн өздөштүрүүнү же келечектеги олимпиада чемпиону болууну каалаган бардык адамдар үчүн ылайыктуу.

"Академия — бул бүтүндөй үй-бүлө үчүн спорттук комплекс. Борбордо сиздин каалооңузду жана балаңыздын каалоолорун угушат, ар бир ышкыбозго ылайыктуу болгон жеке окутуу-машыгуу планы түзүп берилет", — деп айтылат маалыматта.

Уюштуруучулар дзюдо спорту булчуңду гана өстүрбөстөн мүнөздү дагы тарбиялай турганын белгилешти.

6
Белгилер:
дзюдо, академия, ачылыш, спорт, күрөш
Тема боюнча
Футбол: Кыргызстан кубогунун ээси аныкталды
Бишкекте мүмкүнчүлүгү чектелген жарандар катышкан жарым марафон аяктады. Сүрөт
Кан тапрышып жаткан адам. Архив

COVID болгондор жана вакцина алгандар канча убакытта кан тапшыра алары айтылды

8
Бейтап коронавирустун формасына жараша донор боло алат. Илдеттин орто жана оор формасы менен ооругандарга кан тапшырууга көпкө чейин болбойт.

БИШКЕК, 23-сен. — Sputnik. Коронавирус менен ооругандан кийин жана вакцина сайдырган соң канча убакытта кан тапшырса болорун Республикалык кан борборунун медициналык иштери боюнча директорунун орун басары Айганыш Сатыбалдиева брифинг учурунда айтып берди.

Анын билдиргенине караганда, коронавирустук инфекциянын жеңил түрү менен ооруп айыккандар 30 күндөн кийин кайрадан кан тапшыра алышат. Ал эми вирустун орто жана оор формасы менен ооругандарга кан жана анын компоненттерин тапшырууга алты айга чейин тыюу салынат.

"Эмдөөдөн кийин качан кан тапшырса болору буйрукта бекитилген эмес. Бирок бизге белгилүү болгондой, кан бергенден кийин анын клеткалык элементтери — эритроциттер, лейкоциттер жана тромбоциттер калыбына келиши керек, бул төрт жумадан алты жумага чейин созулат. Ошондуктан эмдөөдөн бир айдан ашык убакыт өткөндөн кийин кан тапшырсаңыз болот", — деди Сатыбалдиева.

Ал медициналык жайлар дагы деле донорлорго муктаж экенин айтып, коронавирустан толук айыгып, вакцина алгандарды кан тапшырууга чакырды.

8
Белгилер:
Айганыш Сатыбалдиева, коронавирус, эмдөө, донор, кан тапшыруу
Тема:
Кыргызстандагы коронавирус
Тема боюнча
COVID-19дан кийин чачтын түшүшүн кантип токтотсо болот? Трихологдун кеңеши