Көчөдө баратакан кыз. Архив

Суук эрте түшөбү? Октябрь айына карата аба ырайы

35156
(жаңыланган 12:28 17.09.2021)
Октябрда абанын айлык орточо температурасы Чүй, Талас, Ош, Жалал-Абад, Баткен облустарынын өрөөндөрүндө жана Ысык-Көл, Нарындын дыйканчылык аймактарында норманын чегинде болушу божомолдонду.

БИШКЕК, 17-сен. — Sputnik. Кыргызгидромет агенттиги октябрь айына карата аба ырайынын божомолу тууралуу маалымат берди.

© Фото / Кыргызгидромет
Октябрда абанын орточо температурасы

Ага ылайык, октябрда абанын айлык орточо температурасы Чүй, Талас, Ош, Жалал-Абад, Баткен облустарынын өрөөндөрүндө жана Ысык-Көл, Нарындын дыйканчылык аймактарында норманын чегинде, тоо этектеринде жана тоолуу райондордо нормадан 1 градус төмөн болушу күтүлөт. Жаан-чачындын айлык көлөмү норманын чегинде болушу божомолдонууда.

© Фото / Кыргызгидромет
Октябрдагы жаан-чачындын орточо көлөмү

Чүй облусу

Абанын айлык орточо температурасы климаттык норманын чегинде болуп, 9…11 градус жылуу, тоо этектеринде жана Кемин өрөөнүндө нормадан 1 градус төмөн болушу ыктымал.

Ай ичинде абанын температурасы түнкүсүн 2…7 градустан 8…13 градуска чейин жылуу болуп, өзгөрүп турушу мүмкүн. Кээ түндөрү -1...-3 градуска чейин үшүк жүрөрү айтылды.

Күндүз 12…17 градустан 19…24 градуска жетип, айрым учурда 5…10 градуска төмөндөшү ыктымал.

Кемин өрөөнүндө жана тоо этектериндеги райондордо абанын температурасы түнкүсүн 0…5 градуска жетсе, кээ бир түндөрү -2…-4 градус болуп, үшүк жүрүшү мүмкүн.

Күндүз 9…14 градустан 15…20 градуска чейин жылыйт. Жаан-чачындын айлык көлөмү нормага жакын болот.

Талас облусу

Абанын айлык орточо температурасы климаттык норманын чегинде болуп, 7…9 градус жылуу болушу божомолдонууда. Ай ичинде абанын температурасы түнкүсүн 1…6 градус, кээ бир түндөрү -2...-4 градуска түшүп, үшүк жүрүшү мүмкүн. Күндүз абанын температурасы 11…16 градустан 19…24 градуска жетип, кээ бир күндөрү 4…9 градуска төмөндөшү күтүлөт. Жаан-чачындын айлык көлөмү нормага жакын болушу күтүлөт.

Ош облусу

Абанын айлык орточо температурасы климаттык норманын чегинде болуп, 11…13 градус жылуу болушу ыктымал. Тоо этектериндеги райондордо климаттык нормадан 1 градуска төмөндөп, 6…8 градус жылуу болушу божомолдонууда.

Ай ичинде абанын температурасы түнкүсүн 2…7 градустан 9…14 градуска чейин жылып, өзгөрүлүп турушу күтүлөт. Айрым түндөрү 0...-2 градуска муздап, үшүк жүрүшү мүмкүн.

Күндүз 12…17 градустан 20…25 градуска чейин ысышы ыктымал. Түнкүсүн абанын орточо температурасы 7…12 градустун тегерегинде болот.

Тоо этектериндеги райондордо ай ичинде абанын температурасы түнкүсүн 1…6 градустан 7…12 градуска чейин жылыйт.

Күндүз 9…14 градустан 18…23 градуска чейин өзгөрүп турушу ыктымал. Жаан-чачындын айлык көлөмү нормага жакын болушу божомолдонууда.

Жалал-Абад облусу

Абанын айлык орточо температурасы климаттык норманын чегинде болуп, 11…13 градус жылуу, тоо этектериндеги райондордо 6…8 градус жылуу болушу күтүлөт.

Ай ичинде абанын температурасы түнкүсүн 2…7 градустан 9…14 градус чейин жылыса, кээ түндөрү 0...-2 градуска жетип, үшүк жүрүшү мүмкүн.

Тоо этектериндеги райондордо ай ичинде абанын температурасы түнкүсүн 1…6 градустан 7…12 градус жылуу болсо, айрым түндөрү -2...-4 градус муздап, үшүк жүрүшү мүмкүн.

Күндүз 9…14 градустан 18…23 градуска чейин, кээ бир күндөрү 3…8 градус жылышы ыктымал.

Токтогул районунда ай ичинде абанын температурасы түнкүсүн 1…6 градустан 7…12 градуска чейин жылышы мүмкүн. Айрым түндөрү абанын температурасы 0…-2 градус болуп, үшүк жүрүшү ыктымал.

Күндүз 9…14 градустан 18…23 градуска чейин, айрым күндөрү 4…9 градус жылуу болушу божомолдонууда. Жаан-чачындын айлык көлөмү нормага жакын болушу мүмкүн.

Баткен облусу

Абанын айлык орточо температурасы климаттык норманын чегинде болуп, 11…13 градус жылуу, тоо этектериндеги райондордо нормадан 1 градус төмөн болуп, 6…8 градус жылуу болушу күтүлөт.

Ай ичинде абанын температурасы түнкүсүн 2…7 градустан 9…14 градуска чейин жылуу болсо, кээ бир түндөрү үшүк жүрүшү ыктымал.

Күндүз 12…17 градустан 20…25 градуска чейин жылыйт.

Тоо этектериндеги райондордо абанын температурасы түнкүсүн 1…6 градустан 7...12 градуска чейин жылыса, кээде -2…-4 градуска чейин үшүк жүрүшү мүмкүн.

Күндүз 9…14 градустан 18…23 градуска чейин жылышы божомолдонду.

Жаан-чачындын айлык көлөмү нормага жакын болот.

Ысык-Көл облусу

Абанын айлык орточо температурасы климаттык норманын чегинде болуп, 6…8 градус жылуу болушу күтүлөт.

Ай ичинде абанын температурасы түнкүсүн 1…6 градустун тегерегинде болуп, кээ бир түндөрү -2…-4 градус суук болушу божомолдонду.

Күндүз 9…14 градустан 15…20 градуска чейин жылышы ыктымал. Жаан-чачындын айлык көлөмү нормага жакын болот.

Нарын облусу

Абанын айлык орточо температурасы климаттык норманын чегинде болуп, 5…7 градус жылуу болору айтылды.

Ай ичинде абанын температурасы түнкүсүн -4 градус суук жана 1 градустан 2…7 градуска жетип өзгөрүп турушу ыктымал. Айрым түндөрү абанын температурасы -3…-8 градус муздап, үшүк жүрөт.

Күндүз 7…12 градустан 14…19 градуска чейин жылып, айрым күндөрү 2…7 градуска төмөндөйт.

Жаан-чачындын айлык көлөмү нормага жакын болушу күтүлөт.

Жайыттар зонасы

Алайдан абанын айлык орточо температурасы климаттык нормадан 1 градус төмөн болуп, 0…-2 градус суук болсо, Чаткалда ай ичинде абанын температурасы 3…5 градус жылуу болушу божомолдонду. Суусамырда абанын айлык орточо температурасы климаттык нормадан 1 градус төмөн болуп, -1 градустан…+1 градуска чейин жылыйт.

 

35156
Белгилер:
Кыргызгидромет, аба ырайы, октябрь, божомол
Тема боюнча
Марипов шайлоого даярдануу, кыш камын көрүү боюнча министрлерге тапшырма берди
Жолду кардан тазалоо иштери. Архивдик сүрөт

Куткаруучулар Казарман Жалал-Абад жолунан 9 кишини аман алып калды. Видео

95
(жаңыланган 21:58 23.10.2021)
Ашууда калган тогуз адамдын арасында аял жана жаш бала болгон. Куткаруучулар аларга түнкү саат үчтөрдө жеткен.

БИШКЕК, 23-окт. — Sputnik. ӨКМдин жыйырмага чукул кызматкерлери Казарман — Жалал-Абад жолунда кар калың жаагандыктан ашууда калган 9 адамды аман алып келишти. Бул тууралуу ӨКМдин маалымат кызматынан кабарлады.

Министрлик окуянын видеосун социалдык тармактагы баракчасына жарыялады.

Бир нече киши 22-октябрь күнү жолдо калган.

"Казарман — Жалал-Абад жолунун 87-91-чакырымында (Сары-Кыр ашуусу, Шаркыратма тилкеси) аба ырайы бузулуп, кар калың жааганына байланыштуу эки КамАЗ мал жандыктары менен, бир жеңил автокөлүк тогуз адамы менен аша албай калган. ӨКМ кызматкерлери 23-октябрда түнкү саат 02:58де ал жерге жеткен", — деп айтылат маалыматта.

Ашууда калган тогуз кишинин арасында аял жана жаш бала болгон.

Куткаруучулар кабар келген аймакка 700 метр калганда техника бара албай, жөө чыгып, ашуудагыларды алып түшкөн.

ӨКМден куткарылгандардын абалы жакшы экендигин жана Жалал-Абад шаарына жеткирилгендигин билдирди.

95
Белгилер:
Кыргызстан, Сузак району, ӨКМ, куткаруучу, ашуу
Тема боюнча
Куткаруучулар Көл-Төрдө жоголуп кеткен 10 индиялыкты тапты
Россияда киного тартылган мигрант Нурбол Кайрат уулу, актриса Ксения Раппопорт менен

Россияда киного тартылган мигрант Нурбол: режиссёр Добрыгин мени окутарын айтты

557
(жаңыланган 21:37 23.10.2021)
Москвада курьердик кызматта иштеген 20 жаштагы Нурбол Кайрат уулу россиялык режиссёр Григорий Добрыгиндин "На близком расстоянии" тасмасына тартылган.

Фильм пандемия жана жалгыздык тууралуу болуп, анда адамдардын эпидемиологиялык мезгилдеги мамилеси көрсөтүлөт. Sputnik Кыргызстан агенттигинин кабарчысы аталган тасмага тартылган кыргызстандык Нурбол Кайрат уулу менен байланышып маектешкен.

— Сиз тартылган "На близком расстоянии" фильминин тизерин (үзүндүсүн) көрдүк. Ал жакта мигрант жигиттин ролун аткарыптырсыз. Кандайча чакырып калышты?

— Москвада иштеген курьерлердин социалдык тармакта ачылган жалпы чаты бар. Анда ар ким билбеген же өзүн кызыктырган суроолорду берип, бири-бирибизге жардам берип турчубуз. Жумушта жаралган маселелер жана даректи кантип табуу тууралуу да баарлашчубуз. Мен да өзүм билген маалыматтар менен бөлүшүп турчумун. Анан ал топто эмнегедир режиссёр Григорий Добрыгин да бар экен. Алгач ал киши менин аватаркада турган сүрөтүмдү көрүп, тасмадагы мигранттын ролуна туура көрүп, анан мени менен байланышты.

— Дароо эле жолугууга чакырыштыбы?

— Жок. Алгач социалдык тармактан сүйлөшүп, тасма тууралуу маалымат берип, анын сюжетин кыскача түшүндүрүп беришти. Баарын түшүндүргөндөн кийин анан менин макулдугумду сурашты. Албетте, дароо эле макул болдум.

— Фильмде сиз менен башкы ролду аткарган актриса Ксения Раппопортту таанычу белеңиз?

— Жок, таанычу эмесмин. Кастингге барып, көп актрисалар менен өнөктөш катары кинодогу ролдорубузду аткарып көрдүк. Акырында режиссёр кайсы актриса менен ойноо мага жеңил, ыңгайлуу болгондугун сураганда мен Ксенияны (Ксения Раппопорт — ред.) тандадым. Андан кийин гана ал көп кинолордо ойногон белгилүү актриса экенин билдим. Экөөбүз абдан тез тил таап, көнүшүп кеттик. Аны менен бирге фильмге тартылуу мага абдан жеңил болду. Ксенияны тандаган дагы бир себебим, мага абдан таланттуу жана жагымдуу көрүндү. Кийин ойлогондой эле түшүнүшүп, оңой иштешип кеттик.

Посмотреть эту публикацию в Instagram

Публикация от Ксения Раппопорт (@kseniarappoport)

— Мурда тасмага тартылып көрбөгөн соң алгач коркунуч, толкундануу болсо керек?

— Ооба, башында камерага көнө албай кыйналдым. Кино тартуучу топтон да тартынып жаттым. Андан кийин баары шар эле жүрүп кетти. Кино тарткан команда да өтө күчтүү, кесипкөйлөр экен. Баарынын мага болгон адамгерчиликтүү мамилеси жакты. Тартылуу маалында баары колдоо көрсөтүп, жардам берип жатышты. Ошол себептен бул чөйрөгө чочуркабай тез аралашып кеттим. Аларга рахмат айтам!

— Акы төлөө жагы кандай болду?

— Гонорар алдым. Бул жагынан да таарыныч болгон жок.

— Сизди режиссёр Григорий Добрыгин издеп жүргөнүн жакында эле "Вечерний Ургант" теле берүүсүндө айтты эле. Жолуктуңузбу?

— Ал киши менен 20-октябрда жолугуп, "На близком расстоянии" тасмасынын бет ачарына бирге барып келдик.

— Фильмдин бет ачарында экрандан өзүңүздү көрүп кандай абалда болдуңуз?

— Башкача бир толкундандым. Экрандан өзүмдү көрүп отуруп, ар кандай эмоцияларга кабылдым. Айрым жерлеринен уялдым, сүйүндүм, күлкүлүү кадрларын көрүп боорум эзилип күлдүм. 

Показ фильма Григория Добрыгина На близком расстоянии, где снялся курьер Нурбол Кайрат уулу
© Фото / предоставлено Нурболом Кайрат уулу
Нурбол Кайрат уулу: экрандан өзүмдү көрүп отуруп, ар кандай эмоцияларга кабылдым. Айрым жерлеринен уялдым, сүйүндүм, күлкүлүү кадрларын көрүп боорум эзилип күлдүм.

— Мындан ары киного тартылуу ниетиңиз барбы?

— Ооба, дагы киного тартылуу ниетим бар. Режиссёр Добрыгин актёрдук жаатында билим алгым келер-келбесин сурады. Ага окугум келерин айтсам, Москвадагы окуу жайлардын бирине актёрдук чеберчилик жаатында окууга киргизүүгө жардам берерин билдирди. 

— Москвада иштеп жүргөнүңүзгө канча жыл болду? Баргандан бери эле курьер болуп иштейсизби?

— Москвага эки жыл мурда келгем. Өзүм Ош облусунун Кара-Кулжа районунан болом. Россияга келгенден бери эле көбүнчө курьердик кызматта иштедим. Азыр деле курьер болуп иштеп жатам. Үйдө беш бир туугандын ортончусумун.

— Ата-энеңиз фильмге тартылганыңызды кандай кабыл алды?

— Абдан сүйүнүштү. Учурда атам Астанада иштейт. Негизи мен да Астанада төрөлгөм. Апам ден соолугуна байланыштуу азыр Кыргызстанда.

— Алдыда кандай максаттарыңыз бар?

— Мен негизи тил үйрөнүп, дүйнөнү кыдыргым келчү. "На близком расстоянии" фильминин бет ачарында россиялык режиссёр, продюсерлер менин кинодо ойногонумду мактап, жакшы ойлорун билдиришти. Алар да кааласам ушул жаатта билим алуума жардам беришерин айтышты. Бул тууралуу да ойлонуп жатам.

557
Белгилер:
Россия, Мигрант, фильм, актер
Тема боюнча
Россиялык тасмага тартылган кыргызстандык курьерди режиссер издеп жатат. Видео
Копоев: актёрлук кесипти ызадан, таарынычтан улам тандагам
РФ президенти Владимир Путин Валдай клубунун пленардык жыйынында

Өзгөрүүлөр доорундабыз. Путиндин "Валдай" клубунун жыйынындагы кеби

0
(жаңыланган 23:32 23.10.2021)
РФ президенти Владимир Путин "Валдай" клубунун пленардык жыйынында кенен сөз сүйлөдү. Россия президенти өлкөсү бүт дүйнө сымал эле улам тереңдеп, улам олуттуу тартып бараткан өзгөрүүлөрдү баштан кечирип жатканын белгиледи.

"Акыркы жылдары көпчүлүктүн көөнүндө "Кудай өзгөрүүлөр доорунда жашатпасын" деген кытай макалы бар. Бирок кааласак да, каалабасак да биз аны баштан кечирип жатабыз", — деди Путин.

Путиндин баамында, дүйнө азырынча жаңы тең салмактуулукка жетише элек. Бардык багыттагы бирдиктүү өзгөрүүлөргө эбак көнүүгө тийиш элек, бирок анте алган жокпуз. Россиялык президенттин "Валдай" эл аралык талкуу клубундагы сөзүнүн урунттуу учурларынан РИА Новости агенттиги тандап алып, өзүнчө берген.

РФ президенти пандемия дүйнөлүк коомчулук кандай морт экенин дагы бир ирет эскертип, жашап кетүү үчүн турмушубуздун түзүлүшүн кайра карап чыгуу абзелдигин айтат. Ошону менен бирге эле Путин капитализмдин азыркы үлгүсүнүн убагы өткөнүн, чиеленишип бараткан карама-каршылыктардан анын жардамы менен чыгууга болбостугун белгилейт. Анын пикиринде, дүйнөдө азык-түлүк каатчылыгы күчөгөндөн күчөй берет. Бул көйгөйлөрдүн баары жүрүп отуруп коомго терең жик салат.

РФ президентинин айтымында, бардык мамлекеттер орток көйгөйлөрдү биргеликте чечүүгө даяр экенин билдиргени менен иш жүзүндө дайым андай боло бербейт. Пандемия терс тенденцияларды тездетип гана койду. Анткен менен маселе татаал, саясатчылар эң оболу өз мекендештеринин алдында жооптуу, ошол себептүү эл аралык жана транс-улуттук темалар экинчи планга жылат, жалпысынан кадыресе жана туура кадам.

Президент белгилегендей, дүйнөнүн бүгүнкү абалы — кансыз согуштун натыйжасы, андан сабак алып, бүтүм чыгарып, куралдуу чоң тирешсиз жаңы дүйнө түзүмүн орнотуу зарыл.

БУУ реформасы

Россия лидери аталган жыйында Бириккен Улуттар Уюмуна кеңири токтолду. РФ президенти БУУну айныгыс баалуулук деп атап, дүйнө аны сактап калууга тийиш экенин белгиледи. Ыргагы ыкчам өзгөрүүлөргө көнүүгө дайым үлгүрө бербесе да шашпоо, аны реформалоодо катачылыкка жол бербөө керек. Башка мамлекеттердин анын Коопсуздук кеңешине туруктуу мүчө болуу мүмкүнчүлүктөрү жөнүндөгү маселе Россия тарабынан эмес, консенсус менен чечилиши шарт. Ал эми кеп, анын пикиринде, тең салмактуулукту таба билгенде.

"Эгер туруктуу мүчөлөрдүн вето укугун бузуп койсок, анда Бириккен Улуттар Уюму дал ошол күнү кыйрайт, ал жөн гана Улуттар лигасына айланып калат, бүттү", — дейт президент. 

Президент РФ Владимир Путин на пленарной сессии XVIII ежегодного заседания Международного дискуссионного клуба Валдай. 21 октября 2021 года
© Sputnik / Максим Блинов
РФ президенти Владимир Путин "Валдай" клубунун пленардык жыйынында

COVID-19га каршы күрөш

Россиялык президент COVID-19 пандемиясы боюнча токтолуп, анын курмандыктарынын саны Биринчи дүйнөлүк согуштагы жоготууларга тете, ал тургай андан да ашык экенин эске салды. Ошону менен бирге эле илдетке каршы күрөштө эл аралык жардамга зарылып турган өлкөлөргө каршы санкциялар дале сакталуу бойдон турат.

"Анда батыштык саясий ойдун гумандуу башаты кайда? Иш жүзүндө эч нерсе жок. Курулай гана сөздөр", — деди Путин.

РФ мамлекет башчысы ар бир мамлекетти орунсуз дымактарын жыйыштырып, бул көйгөйдү жеңүүдө чогуу иштөөгө чакырды.

Коронавируска каршы милдеттүү эмдөөнү Путин колдобой турганын, анткени таңууланган чечимден буйтап кетүүгө болорун, ал эми бийлик дартка чалдыккандан көрө эмделген дурус экенин элге далилдеп берүүгө тийиштигин айтты.

Акыл чегиндеги консерватизм

Баалуулуктар да россиялык лидердин сөзүндө негизги темалардан болду. РФ президенти аларды ар бир улуттун маданий-тарыхый өнүгүшүнүн уникалдуу өндүрүмү экенин айтты. Өз ара чырмалышы ой таанымды кеңейтип, өз салт-санааңды башкача карап чыгууга мүмкүндүк берет. Бирок бул процесс убакытты талап кылып, ажырагыс болушу шарт.

"Белгисиз жана болжоп болгус шарттарда баалуулукту таңуулоо аракеттери ансыз да курчуп турган кырдаалды дагы ырбатып, адатта терс реакцияны жаратып, күтүлбөгөн жыйынтыктарга дуушар кылат", — деди РФ президенти.

Путин жыйында Мартин Лютер Кингдин: "...Төрт балам терисинин түсүнө эмес, алардын адамдык сапаттарына карап бааланчу күндүн келерин кыялданам" деген сөзүн келтирди.

"Мына, нагыз баалуулук. Бирок ушул чакта баары башкача болуп жатканына күбөбүз", — деди Путин. Дүйнөлүк түзүм кайра калыптанып жаткан маалда (соңу эмне болору белгисиз) салкын кандуу консерватизм – төмөнгө чөктүрбөй, башаламандыкка батырбай кармаган акылга сыярлык жүрүм-турум чийини.

Путиндин баамында, Батышта аял менен эркектердин укугу тууралуу талкуулар таптакыр эле ашыкча өзгөчө темага айланып, "эркек", "аял" деген түшүнүктөрдүн өздөрүн жок кылууга белсенүүгө чейин жеткендей. Россия лидери эркек бала оңой эле кызга айланып, же, тескерисинче, кыз жеңил эле жигит боло аларына балдарды ынандырып, иш жүзүндө аларга тагдырын талкалап коё турган тандоого түртүшкөнү үрөй учура турган жагдай экенин белгилейт.

Кошумча кептер

Владимир Путин "Валдай" клубунун жыйынында совет учурунан да сөз козгоду. Теңдөө принцибине карабастан өлкөдө өзгөчө жеңилдиктер болгонун, жеке өзү да башка бир топ замандаштарындай эле ошол доордун көйгөйлөрүнө да тушугуп, жагымдуу жактарын да татканын, маселен жакшы билимге ээ болгонун белгиледи.

"Советтик киши" деген сөз айкашы идеологиялык түс алганын, бирок аны каралоо, мазактоо оройлук жана адепсиздикке жатарын айтты.

Путин Афганистандагы окуяларга да токтолбой койгон жок. Айтымында, ал жактагы кырдаал олуттуу мааниге ээ, анткени баары өз чек араларында туруктуу мамлекетти карайт, мындан тышкары, өлкөдө террордук топтор бар. Ал белгилегендей, Афганистанга экономикасын калыптандырып, активдерин ачууга көмөктөшүү керек. Ошол эле убакта Кошмо Штаттардын лидери Жозеф Байдендин америкалык күчтөрдү өлкөдөн чыгарып кетүү чечимин туура деп баалап, бирок аны башкача ашыруу керек эле деп кейиди.

Кеп кезеги Украина маселесине жеткенде Путин бул өлкөнүн калкына алардын мүдөөсүн аткарчу бийлик органдарын мыйзамдуу жол менен түзүүгө мүмкүнчүлүк беришпей тургандай туюларын айтты. Ошол эле убакта аталган республиканын аймагын Россия үчүн кооптуулук жаратчу аскердик өздөштүрүү аракеттери жүрүп жатканын белгиледи.

Клубдун жыйынында россиялык президент "Түндүк агым — 2ни" да унутта калтырбады. Заманбап технологиялардан улам көмүр кычкыл газынын чыгарылышы Украина аркылуу транзит менен жеткирүүгө салыштырмалуу 5,6 эсе азыраак экенин, ал эми экологдордун жаңы магистралга койгон дооматтары суу кечпей турганын айтты.

Ошону менен бирге эле ал мындай долбоорлор дүйнөгө катаал каатчылыктардын алдын алууга жардам бере аларын, Россияны энергетика тармагында чектөө аракеттери жакшылыкка алып келбей турганын кошумчалады. Айтымында, эгер эртең германиялык жөнгө салуучу бул түтүк аркылуу газ берүүгө уруксат берсе, Москва көгүлтүр оттун көлөмүн 17,5 миллиард куб метрге арттыра алмак.

Мамлекет башчысы катары негизги жетишкендиктери боюнча суроолорго берген жообунда Путин экономиканын жана өнөр жайдын дээрлик талкаланып калган айрым, анын ичинде коргоо тармагынын калыптанышын атады. Ошондой эле жетишкендиктерге россиялык президент террорчулукка каршы күрөштү да кошту.

"Болочокто коом менен мамлекеттин бардык ресурстары адамдын кызыкчылыгынын тегерегине топтолушун каалайм", – деди мамлекет башчысы. Владимир Путин кезегинде россиялык үй-бүлөлөр кандай кыйынчылык жана азаптарды башынан кечиргенин көргөнүн, бирок өлкө орус улутунун өзөгүндөгү өнүгүүгө болгон күчтүү өбөлгө менен аларга туруштук бере алганын баса белгиледи.

"Валдай" эл аралык талкуу клубунун жыйыны быйыл Сочиде 18–21-октябрда "Глобалдык силкинүү — XXI: адам, баалуулук, мамлекет" деген аталышта өттү.

0
Белгилер:
Россия, Владимир Путин, талкуу, дүйнө, лидер
Тема боюнча
Адистер Путиндин "Валдай" жыйынында айткандары боюнча өз көз караштарын билдирди