Бишкекте жолдон өтүп бараткан түгөйлөр. Архивдик сүрөт

Келерки жуманын этеги жаан-чачындуу болот. Бир жумага карата аба ырайы

21998
Синоптиктердин божомолунда алдыдагы жуманын башында кээ бир аймактарда күн ачык болот. Андан кийин айрым жерлерде жамгыр, тоолуу аймактарда кар жаайт.

БИШКЕК, 26-сен. — Sputnik. Кыргызгидромет агенттиги келе жаткан жумага карата аба ырайынын божомолу тууралуу маалымат берди.

Ага ылайык, алдыдагы жуманын башында кээ бир аймактарда күн ачык болот. Андан кийин айрым жерлерде жамгыр, тоолуу аймактарда кар жайт.

Чүй

27-сентябрда күндүз жана 30-сентябрда кээ бир райондордо жаан, ал эми бийик тоолуу райондордо кар жаашы күтүлөт. 1-октябрда көпчүлүк аймактарда мезгил-мезгили менен жаан-чачын болот.

Бишкек

30-сентябрда жана 1-октябрда мезгил-мезгили менен жаан жаайт. Калган убакта күн ачык.

Талас

27-сентябрда күндүз жана 30-сентябрда түнкүсүн кээ бир райондордо жамгыр, бийик тоолуу жерлерде кар жаашы ыктымал. Ал эми 1-октябрда көпчүлүк аймактарда мезгил-мезгили менен жамгыр жаап, тоолуу райондордо кар түшөт.

Ош

1-октябрда эртең менен жана күндүз, 2-октябрда түнкүсүн кээ бир райондордо жамгыр, тоолуу райондордо кар жаашы мүмкүн.

Жалал-Абад

Облуста жуманын башында күн ачык болот. 30-сентябрда жана 1-2-октябрда айрым жерлерде жаан-чачын жаайт. Адаттагыдай тоолуу аймактарга кар түшүшү мүмкүн.

Баткен

1-2-октябрда көпчүлүк аймактарда мезгил-мезгили менен жамгыр, тоолуу райондордо кар жаайт. 

Ысык-Көл

1-2-октябрда түнкүсүн кээ бир райондордо, эртең менен жана күндүз көпчүлүк аймактарда мезгил-мезгили менен жамгыр, тоолуу райондордо кар жаашы күтүлөт. 

Нарын

1-октябрда эртең менен жана күндүз көпчүлүк аймактарда мезгил-мезгили менен жамгыр, тоолуу райондордо кар жаай турганы айтылды. 2-октябрда түнкүсүн ушундай эле аба ырайы болот.

21998
Белгилер:
Кыргызстан, аба ырайы, жаан, кар, апта
Тема боюнча
Суук эрте түшөбү? Октябрь айына карата аба ырайы
Документке кол коюп жаткан мамлекеттик кызматкер. Архив

Дары-дармек департаментине жаңы жетекчи дайындалды

26
(жаңыланган 15:32 28.10.2021)
Жетекчи буга чейин Дары-дармек жана медициналык каражат департаментинде алдыңкы адис болуп эмгектенген.

БИШКЕК, 28-окт. — Sputnik. Нурдин Кагаздиев Дары-дармек жана медициналык каражат департаментине жетекчи болуп дайындалды. Бул тууралуу Саламаттык сактоо министрлиги кабарлады.

Тийиштүү буйрукка министрлер кабинетинин төрагасы Акылбек Жапаров кол койгон.

Кагаздиев жогорку билимдүү. Иса Ахунбаев атындагы Кыргыз мамлекеттик медициналык академиясын жана Жусуп Баласагын атындагы Кыргыз улуттук университетин аяктаган. 36 жашта. Буга чейин Дары-дармек жана медициналык каражат департаментинде алдыңкы адис болуп эмгектенген.

26
Белгилер:
саламаттык сактоо, дары-дармек менен камсыздоо департаменти, жетекчи
Тема боюнча
Фарммафия: УКМК мурдагы министрдин тууганын кармады
Күрөш залында машыгып жаткан кыздар. Архив

Бишкекте балбан кыздарга машыгуу залын куруу үчүн жер тилкеси бөлүндү. Дареги

96
(жаңыланган 13:52 28.10.2021)
Көчөт отургузула турган аймакты кошо алганда бөлүнгөн жердин жалпы аянты 800 чарчы метрди түзөт. Долбоордун баштапкы баасы 43 миллион сомго бааланууда.

БИШКЕК, 28-окт. — Sputnik. Бишкекке аялдар күрөшү менен машыгуу үчүн ылайыкталган спорт зал курууга Жаштар иши, дене тарбия жана спорт мамлекеттик агенттигине жер тилке бөлүнүп берилди. Бул тууралуу Маданият, маалымат, спорт жана жаштар саясаты министрлигинин маалымат кызматы билдирди.

Ага ылайык, Малдыбаев көчөсүндөгү Массалык спортту өткөрүү жана жаштар менен иштөө боюнча "Жаштык" дирекциясынын аймагынан 40*15 метр жер берилди. Көчөт тигиле турган аймакты кошо алганда бөлүнгөн жердин жалпы аянты 800 чарчы метрди түзөт.

"Жаштык" дирекциясынын аймагына зал куруу максатка ылайыктуу. Анткени аталган жайда бассейни бар спорт комплекси жайгашкан. Мында балбан кыздардын машыгуу процессине кошумча шарттар болот", — деп айтылат маалыматта.

Архитектура, курулуш, турак жай-коммуналдык чарба мамлекеттик агенттиги машыгуу залынын долбоорун, ошондой эле архитектуралык-пландоо жана инженердик-техникалык шарттарды иштеп чыгууга киришти. Ал эми керектүү документтер даярдалып, бекитилип бүткөн соң курулуш иштери башталат.

Долбоордун баштапкы сметалык баасы 43 миллион сомду түзөт. Объектинин курулушунун жалпы наркы залдын сметасы толук иштелип чыккандан соң белгилүү болот.

Залдын курулушун Архитектура, курулуш жана турак жай-коммуналдык чарба мамлекеттик агенттиги жүргүзөт. Зал пайдаланууга берилгенден кийин имарат Маданият, маалымат, спорт жана жаштар саясаты министрлигине караштуу Жаштар иши, дене тарбия жана спорт мамлекеттик агенттигинин балансына өткөрүлөт.

Буга чейин мындай чечим президенттин тапшырмасы менен спортчуларды колдоо жана стимул берүү, ошондой эле дене тарбия жана спортту өнүктүрүү максатында кабыл алынганы айтылган.

 

96
Белгилер:
спорт, курулуш, күрөш
Тема боюнча
Бишкекте Жапаровдун тапшырмасы менен балбан кыздарга спорттук зал курулат
Оморканов: жер маселеси чечилсе хоккей аренасы курулат