Ала-Тоо аянтындагы унаалар. Архивдик сүрөт

Күн качан ачылат? Бир жумага карата аба ырайы

24982
Кийинки апта ичи деле жаанчыл болору божомолдонду. Аймактарда кээ бир күнү эле аба ырайы ачык болбосо, көп учурда жамгыр жаайт.

БИШКЕК, 3-окт. — Sputnik. Кыргызгидромет агенттиги келе жаткан жумага карата аба ырайынын божомолун билдирди. .

Кийинки апта ичи деле жаанчыл болот. Аймактарда кээ бир күнү эле аба ырайы ачык болбосо, көп учурда жамгыр жаайт.

Чүйдө 3-4-октябрь жана 8-9-октябрда күндүз жаан-чачын күтүлбөйт. Бирок 3-4-октябрь түнкүсүн жамгыр жаашы ыктымал. 5-6-октябрда күн ачык болору божомолдонду.

Бишкекте 6-октябрда күндүз жана 7-октябрда түнкүсүн жамгыр жаайт. Башка күндөрү ачык болору айтылды.

Таласта 6-октябрда эле жаан жаашы ыктымал. Башка күндөрү аба ырайы бузулбайт.

Ош, Баткен, Жалал-Абад облустарында 5-октябрда жана 9-октябрда жаан жаабайт. Башка күндөрү катары менен жамгыр жаап, тоолуу жерлерге кар түшүшү мүмкүн.

Нарын менен Ысык-Көл облустарында да 5-октябрь жана 9-октябрда күн ачык болот. Калган 3-4-6-7-8-октябрда жаанчыл болору айтылды. Абанын температурасы орточо болуп, тоолуу аймактарда -2...-3 градуска чейин түшүшү ыктымал.

24982
Белгилер:
Кыргызстан, Кыргызгидромет, аба ырайы, жаан
Тема боюнча
Жылуу эле болобу? Октябрь айына карата аба ырайы
Келерки жуманын этеги жаан-чачындуу болот. Бир жумага карата аба ырайы
Кыз электрондук тамеки менен. Архив

Электрондук тамеки менен кальяндын салыгы 10 эсе жогорулайт. Жаңы кодекс

18
Салыктык ставкалар кадимки тамеки менен теңделип, натыйжада жылына бюджетке кошумча 50 миллион сом түшөрү болжолдонууда.

БИШКЕК, 28-окт. — Sputnik. Кальян, электрондук тамеки, вейп сыяктуу тамекини алмаштыруучу каражаттардын акциздик салыгы 10 эсеге жогорулайт. Бул туурасында жаңы Салык кодексинин долбоорунда жазылган.

Ага ылайык, 1 000 даанасына 2 250 сомго чейин (ысытылуучу тамеки таякчалар, ысытылуучу тамеки капсулалары жана башка) акциз салыгын көбөйтүү, башкача айтканда, кадимки тамекинин салыгы менен теңдөө каралууда.

"Азыркы учурда тамекини алмаштыруучулар кеңири колдонулууда, салык салуу шарттарын теңдөө үчүн аталган категориядагылардын акциз салыгынын ставкасын жогорулатуу боюнча чечим кабыл алынды. Бир даана ысытылуучу тамекиге болгон акциз салыгы кадимки чылымдын акциз салыгынан 10 эсеге аз. Салыкты көтөрүүнүн натыйжасында жылына бюджетке кошумча 50 миллион сом түшөрү болжолдонууда", — деп жазылган долбоордо.

Ошондой эле мындай норманы киргизүүгө жакында коомдук жайлар менен мекемелерде чылымдын бардык түрүн чегүүгө тыюу салган мыйзам кабыл алынганы да түрткү болгон.

18
Белгилер:
кальян, салык кодекси, электрондук тамеки
Тема боюнча
Жапаров бюджетти 400 млрд. сомго чыгаруу үчүн каяктан акча табарын айтты. Видео
Instagram да, блогер да салык төлөйт. Жаңы кодекске кошулган берене
Көмүр саткан жайларга рейд жүргүзүлүүдө

Чүйдө көмүр саткан жайларга рейд жүргүзүлүүдө. Сүрөт

40
(жаңыланган 16:57 28.10.2021)
Текшерүүгө Монополияга каршы жөнгө салуу мамлекеттик агенттиги менен Экономика жана коммерция министрлигинен тышкары бир катар мамлекеттик жана муниципалдык органдардын кызматкерлери чыкты.

БИШКЕК, 28-окт. — Sputnik. Бишкектин төмөнкү жагындагы айланма жолдогу жана Сокулук районундагы көмүр саткан жайларда рейд жүргүзүлүүдө. Бул тууралуу Монополияга каршы жөнгө салуу мамлекеттик агенттиги кабарлады.

Рейды по урегулированию цен на уголь на топливных базах и стационарных точках объездной дороги Бишкека и в Сокулукском районе. 28 октября 2021 года
© Фото / пресс-служба ГААР при ПКР
Бишкектин төмөнкү жагындагы айланма жолдогу жана Сокулук районундагы көмүр саткан жайларда рейд жүргүзүлүүдө

Текшерүүгө аталган агенттиктен, Экономика жана коммерция министрлигинен тышкары бир катар мамлекеттик жана муниципалдык органдардын кызматкерлери чыкты.

"Сатуучуларга көмүрдүн баасы көтөрүлбөшү керектиги тууралуу түшүндүрүү иштери жүргүзүлдү", — деп айтылат билдирүүдө.

Сатуучулар мыйзамды бузуу менен мындан ары дагы бааны жогорулатса жоопко тартылары боюнча эскертүү берилди.

Эске салсак, буга чейин Кыргызстандын аймагында көмүрдүн баасын мамлекет убактылуу жөнгө салып турмай болгон.

Аталган чечим көмүрдүн баасынын өсүү темпин кармап туруу, 2021-2022-жылдагы күз-кыш мезгилинен өтүүдө калкты көмүр менен өз убагында туруктуу камсыз кылуу максатында кабыл алынган.

40
Белгилер:
Чүй облусу, Бишкек, көмүр, баа, рейд
Тема боюнча
Бийлик Бишкек менен аймактарда көмүрдүн баасын бекитти. Канчадан ашпаш керек?