Жамгыр учурунда көчөдө бараткан кыздар. Архив

Күн ачылабы? Дем алышка карата аба ырайы

4443
Жуманын этегинде көпчүлүк аймактарга жаан, тоолуу жерлерге кар жаашы мүмкүн. Анткен менен абанын температурасы 15...17 градус жылуу болот.

БИШКЕК, 7-окт. — Sputnik. Кыргызгидромет дем алышка карата аба ырайынын божомолун жарыялады.

Ага ылайык, апта аягында өлкөнүн көпчүлүк аймактарында жаан жаашы ыктымал. Анткен менен 15...17 градус жылуу болушу күтүлүүдө.

Чүй, Талас облустары

9-октябрда күндүз жана 10-октябрда түнкүсүн көпчүлүк аймактарда жаан, тоолуу райондордо кар жаашы күтүлөт. Ал эми 10-октябрда күндүз жаан кээ бир аймактарга гана жаашы ыктымал.

Ош, Жалал-Абад, Баткен облустары

9-10-октябрда Ош менен Баткен облусунун кээ бир райондорунда жаан, тоолуу райондорунда кар жаашы күтүлөт. Ал эми Жалал-Абадда 10-октябрда жаан жаабай турганы айтылды.

Ысык-Көл, Нарын облустары

Апта аягында Ысык-Көл менен Нарында жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетиши мүмкүн.

4443
Белгилер:
Кыргызгидромет, аба ырайы, дем алыш, жаан-чачын
Тема боюнча
Гүл жайнаган Бишкекке жааган кар. Шаардын асмандан тартылган видеосу
Bayraktar TB2 учкучсуз учуучу аппараты. Архив

Ташиев: Россия менен Түркиядан пилотсуз учуучу аппараттарды алып жатабыз

273
(жаңыланган 22:59 21.10.2021)
УКМК төрагасынын айтымында, алдыда алына турган пилотсуз учуучу аппараттарга да республикалык бюджеттин эсебинен каражат бөлүнгөн.

БИШКЕК, 21-окт. — Sputnik. Кыргызстан Россия жана Түркиядан учкучсуз учуучу аппараттарды сатып алат. Бул тууралуу министрлер кабинетинин төрагасынын орун басары, УКМКнын төрагасы Камчыбек Ташиев билдирди.

Видеону Facebook баракчасына Өткүрбек Рахманов жүктөдү. Ал бүгүн, 21-октябрда, Чек ара кызматынын өздүк курамын чыңдоо жана өлкөнүн мамлекеттик чек арасын бекемдөө үчүн сатып алынган сооттолгон 40 аскердик техниканы тапшыруу учурунда тартылган.

Ташиев аскердик техникалардын баасы 300 миллион сом болгонун жана бюджеттин эсебинен сатып алынганын билдирди. Алардын баары Баткен облусуна жөнөтүлөт.

Ошондой эле техникалык базаны чыңдоо иштери жүрүп жатканын белгиледи.

“Биз башка техникаларды алуу үчүн да мамлекеттик бюджеттен акча төлөдүк. Азыр Түркияда биз үчүн “Байрактар” учкучсуз учуучу аппараты жасалып жатат. Мындай техника дүйнөнүн беш өлкөсүндө гана бар, алардын бири Кыргызстан болот. Жакында ал да келип түшөт. Бүгүнкү күндө Түркияда башкаруучуларыбызды окутуп жатабыз”, — деди Ташиев.

УКМК төрагасы мындан сырткары Россиядан дагы "Орлан -10" учкучсуз учуучу аппараттарын сатып алып жатканын, ал үчүн каражат бөлүнгөнүн айтты. Аны менен катар снайпердик куралдар дагы алынып жатканын кошумчалады.

273
Белгилер:
техника, сатып алуу, Камчыбек Ташиев, учкучсуз аппараттар
Тема боюнча
Кыргыз-тажик чек арасындагы чыр. ИИМ иликтөөсүнүн жыйынтыгы эмне болду
Кыргызстанда пилотсуз учуучу аппарат чыгарган компания түзүлөт
Аял кол чатыр менен кар жаган учурда. Архив

Жума күнгө карата аба ырайы

97
22-октябрда аба ырайы кескин өзгөрүлүп, көпчүлүк аймактарда мезгил-мезгили менен жаан жаайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 21-окт. — Sputnik. Жума күнү өлкөнүн тоолуу райондорунда кар жаап, жолдорго муз тоңот. Бул тууралуу Кыргызгидромет билдирди.

Абанын температурасы Чүй, Ысык-Көл облустарында +1…+6, Таласта 0…+5, Ош, Жалал-Абад, Баткен аймактарында +4…+9, Нарын өрөөнүндө 0…+5 градус болот.

Күндүн табы Бишкекте +2…+4, Ош шаарында +6…+8 градусту көрсөтөт.

97
Белгилер:
аба ырайы, октябрь, Кыргызстан
Тема боюнча
Ноябрь айында аба ырайы кандай болот. Синоптиктердин божомолу
Түгөйлөр. Архивдик сүрөт

Германияда бойго бүтүүдөн коргоочу инновациялык аппарат ойлоп табышты

0
Аппаратты эркектин жыныстык органына жакын алып келип, бир аз убакытка иштетип кармап туруу керек. Андан чыккан ультраүндүү толкундар бел суунун активдүүлүгүн эки айга чейин токтотуп коёт.

БИШКЕК, 22-окт. – Sputnik. Германиялык дизайнер Ребекка Вайс адистер менен биргеликте эркектин уругунун активдүүлүгүн басаңдатып, бойго бүтүүдөн сактай турган аппарат ойлоп тапты. Бул тууралуу National Geographic Россия басылмасы жазды.

Жаңы аппарат эркектин уругунун активдүүлүгүн ультраүндүү толкундар менен басаңдатып коёт.

"Аппаратты эркектин жыныстык органына жакын алып келип, бир аз убакытка иштетип кармап туруу керек. Бул процедураны эки апта бою кайталоо зарыл. Андан чыккан ультраүндүү толкундар бел суунун активдүүлүгүн эки айга чейин токтотуп коёт. Тагыраак айтканда, урук энелик бездер менен биригип жаңы жашоо жарата албай калат. Бирок анын ден соолукка зыяны жок", — деди Вайс.

Аппаратты иштеп чыккандар алардын табылгасы үй-бүлөнү пландоодо көптөр күткөн жакшы жардамчы болот деп эсептейт.

"Азыркы бойго бүтүп калуудан коргоочу каражаттар бардык эле түгөйлөргө жага бербейт. Ден соолукка дагы залакасын тийгизиши мүмкүн. Мисалы, мага бул идея өзүм жатын моюнчасынын рагына кабылгандан кийин келди. Көп жылдар бою сактануу үчүн гормоналдык дары-дармектерди ичип жүрүп, кийин дартка чалдыктым", — деди адис.

Негизинен ушул сыяктуу аппарат буга чейин жаныбарларга колдонулуп келген, дизайнер аны адамга ылайыктап жасап чыккан. Бирок аны расмий түрдө сатыкка алып чыгуу үчүн клиникалык сыноодон өткөрүү керек.

Баса, идеянын автору бул табылгасы үчүн мыкты инженердик долбоорлорго ыйгарыла турган Жеймс Дайсон атындагы эл аралык сылыкка ээ болду.

0
Белгилер:
Германия, аял, эркек, ден соолук, тукум
Тема боюнча
Окумуштуулар аялдар төрөттөн кийин канча жылга картая турганын айтты