Бишкектин көчөсүндө бараткан жаран. Архивдик сүрөт

Кар жаайбы? Бир жумага карата аба ырайы

29876
(жаңыланган 15:56 29.11.2021)
Синоптиктердин божомолу боюнча аптанын баштапкы күндөрү аба ырайы ачык турганы менен экинчи бөлүгүндө айрым аймактарда жаан-чачын болот. Тоолорго кар түшөт.

БИШКЕК, 24-окт. — Sputnik. Кыргызгидромет алдыдагы аптага карата аба ырайынын божомолун жарыялады.

Маалыматка ылайык, аптанын баштапкы күндөрү аба ырайы ачык турганы менен экинчи бөлүгүндө айрым аймактарда жаан-чачын болот. Тоолорго кар түшөт.

Чүй облусу

24-26-октябрда жаан жаабайт. 27-28-октябрда кээ бир райондордо жамгыр, тоолуу райондордо кар жаайт. Аптанын соңунда тоолуу райондордо кар түшүшү күтүлүүдө. Батыштан соккон шамалдын ылдамдыгы секундасына 4-9 метрге жетет.

Талас облусу

24-26-октябрда күн ачык болот. Негизинен аптанын аягына чейин күндүз жаан-чачынсыз болуп, 30-октябрда кээ бир райондордо жамгыр, ал эми тоолуу райондордо кар жаашы мүмкүн. Батыштан соккон шамалдын ылдамдыгы секундасына 4-9 метрге жетет.

Ош, Жалал-Абад жана Баткен облустары

Өлкөнүн түштүгүндөгү облустарда аба ырайы бирдей. 24-27-октябрда жаан-чачын күтүлбөйт. 28-октябрда кээ бир райондордо жаан, тоолуу райондордо кар жаайт. 29-октябрда күндүз күн ачык болуп, аптанын акырында жаан жаайт. Батыштан соккон шамалдын ылдамдыгы секундасына 4-9 метрге жетиши божомолдонууда.

Ысык-Көл облусу

Ысык-Көлдө аптанын биринчи бөлүгүндө күн ачык болот. 28-октябрда кээ бир райондордо жамгыр, тоолуу райондордо кар жаайт. 30-октябрда да аба ырайы дал ушундай болот. Батыштан соккон шамалдын ылдамдыгы секундасына 4-9 метрге жетери айтылууда.

Нарын облусу

Жуманын биринчи жарымында күн ачык болуп, бейшемби күнү айрым бир райондордо жамгыр, тоолордо кар жаайт. Аптанын соңу дагы жаан-чачындуу болот.

29876
Белгилер:
Кыргызстан, күз, аба ырайы, апта
Тема боюнча
Ноябрь айында аба ырайы кандай болот. Синоптиктердин божомолу
Күн кайра ачылабы? Дем алышка карата аба ырайы
Кыргызстандык балбан кыз Мээрим Жуманазарова. Архив

Мээрим Жуманазарова Гран-при мелдешиндеги атаандашы Велиеваны дагы утту

15
(жаңыланган 01:28 04.12.2021)
Буга чейин Россиянын Күрөш федерациясы Мээрим Жуманазарова менен Ханум Велиеваны беттештирүү сунушу менен Кыргызстандын күрөш уюмуна кайрылган.

БИШКЕК, 4-дек. — Sputnik. Кыргызстандык балбан кыз Мээрим Жуманазарова "Гран-при Москва — АЛРОСА кубогу" мелдешиндеги атаандашы Ханум Велиеваны 3:2 эсеби менен утуп алды. Спортчу кыздардын таймашын Россиянын Спорттук күрөш федерациясынын расмий сайты түз алып көрсөттү.

Эки бөлүккө созулган кыл чайнаш кармаштын жыйынтыгында кыргызстандын балбан кызы жеңишти илип кетти. Кармаштын биринчи эле бөлүгүндө Мээрим адегенде контр чабуул жасап бир упай алды. Көп өтпөй бутка кирип, атаандашын партерге жыгып дагы эки баллга ээ болду. Бөлүк 3:0 менен аяктады.

Экинчи үч мүнөттүктө кыргызстандык балбан кыз эсеп артыкчылыкты сактап калуу тактикасы менен күрөштү. Велиева чабуул жасап Мээримди эки ирет чийин сыртына сүрүп чыгарып эки упай алды. Беттеш 3:2 Мээримдин артыкчылыгы менен жыйынтыкталды.

Мээрим Жуманазарованы мелдешке машыктыруучусу атасы Рахмадил Жуманазаров коштоп барган.

Мелдеш Москва шаарындагы "ВТБ Арена Парк" спорттук жайында өттү.

Буга чейин Россиянын Күрөш федерациясы Мээрим Жуманазарова менен Ханум Велиеваны беттештирүү сунушу менен Кыргызстандын күрөш уюмуна кайрылган. Машыктыруучулук штаб Мээрим менен кеңешип, бул сунушка макул болгон.

Спортчу кыздар муну менен төртүнчү ирет кез келип жатат. Эске салсак, октябрь айында Ослодо өткөн дүйнө чемпионатынын жарым финалында Жуманазарова Велиеваны уткан. Таймаш 3:3 эсебинде аяктаган, бирок акыркы аракетти жасап, упай алганы үчүн кыргызстандык балбан кызга артыкчылык берилген.

Калыстар беттеш эсебин таблодо туура эмес көрсөткөндүгү үчүн кармаштын жыйынтыгына карата айрым түшүнбөстүктөр пайда болгон. Мындан улам Россиянын машыктыруучулар штабы кармашта реферилер ката кетирген деп эсептеп, калыстык кылган топтун үстүнөн даттанарын айтып чыккан болчу.

Ал эми 2019-жылы Финляндияда өткөн жаштар арасындагы дүйнөлүк чемпионатта беттешсе, экинчисинде Польшада былтыр өткөн Poland Open 2020 эл аралык турниринде кез келип, Мээрим 7:2 эсебинде уткан.

Ал эми үчүнчүсүндө быйыл Норвегиянын Осло шаарында өткөн дүйнө биринчилигинин жарым финалында кармашып, Мээрим жеңип алган.

15
Белгилер:
Мээрим Жуманазарова, Ханум Велиева, мелдеш
Тема боюнча
Жоламан күрөшкөндө титиреп турам... Легендарлуу Хаким агайдын видеосу
Мелис Турганбаев Күрөш федерациясынын президенти болуп тандалды
Россиянын президенти Владимир Путин. Архив

Путин Жапаровду парламенттик шайлоонун ийгиликтүү өтүшү менен куттуктады

30
(жаңыланган 00:10 04.12.2021)
Телефон менен сүйлөшүүдө Путин Садыр Жапаровду келе жаткан туулган күнү менен да куттуктап кеткен.

БИШКЕК, 3-дек. — Sputnik. Мамлекет башчы Садыр Жапаров менен Россиянын президенти Владимир Путин телефон аркылуу сүйлөштү. Бул тууралуу президенттин маалымат кызматы кабарлады.

Билдирмеге караганда, 2022-жылы Кыргызстан Евразиялык экономикалык биримдикке төрагалык кылат. Телефон аркылуу сүйлөшүүдө президенттер кызматташууну өнүктүрүүнү талкуулашты.

Сүйлөшүүдө Жапаров элдин эрки менен өткөн парламенттик шайлоо тууралуу айтып берип, Россияга шайлоолорго байкоочу катары активдүү катышып, мекендештердин добуш берүүсүн уюштуруудагы көмөгү үчүн ыраазычылык билдирген. Ошондой эле "Спутник-лайт"  вакцинасынын кезектеги партиясын жеткиргендиги үчүн рахматын айткан.

Өз кезегинде Путин Жапаровду шайлоону ийгиликтүү өткөрүшү менен куттуктап, Кыргызстан элинин бакубаттуулугу үчүн өлкөнүн мындан аркы социалдык-экономикалык өнүгүүсүн каалаган. Ошондой эле Жапаровду келе жаткан туулган күнү менен куттуктаган. Өлкө лидерлери тараптар ортосундагы активдүү диалогду союздаштык жана стратегиялык өнөктөштүктүн негизинде улантуу чечимин бекемдешти.

30
Белгилер:
Кыргызстан, Россия, Садыр Жапаров, Владимир Путин, сүйлөшүүлөр
Тема:
Жогорку Кеңешке жаңы тартип менен болчу шайлоо
Тема боюнча
Садыр Жапаров: БШК бийлик кысым кылганын айтса, отставкага кетем
Бюллетендердин 99%ы кол менен саналып бүттү. Кайсы партиялар өттү