Айдоочу. Архив

Кырсыкты өзүбүз да алдын алалы. Милиционерлер тез жардамдын айдоочуларына кайрылды

41
Милиционерлер айдоочуларга унаалардын жайкы дөңгөлөктөрүн кышкыга алмаштыруу керектигин, жарык берүүчү жана үн коштоочу каражаттарды байма-бай иштетүү зарыл экенин эскертишти.

БИШКЕК, 12-ноя. — Sputnik. Милициянын кайгуул кызматы тез жардам унааларынын айдоочуларына түшүндүрүү иштерин жүргүздү. Бул тууралуу аталган кызмат кабарлады.

Маалыматка ылайык, Бишкек шаарынын аймагында жыл башынан бери тез жардам унааларынын катышуусунда 15 жол кырсыгы катталып, жети киши жаракат алган.

"Кырсыктардын көпчүлүгү оорулууну ташып баратканда каршы тилкедеги унаалардын жол бошотуп бербей койгонунан жана катуу ылдамдыкта айдагандан келип чыккан. Ошондой эле айрым тез жардам унааларынын техникалык абалы начар болгондуктан жол кырсыктары келип чыгары байкалууда", — деп жазылган маалыматта.

Буга байланыштуу Милициянын кайгуул кызматынын техникалык көзөмөлдөө бөлүмүнүн кызматкерлери Саламаттык сактоо министрлигинин автобазасындагы тез жардам унааларынын айдоочуларына жолугуп, түшүндүрүү иштерин жүргүзүшкөн.

"Жолугушуу учурунда алгач унаанын техникалык абалына көңүл буруп, жайкы дөңгөлөктөрүн кышкыга алмаштыруу керектигин айтышты. Бейтаптарды ооруканага ыкчам жеткирүү учурунда каршы тилке менен унаалардын жол бошотуп бергенине көңүл буруп, кыймыл учурунда жарык берүүчү жана үн коштоочу каражаттарды байма-бай иштетүү керек экендигин эскертишти", — деп жазылган билдирмеде.

Ушул тапта Кайгуул кызматынын техникалык көзөмөлдөө бөлүмү тарабынан "Коомдук транспорт" аталышында рейд өткөрүлүп жатат.

41
Белгилер:
Жол кайгуул кызматы, тез жардам, унаа, айдоочу, эскертүү, жол кырсык
Тема боюнча
ИИМ: уурулар көбүнчө малын кароосуз калтыргандардыкын айдап кетип жатат
Сот балкасы. Архивдик сүрөт

Жапаров Бишкек менен беш облуска сотторду дайындады. Тизме

77
(жаңыланган 22:50 04.12.2021)
Жер-жерлердеги кызмат орундарына Судьяларды тандоо боюнча кеңеш 16 талапкерди сунуштаган. Мамлекет жетекчиси 15ине макул болду.

БИШКЕК, 4-дек. — Sputnik. Президент Садыр Жапаров Бишкек шаарында жана облустарда 15 сотту дайындаганын өлкө башчынын маалымат кызматы кабарлады.

Кыргызстандын президенти Садыр Жапаров. Архив
© Пресс-служба президента КР / Султан Досалиев
Билдирүүдө Судьяларды тандоо боюнча кеңеш тарабынан президенттин атына Баткен, Ош, Талас облустарынын жана Бишкек шаарынын айрым жергиликтүү сотторунун судьялык кызмат орундарына тогуз талапкер, ошондой эле Чүй, Жалал-Абад, Баткен облустарынын жана Бишкек шаарынын айрым жергиликтүү сотторунун судьялык бош кызмат орундарына жети талапкер, жалпы 16 талапкерге сунуш келип түшкөнү айтылат.

Өлкө башчы 15 талапкер боюнча сунушка макул болгон.

Баткен облусу

Баткен облустук соту:

  • Абышова Кундуз Сабырбековна.

Кадамжай райондук соту:

  • Ажиматов Улан Абдыкаарович;
  • Тажибаев Илязбек Курванбекович;

Лейлек райондук соту:

  • Абдимиталипов Эльярбек Бахадирович.

Сүлүктү шаардык соту:

  • Эрматова Гүлзат Муктаровна.

Кызыл-Кыя шаардык соту:

  • Адимов Акылбек Акматович.

Ош облусу

Кара-Суу райондук соту:

  • Гуламидин уулу Элчибек.

Ош шаардык соту:

  • Турдалиев Ниязбек Назарович.

Жалал-Абад облусу

Ноокен райондук соту

  • Чоноев Чынгыз Мелисович.

Жалал-Абад шаардык соту:

  • Ганиев Жоомарт Махамадисакович.

Чүй облусу

Чүй облустук соту:

  • Кыдыралиева Нурзат Амантуровна.

Талас облусу

Талас шаардык соту:

  • Сүйналиев Дамир Сүйүнтаевич.

Бишкек шаары

Бишкек шаардык соту:

  • Бекбаева Нурия Хусаиновна;
  • Накешова Минура Асылбековна;
  • Токтосунов Шарабидин Бекташевич.

Бул жарлыктар кол коюлган күндөн тартып күчүнө кирери айтылды.

77
Белгилер:
Садыр Жапаров, судья, дайындоо, жарлык
Тема боюнча
Садыр Жапаров аймактарга 14 судья дайындады. Тизме
Жапаров жергиликтүү сотторго бир катар судьяларды дайындады. Тизме
Улуу акын Алыкул Осмоновдун улуттук китепкананын алдындагы эстелиги. Архивдик сүрөт

Жекшембиге карата аба ырайы

117
5-декабрга караган түнү республика боюнча жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 4-дек. — Sputnik. Жекшембиде күндүз Чүйдүн айрым райондорунда жаан, тоо этектеринде жана тоолуу аймактарда кар жаашы күтүлөт. Жолдор тайгак болот. Бул тууралуу Кыргызгидромет маалымдады.

Абанын температурасы Чүй өрөөнүндө +7...+12, Ош, Жалал-Абад, Баткен облустарында +9...+14, Талас жергесинде +6...+11, Ысык-Көл чөлкөмүндө +4...+9, ал эми Нарын аймагында -3...+2 градус болору айтылды.

Термометрдин көрсөткүчү Бишкек шаарында +10...+12 жана Ош калаасында +11...+13 градуска жетет.

117
Белгилер:
декабрь, Кыргызстан, аба ырайы
Тема боюнча
Жерге кооптуу астероид жакындап келе жатканы айтылды