Велосипедчен киши. Архивдик сүрөт

Кайра катуу суук түшөбү? Бир жумага карата аба ырайы

12304
Синоптиктердин божомолу боюнча, аптанын башында көпчүлүк аймактарда кар жаап, аяк ченинде күн ачылып, абанын температурасы бир аз жогорулайт.

БИШКЕК, 14-ноя. — Sputnik. Кыргызгидромет агенттиги алдыдагы аптага карата аба ырайынын божомолу тууралуу маалымат берди.

Ага ылайык, Бишкек шаарында дүйшөмбү күнү жамгыр, кар жаашы күтүлөт. Шейшемби жана шаршембиде түнкүсүн күн ачык болот. Ал эми күндүз жана бейшембиде түнкүсүн жаан жаайт. Бейшембиде күндүз жана жума, ишембиде күн кайра ачылат.

Батыштан соккон шамалдын ылдамдыгы секундасына 4-9 метрден 15-ноябрда 14 метрге жетет.

Чүй облусу

15-ноябрда көпчүлүк аймактарда, тоо этектеринде жана тоолуу райондордо кар жаайт. 16-ноябрда жаан-чачын болбойт.

17-ноябрда көпчүлүк аймактарда жаан, кар, тоо этектеринде жана тоолуу райондордо кар жаашы күтүлөт.

18-ноябрда тоолуу райондордо кар жаайт, дыйканчылык аймактарда күн ачык болот. 19-20-ноябрда жаан жаабайт.

Талас облусу

15-ноябрда түнкүсүн көпчүлүк аймактарда, күндүз кээ бир райондордо жаан, тоолуу аймактарда кар жаайт. 16-ноябрда күн ачылат. Бирок кайра 17-ноябрда көпчүлүк аймактарда кар аралаш жамгыр жаап, тоолорго кар түшөт. Ошол бойдон 18-ноябрдан 20сына чейин күн ачык болот.

Ош, Жалал-Абад облустары

15-ноябрда көпчүлүк аймактарда кар жаайт. 16-ноябрда күн ачылып, 17-18-ноябрда кайрадан жаан жаашы күтүлөт. 19-20-ноябрда жаан-чачын токтойт.

Баткен облусу

15-16-ноябрда жаан-чачын күтүлбөйт. 17-ноябрда көпчүлүк аймактарда кар жаайт. Ошол бойдон 20-ноябрга чейин күн ачык болот.

Ысык-Көл облусу

15-ноябрда кээ бир райондордо кар жаап, 16сында басылат. Бирок 17-ноябрдан 18-19-ноябрга чейин айрым райондордо кар жаайт. 20-ноябрда кайра күн ачылат.

Нарын облусу

15-ноябрда кээ бир райондордо кар жаайт. 16-17-ноябрда жаан-чачын болбойт. 18-ноябрда кайрадан күндүн көзү бузулат. 19-20-ноябрда күн ачык болот.

12304
Белгилер:
аба ырайы, Кыргызстан, кар, жаан-чачын, күн
Тема боюнча
Күз бүтө электе ак карга оронгон Бишкек. Ордо калаанын асмандан көрүнүшү
Көмүрдү кантип үнөмдүү жагууга болот? Үйдү туура жылытуудагы 4 шарт
Аткаминерлер. Архив

Коррупцияга каршы ишкердик кеңешке кирген аткаминерлер. Тизме

3
Коррупцияга каршы ишкердик кеңештин курамынан чет элдик эки элчи жана АКШнын Эл аралык өнүктүрүү боюнча агенттигинин долбоорлорунун биринин жетекчиси чыгарылган.

БИШКЕК, 6-дек. — Sputnik. Президенттин алдындагы Коррпуцияга каршы ишкердик кеңештин курамы өзгөргөндүгүн мамлекет башчысынын маалымат кызматынан кабарлашты.

Садыр Жапаров аталган кеңештин курамын өзгөртүү боюнча жарлыкка кол койгон. Анын алгачкы курамы туурасында башка материалдан окуса болот.

Коррупцияга каршы ишкердик кеңештин курамынан төмөнкүлөр чыгарылган:

  • Айтен Рустамова — Европа реконструкциялоо жана өнүктүрүү банкынын Борбордук Азия боюнча аймактык директору;
  • Габриэла Геллил — Германия Федеративдүү Республикасынын Кыргызстандагы элчиси;
  • Оливье Бангертер — Швейцариянын Кыргызстандагы элчиси;
  • Фред Хьюстон — АКШнын Эл аралык өнүктүрүү боюнча агенттигинин "Укук булагы" долбоорунун директору.

Жарлык менен Коррупцияга каршы ишкердик кеңештин курамына төмөнкүлөр кирди:

Коррупцияга каршы ишкердик кеңештин максаты — мамлекеттик органдар менен жарандык коомдун ортосунда коррупцияга каршы күрөшүү боюнча натыйжалуу диалогду камсыз кылуу, бизнести өнүктүрүү үчүн жагымдуу шарттарды түзүү, инвестициялык климатты жана ишкердик субъектилердин ишин коргоо деп айтылып келет.

3
Тема боюнча
Президент салыктан бошоткон ишканаларга беш талап койду. Тизме
Нарын шаарына мэр болуп 38 жаштагы Курбанов дайындалды
Жапаров Бишкек менен беш облуска сотторду дайындады. Тизме
Автоунаанын фонунда дарак бутактарындагы кар

Шейшембиге карата аба ырайы

22
7-декабрга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 6-дек. — Sputnik. Шейшембиде күндүз тоолуу райондордо кар жаап, дыйканчылык аймактарда күн ачык болот. Бул тууралуу Кыргызгидромет билдирди.

Абанын температурасы Чүй аймагында +7...+12, Талас өрөөнүндө +6...+11, Ош, Жалал-Абад жана Баткен облустарында +8...+13, Ысык-Көлдө +2...+7, Теңир-Тоодо 0...-5 градуска чейин суук болору айтылды.

Күндүн табы Бишкекте +9...+11, Ош шаарында +11...+13 градуска чейин көтөрүлөт.

22
Белгилер:
аба ырайы, декабрь, Кыргызстан
Тема боюнча
"Түндүк электр" 5,6 миңден ашуун абоненттин жарыгын өчүрөт