Кар учурунда көчөдө бараткан адамдар

Суук болобу? Дем алышка карата аба ырайы

664
(жаңыланган 16:05 18.11.2021)
Бул аптанын аягында аба ырайы Нарында түнкүсүн -11…-16 градуска чейин муздай турганы айтылды. Ал эми башка аймактар менен Бишкекте андан бир аз айырмаланып турат.

БИШКЕК, 18-ноя. — Sputnik. Кыргызгидромет ушул аптанын дем алыш күндөрүнө карата аба ырайынын божомолун жарыялады.

Ага ылайык, апта аягында өлкөнүн көпчүлүк аймактарында жамгыр жаабайт. Бирок жолдор тоңголок, тайгак болору айтылды.

Бишкек шаары

Ордо калаада жаан-чачын күтүлбөйт, абанын температурасы күндүз 10 градуска чейин жылыйт.

Чүй, Талас облустары

Чүй менен Талас облусунда апта этегинде жаан жаабайт. Чүйдө абанын температурасы түнкүсүн -3...-8 градус, күндүз 10 градуска чейин жылуу болору айтылды. Ал эми Таласта түнкүсүн -2…-4, күндүз 8...10 градус жылуу болушу күтүлүүдө.

Ош, Жалал-Абад, Баткен облустары

Өлкөнүн түштүк аймактарында 20-21-ноябрда күн жылуу болот. Күндүз абанын температурасы 12...13 градуска жогорулай турганы маалым болду. Түнкүсүн -1…+4 градусту көрсөтөт.

Ысык-Көл облусу

Ысык-Көлдө дем алыш күндөрү жаан, кар жаабайт, бирок жолдор тоңголок, тайгак болору айтылды. Түнкүсүн -8 градуска чейин суук, ал эми күндүз -2…+3 градуска чейин жылышы мүмкүн.

Нарын облусу

Нарында деле апта аягында жаан-чачын болбойт, бирок абанын температурасы түнкүсүн -11…-16 градусту көрсөтөт. Күндүз 2 градуска чейин жылышы күтүлүүдө.

664
Белгилер:
Кыргызгидромет, аба ырайы, кар, жаан-чачын, күн, божомол
Тема боюнча
Декабрда аба ырайы кандай болот. Синоптиктердин божомолу
Милиция кызматкерин фуражкасы. Архив

Бишкектин Октябрь райондук милиция кызматкери издөөгө алынды. Сүрөт

16
(жаңыланган 19:40 06.12.2021)
УКМКга кайрылган жаран милиционер кызматтык абалынан пайдаланып алдоо жолу менен анын 135 000 долларын ээлеп алганын билдирген.

БИШКЕК, 6-дек. — Sputnik. Улуттук коопсуздук мамлекеттик комитети Бишкек шаарынын Октябрь райондук ички иштер башкармалыгынын кызматкерине издөө жарыялады. Бул тууралуу УКМКнын маалымат кызматы билдирди.

С.Р. аттуу милиционер алдамчылыкка шектелүүдө.

  • Объявленный в розыск милиционер Октябрьского УВД. 06 декабря 2021 года
    Маалыматка ылайык, УКМКга О.А. аттуу жаран кайрылып, аты аталган милиционер кызматтык абалынан пайдаланып алдоо жолу менен анын 135 000 долларын ээлеп алганын билдирген
    © Фото / пресс-служба ГКНБ КР
  • Объявленный в розыск милиционер Октябрьского УВД. 06 декабря 2021 года
    Тартип коргоо органынын өкүлү ар кандай шылтоолор менен ал каражатты кайтарып бербей жаткандыгы тууралуу арыз жазган
    © Фото / пресс-служба ГКНБ КР
1 / 2
© Фото / пресс-служба ГКНБ КР
Маалыматка ылайык, УКМКга О.А. аттуу жаран кайрылып, аты аталган милиционер кызматтык абалынан пайдаланып алдоо жолу менен анын 135 000 долларын ээлеп алганын билдирген

Маалыматка ылайык, УКМКга О.А. аттуу жаран кайрылып, аты аталган милиционер кызматтык абалынан пайдаланып алдоо жолу менен анын 135 000 долларын ээлеп алганын билдирген. Тартип коргоо органынын өкүлү ар кандай шылтоолор менен ал каражатты кайтарып бербей жаткандыгы тууралуу арыз жазган.

"Бул факт боюнча УКМК тарабынан Кылмыш-жаза кодексинин 209-беренесинин 4-бөлүгүнүн 1-пункту жана 4-пункту ("Кызматтык абалынан пайдаланып өзгөчө ири өлчөмдө жасалган алдамчылык") менен сотко чейинки өндүрүш иши башталган. С.Р. издөөгө алынып, Бишкек шаарынын Биринчи май райондук соту тарабынан камакка алуу түрүндөгү бөгөт чарасы (сыртынан) тандалды. Азыркы учурда тергөө иштери жүрүп жатат", — деп айтылат билдирүүдө.

Атайын кызмат бул адамдан жабыркаган жарандар болсо (0312) 66-04-75 нөөмөт кызматынын телефонуна, 0702233243 WhatsApp номерине, ошондой эле күнү-түнү иштеген аймактык башкармалыктарга (ишеним телефондору) кайрылууну өтүнөт:

  • Чүй облусу: (0312) 54-07 19:
  • Жалал-Абад облусу: (03722) 5-60-49;
  • Ош облусу: (03222) 2-30-78;
  • Ысык-Көл облусу: (03922) 5-11-80;
  • Талас облусу: (03422) 5-20-43;
  • Нарын облусу: (03522) 5-08-49;
  • Баткен облусу: (03622) 5-00-33.
16
Белгилер:
УКМК, милиция, алдамчылык, шектүү, издөө
Тема боюнча
ИИМ: Москвада ишкерлерди 33 миң долларга алдап, таптырбай жүргөн киши кармалды
УКМК салыкчылар менен Транспорт министрлигинин кызматкерлерин кармады
Аткаминер. Архив

Жогорку Кеңештин эң бай алты депутаты. Тизме

250
(жаңыланган 18:48 06.12.2021)
Материалда жылдык кирешеси 10 миллион сомдон ашкан депутаттар көрсөтүлгөн. Алардын сап башында Азамат Арапбаев турат.

БИШКЕК, 6-дек. — Sputnik. Салык кызматы Жогорку Кеңеш депутаттарынын 2020-жылга карата тапшырган декларациясын жарыялады.

Sputnik Кыргызстан эң көп киреше тапкан алты эл өкүлүнүн декларациясын карап көрдү. Белгилей кетсек, материалда учурдагы статусуна карабай былтыр депутат болуп тургандар көрсөтүлдү.

Рейтинг боюнча Азамат Арапбаев депутаттардын эң байы аталды. Ал өткөн жылы 54,4 миллион сом киреше чогулткан.

Депутат ЖК 6 созыва Азамат Арапбаев от фракции СДПК. Архивное фото
© Sputnik / Табылды Кадырбеков
Депутат Азамат Арапбаев

Экинчи орунда экс-премьер-министр Данияр Үсөновдун (азыр Даниил Урицкий деген ат менен белгилүү) мурдагы жубайы Динара Исаева турат. Ал 28,8 миллион сом тапкан.

Рабочий визит премьер-министра РФ В.Путина на Украину. 20 ноября
© Sputnik / Алексей Никольский
Экс-премьер-министр Данияр Үсөнов

Үчүнчү сапка илинген Исхак Пирматовдун жылдык кирешеси 16,8 миллион сомду түзөт.

Депутат ЖК 6 созыва Исхак Пирматов от партии Бир Бол. Архивное фото
© Sputnik / Табылды Кадырбеков
Депутат Исхак Пирматов

Ал эми Салайдин Айдаров 16 миллион сомго чукул каражаты менен төртүнчү орунду ээледи.

Депутат от фракции Кыргызстан Салайдин Айдаров во время заседания в Жогорку Кенеше
© Фото / пресс-служба Жогорку Кенеша
Депутат Салайдин Айдаров

Бешинчи орунда турган Орозбек Алыбаевдин былтыр 12,5 миллион сом иштеп тапканы белгилүү болду.

Депутат ЖК Орозбек Алыбаев на заседании
© Фото / пресс-служба ЖК
Депутат Орозбек Алыбаев

Иса Өмүркуловдун кирешеси дагы 12,5 миллион сомго чукулдап, алтынчы орунга чыкты.

Депутат Иса Омуркулов во время заседания Жогорку Кенеша. 21 мая 2020 года
© Фото / пресс-служба Жогорку Кенеша
Депутат Иса Өмүркулов

Мындан башка депутаттардын бир жылда иштеп тапкан акчасы 10 миллион сомго жеткен эмес.

250
Белгилер:
Азамат Арапбаев, депутат, киреше, байлык
Тема боюнча
Жер тилкеси 20дан ашып... Жээнбеков президент болгондон кийин канчалык байыган
Кирешесинен чыгашасы көп. Баш прокурор Зулушевдин кандай мал-мүлкү бар