Кумшекер. Архив

Статком: Кыргызстанда кумшекер кымбаттап жатат

629
Статком республиканын 18 калктуу конушунда күнүмдүк жашоодогу маанилүү азыктардын орточо керектөө бааларына мониторинг жүргүзгөн.

БИШКЕК, 18-ноя. — Sputnik. Кыргызстанда кумшекер азыгына болгон орточо баа 68,95 сомго жетти. Бул туурасында өлкөнүн Улуттук статистика комитетинин маалымат кызматы билдирди.

Статком республиканын 18 калктуу конушунда күнүмдүк жашоодогу маанилүү азыктардын орточо керектөө бааларына мониторинг жүргүзгөн.

Анын жыйынтыгына ылайык, 16-ноябрга карата өлкө боюнча кумшекердин орточо наркы 68,95 сомду түзүп, өткөн жылдын декабрына салыштырмалуу 15 сомго же дээрлик 27 пайызга жогорулаган.

Кумшекерге болгон эң жогорку баа Оштун Кара-Суу районунда катталган. Бир килограмм кант азыгы 76,48 сом болгон. Ал эми эң арзан кумшекер Жалал-Абаддын Кербен районунда (бир килограммы 65,00 сом) сатылган.

Ноябрда өткөн айга салыштырмалуу республика боюнча кумшекердин чекене баасы 1,2 сомго же 1,8 пайызга жогорулады.

629
Белгилер:
Кумшекер, азык-түлүк, баалар, кымбаттоо, Улуттук статистика комитети
Тема боюнча
Бир эле дары 160 миң сомго кымбат сатылып келген. Өлкөдө дары-дармек арзандады
Көмүрдүн баасын кымбаттаткандар болсо ыкчам комиссияга чалыңыз. Телефондору
Акча каражаттары. Архив

Жыл башынан бери депозиттин көлөмү 37,4 млрд. сомго көбөйдү

7
Акыркы айларда Кыргызстанда депозиттик база өсүүдө. Мисалы, октябрь айында көлөмү дээрлик 6,5 миллиард сомго көбөйгөн.

БИШКЕК, 30-ноя. — Sputnik. Кыргызстанда ушул жылы банктардагы депозиттердин көлөмү дээрлик 37,4 миллиард сомго көбөйдү, бул кезектеги рекорддук көрсөткүч болуп саналат. Мындай тыянакка Улуттук банктын маалыматтарын карап чыгуу менен келүүгө болот.

Башкы банк депозиттеги каражатты каттоого алып турат. Мындан тышкары, бул көлөмгө эсептөөдөгү акча да киргизилген. Аманаттык каражат жеке жана юридикалык жактардыкы экени айтылды.

Өткөн жылдын аягында каражаттын көлөмү 180,9 миллиард сомдон ашкан. Андан соң бир аз азайып, кийин өсө баштаган, ал эми март айынан тарта жаңы рекорд койгон.

Октябрдын соңунда аманаттардын көлөмү 218,3 миллиард сомго чейин өскөн. Октябрь айында депозиттик база 6 миллиард 458,3 миллион сомго көбөйгөн.

7
Белгилер:
Улуттук банк, депозит, каражат, рекорд
Тема боюнча
Кыргызстандын экономикасында 2023-жылга чейин кандай өзгөрүү болот? Божомол
Евразия өнүктүрүү банкы Кыргызстандын экономикасындагы тобокел учурларды атады
Көчөдө бараткан аял. Архив

Шейшембиге карата аба ырайы

105
30-ноябрь, шейшембиге, караган түнү жаан-чачын күтүлбөйт. Шамалдын багыты өзгөрүлүп, ылдамдыгы секундасына 1-6 метрге жетет.

БИШКЕК, 29-ноя. — Sputnik. 30-ноябрда республика боюнча күн ачык болот. Мындай маалыматты Кыргызгидромет таратты.

Абанын температурасы Чүй облусунда +9...+14, Таласта +8...+13, Ош, Жалал-Абад жана Баткен облустарында +10...+15, Ысык-Көл өрөөнүндө +2...+7, Нарын аймагында -2...+3 градуска чейин көтөрүлөт.

Борбор калаада күндүн табы +12...+14, Ош шаарында +13...+15 градуска чейин жете турганы айтылды.

105
Белгилер:
аба ырайы, Кыргызстан
Тема боюнча
Дүйнө тынчсызданган "омикрон" штаммынын белгилери, кайдан чыкканы айтылды
Чай. Архив

Чайды өтө кызыл демдеп ичпеш керек. Эндокринологдун кеңеши

12
Эндокринолог кайсы бир дарыны, маселен, канды суюлтуу үчүн аспирин ичип жаткандарга да кызыл демделген чайды сунуштаган эмес.

БИШКЕК, 30-ноя. — Sputnik. Эндокринолог, диетолог Оксана Михалева кимдерге чай ичкенге болбой турганын айтты. Адистин кеңеши "Известия" басылмасына жарыяланды.

Эндокринолог чайдын курамында полифенол (катехиндер, теафлавиндер,флавоноиддер), амин кычкылы, A, C, K, β-каротин витаминдери, органикалык кычкылдар, липид, белок, углевод, кофеин, фтор, бор, кобальт, жез, марганец жана цинк сыяктуу микронутриенттер бар экенин айтып, ал микробго каршы таасир эте аларын, антиоксиндат экенин белгилеген. Холестеринди түшүрүүгө да жардам берет.

Ошол эле учурда медик аны көп ичүү зыян экенин эскерткен.

"Кызыл демделген чайды көп ичүү өзгөчө ашказанды оорутуп, жүрөктү айлантып, ичти катырышы ыктымал. Ошондой эле боорду бузуп, нерв системасына, уйкуга терс таасирин тийгизиши мүмкүн", — деди адис.

Мындан улам Михалева аритмия, жүрөк оору, депрессия, кант диабети, гипертония, бөйрөк оорусу менен жабыркагандар, ашказанда жарасы барлар, он эли ичегиси ооругандар, боорунда өнөкөт дарты барларга кызыл демделген чайды сунуштаган эмес. Анткени бул учурда мындай илдети барлардан кан кетиши ыктымал.

Эндокринолог кайсы бир дарыны, маселен, канды суюлтуу үчүн аспирин ичип жаткандарга да чайды өтө кызыл демдеп ичпеш керектигин эскерткен. Бул учурда дагы кан кетиши мүмкүн.

12
Белгилер:
эндокринолог, чай, эскертүү, алдын алуу, жүрөк, оору
Тема боюнча
Адис чарчоону чакырган тамактарды санап берди
Дарыгер эмнеге кеңсе жумушу адамды стресске кептей турганын айтты
Дарыгер күз-кышта адам эмнеге уйкусурап, чарчай берерин айтып берди