Радиостудия Sputnik Кыргызстан в Бишкеке - Sputnik Кыргызстан
Радио

Разия Өсөрова: бүгүн чыккан тажик жарандарын өздөрүнүн күч органдары артка кайтарды

© Фото / Зульфия ТургуноваБаткен районунун Көк-Таш айыл өкмөтүнүн Ак-Сай айыл башчысы Разия Өсөрованын архивдик сүрөтү
Баткен районунун Көк-Таш айыл өкмөтүнүн Ак-Сай айыл башчысы Разия Өсөрованын архивдик сүрөтү - Sputnik Кыргызстан
Жазылуу
Баткен районунун Көк-Таш айыл өкмөтүнүн Ак-Сай айыл башчысы Разия Өсөрова кечээ 40ка жакын жарандар келгендигин, бирок, алар артка кайтарылгандыгын билдирди.
Разия Өсөрова: бүгүн чыккан тажик жарандарын өздөрүнүн күч органдары артка кайтарды

Ал эми Мамлекеттик чек ара кызматы 40 деген санды четке кагып, белгисиз алты адам келип, чек ара аймагына ак-сайлыктар орноткон темир бетонду кулатып кетишкендигин билдирген.

"Кечээ 40тай тажик барып Ак-Сай айылы деген жазуусу бар тумбаны жыгып, аталган айылга кеткен тарапта "жолго таштанды ыргытпагыла" деген жарнамаларды талкалап кеткен. Чек ара кызматынын, жергиликтүү бийликтин өкүлдөрү сүйлөшүү жолу менен чек арадан чыгарды", — деди Өсөрова. 

Ал аймакка тажик жарандары шагыл жүктөп кетүү үчүн техникалары менен келгендигин кошумчалады.

"Бүгүн кыргыздардан, жергиликтүү элден ал жерге эч ким басып барган жок, расмий адамдар жүрөт. Жана тажикстандыктар көбөйүп бир чыгышты эле, өздөрүнүн күч органдары артка кайтарды",— деди айыл башчысы.

Бул аймакта эки өлкөнүн жарандарынын тирешүүлөрү тез-тез кайталанып турат. Акыркы окуя апрель айында мектеп окуучулардын ортосунда болгон.

Жаңылыктар түрмөгү
0