Медсестра села Кок-Таш Саламат Исабекова

Саламат Исабекова: ичүүчү суу жоктугунан вирустук гепатит көп кездешет

209
(жаңыланган 16:49 27.09.2016)
Баткен районунун Тажикстан менен чектеш Көк-Таш айылында айылдык эмкананын ачылышы болду. Айылды медициналык жактан тейлөөнүн абалы жана эл арасында кездешкен илдеттер туурасында жаңы ачылган ФАПтын медициналык айымы Саламат Исабекова Sputnik Кыргызстан агенттигине айтып берди.
Саламат Исабекова: ичүүчү суу жоктугунан вирустук гепатит көп кездешет

Элдин саламаттыгын көзөмөлгө алып турчу бул жайды оңдоп-түзөөгө 2 миллион 200 миң сом бөлүнгөн. 

"Азыр жаңы имаратта шарттарыбыз кыйла жакшырып калды. Абалы оор болсо, бул жерде кармап, дары-дармек сайып, анан стационарга жиберебиз. Эгер жакшы болуп кетсе, үйүнө кайтат",— деди медайым.

Аталган аймакта таза суу маселеси курч тургандыктан, арыктан ичкен үчүн вирустук гепатит, наристелердин ичи өткөн учурлар арбын кездешет.

"Мындай учурларда заманбап ФАПта ооруларды кароого жакшы шарттар түзүлдү",— деди Исабекова.

Анын айтымында, учурда Көк-Таш айылында жашаган 3800 киши, 972 түтүндү   үй-бүлөлүк эки медициналык айым жана бир санитардык кызматкер тейлейт.

209
Белгилер:
Баткен району, Көк-Таш, ФАП, оору, медайым
Билим берүү тармагындагы эксперт Кеңешбек Сайназаров. Архив

Сайназаров: онлайн, офлайн окууну айкалыштырганга өтүү керек

34
(жаңыланган 18:18 02.08.2021)
Билим берүү тармагындагы эксперт Кеңешбек Сайназаров мындан ары толугу менен салттуу билим берүүгө өтүү мүмкүн эместигин билдирди.

Коронавирус илдетинен адамзат арылып кетпешин биз түшүнүп турабыз. Андыктан мындан аркы жашообузду, анын ичинен билим берүүнү да ошого ылайыкташтырышыбыз абзел. Мындай пикирин Кеңешбек Сайназаров Sputnik Кыргызстан радиосунда маек куруп жатып белгиледи.

Сайназаров: онлайн, офлайн окууну айкалыштырганга өтүү керек

Анын айтымында, мындан ары жалаң гана онлайн окутуу же толугу менен офлайн билим берүүгө кайтып баруу деген түшүнүк болбойт.

"Бүткүл дүйнө жүзү боюнча эле онлайн окуудан анын сапаты түшүп кеткендиги айтылууда. Бул канчалык техникалык мүмкүнчүлүктөрү бар өлкө болсо да аралыктан окутуу салттуу билим берүүнүн ордун баса албастыгынын белгиси. Бирок ошону менен катар эле айрым окуу багыттарын, тескерисинче, онлайн-форматта окуп-үйрөнүү ыңгайлуу болоруна күбө болдук. Андыктан бул эки системаны айкалыштырып иштөөгө өтүшүбүз керек. Мындай жол менен биз билим берүүнүн мүмкүнчүлүктөрүн гана кеңейткен болобуз. Андан чочулоонун кажети жок",— деди Сайназаров.

Ал өзгөчө Кыргызстан сыяктуу тоолуу өлкөлөрдө аба ырайынан улам келип чыккан кыйынчылыктарда балдарды айкалышкан системада окутуу, алардын билим алуусун үзгүлтүккө учуратпаганга шарт түзөрүн кошумчалады.

34
Белгилер:
Кеңешбек Сайназаров, билим, онлайн
Тема боюнча
Сайназаров: билим берүүдө ата-энелер төлөгөн акчаны расмийлештириш керек
Кыргыз мамлекеттик дене тарбия жана спорт академиясынын административдик чарба иштери боюнча проректору Максат Оморов

Оморов: Дене тарбия академиясы жогорку квалификациядагы кадрларды даярдайт

31
Кыргыз мамлекеттик дене тарбия жана спорт академиясынын административдик чарба иштери боюнча проректору Максат Оморов КМДТСА заманбап талаптарга ылайык жогорку квалификациядагы кадрларды даярдап чыгарып жаткандыгын айтты.

Академия өлкөдөгү заманбап окуу-илимий жана спорттук базасы бар, спорт жана дене тарбия тармагындагы бирден-бир адистештирилген жогорку окуу жайы катары эсептелет. Мындай маалыматты Максат Оморов Sputnik Кыргызстан радиосунун эфиринде маек куруп жатып билдирди.

Оморов: Дене тарбия академиясы жогорку квалификациядагы кадрларды даярдайт

Анын айтымында, окуу жайдын өлкөдөгү спорттун өнүгүшүнө көмөгү чоң болгондуктан өкмөт тарабынан дагы көңүл бурулуп, маалыматтык технологиялар жаатында колдоо болушу керек.

"Кыргыз мамлекеттик дене тарбия жана спорт академиясы 1955-жылы негизделип, андан бери 13 миңдей бүтүрүүчүнү уядан учурду. Учурда окуу жайдан билим алган адистер республикада жана чет өлкөлөрдө ийгиликтүү иштеп келишет. Академияда эки миңдей студент билим алып, жылына 400дөй бүтүрүүчүгө диплом берет. Спортту жайылтуу, аны өнүктүрүүдө Дене тарбия академиясы жогорку квалификациядагы кадрларды даярдайт. Мындан тышкары, маданиятыбызды, каада-салтыбызды унутта калтырбай кыргыздын улуттук оюндарына да басым жасалып, ат оюндары, тогуз коргоол, ордо сыяктуу багыттар каралган. Дүйнөлүк спортто болуп жаткан жаңы тенденциялардан калбай, эл аралык стандартта билим берүү үчүн аракет кылып жатабыз. Бирок маалыматтык технологиялар жаатында дагы иштөө керек", — деди Оморов.

Ошондой эле адис Мамлекеттик дене тарбия жана спорт академиясына кабыл алууда Жалпы республикалык тестирлөөнүн жыйынтыгы зарыл эместигин кошумчалады.

31
Белгилер:
Жаштар иши, дене тарбия жана спорт агенттиги, Максат Оморов
Тема боюнча
Кыргызстандык жөө күлүк Нурсултан Кеңешбеков Олимпиадага аттанды
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

0
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

0
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео