Радиостудия Sputnik Кыргызстан в Бишкеке - Sputnik Кыргызстан
Радио

Жеңиш Ашырбаев: Алайдагы кырсыкка кириптер айдоочуга кылмыш иши козголду

© Фото / Зульфия ТургуноваОш ОИИБдин маалымат катчысы Жеңиш Ашырбаев
Ош ОИИБдин маалымат катчысы Жеңиш Ашырбаев - Sputnik Кыргызстан
Жазылуу
Үстүбүздөгү жылдын 21-сентябрында Алай районунун Ош — Гүлчө — Дароот-Коргон авто жолунун 187-чакырымында жол кырсыгы катталган. Анын айынан Баткен облусунун Кадамжай районуна караштуу Кызыл-Булак айылынын 29 жаштагы тургуну Майрамбек Нажинов көз жумган.
Жеңиш Ашырбаев: Кадамжайдагы кырсыкка кириптер айдоочуга кылмыш иши козголду

Маркумдун туугандары жигит кырсыктан эмес сабалып өлтүрүлүшү ыктымал деп айтып чыгышты. Бул окуя боюнча Ош ОИИБдин маалымат катчысы Жеңиш Ашырбаев экспертизанын жыйынтыктарын ырастап берди. 

Анын айтымында, жол кырсыгына кабылган Mersedes-Benz үлгүсүндөгү унаанын айдоочусуна кылмыш иши козголду. 

"Унаанын 29 жаштагы айдоочусу жол четиндеги бордюрду сүзүп кеткен. Натыйжада алдыда отурган Майрамбек Нажинов аттуу жүргүнчү каза тапкан", — деп билдирди Ашырбаев. 

Ал белгилегендей тиешелүү материалдар соттук медициналык экспертизага жөнөтүлгөн.

"Экспертизанын бүтүмү маркум кырсык болгонго чейин тирүү болгонун көрсөттү. Ал жол кырсыгынан каза болгон. Буга байланыштуу унаанын айдоочусуна Кылмыш жаза кодексинин 281-беренеси (жол эрежесин сактабай адам өлүмүнө алып келүү) боюнча кылмыш иши козголду", — деп ырастады Ашырбаев. 

Ал белгилегендей иликтөө учурунда ар кандай версиялар каралган. 

"Маркум тирүү маалында өзү менен иштешкен бригадири менен чырдашканы далилденген. Бирок алар катуу мушташканга чейин жеткен эмес. Бул аныкталды", — деп кошумчалады Аширбаев. 

Учурда тергөө иштери уланып жатат. 

Жаңылыктар түрмөгү
0