Радиостудия Sputnik Кыргызстан в Бишкеке - Sputnik Кыргызстан
Радио

Асылбек Өзүбеков: "Таппай жүрөмдү" уккандар залдан ыйлап чыгышчу

© Sputnik / Табылды КадырбековАртист театра и кино, Народный артист Кыргызстана Асылбек Озубеков
Артист театра и кино, Народный артист Кыргызстана Асылбек Озубеков - Sputnik Кыргызстан
Жазылуу
КР Эл артисти Асылбек Өзүбеков "Таппай жүрөм" ырынын жаралып калуу тарыхын айтып берди.
Асылбек Өзүбеков: "Таппай жүрөмдү" уккандар залдан ыйлап чыгышчу

Ыр Чыңгыз Айтматовдун "Кылым карытар бир күн" чыгармасы боюнча коюлган спектаклге ылайыкташкан.

"Спектаклде Абуталипти репрессияга алып кетип Зарипа балдары менен жалгыз калат. Режиссер Искен Рыскулов ушул айымдын ички дүйнөсүн ачыш керек болуп жатат дегенинен китептин баарын казып отуруп Өмүркул Кулумбаевдин "Таппай жүрөм" ырынын сөзүн таап алып режиссерго ырдап берсем "өлдү, укмуш, ушул гана ыр жарайт" деди. Анан Зарипа бул ыр менен балдарын поезд жолунда жалгыз жетелеп алып өткөндө залда отургандардын баары ыйлашчу", — деди Өзүбеков.

Актер кийин Рыскулов кайсы жерде болбосун бул ырды аккордеондун коштоосунда Өзүбековго ырдатып жүргөнүн кошумчалады.

"Бир жолу Ноокатта командировкада жүргөндө алма бактын ичине чакырып алып "ырдачы" дегенинен ырдап жатып бир маалда карасам көзүнөн жаш агып жатыптыр, токтоп калсам "кайра баштачы" дейт. Кайра башынан түшсөм жымжырт жерде дагы ыйлап көзүн аарчып "рахмат…бара бер" деди. Ичинде эмне болгонун билбейм, дагы эле ал киши көз алдымдан кетпейт", — деди Өзүбеков.

Андан кийин бул ырды Роза Шакировага айтып жүрүп ырдатып, ага экинчи өмүр бергенин айтты.

Асылбек Өзүбеков менен болгон маекти бул жактан окуңуздар>>

Жаңылыктар түрмөгү
0