Түштүк Кореяда иштеп жүргөн Медербек Жолдошевдин архивдик сүрөт

Түштүк Кореядагы Жолдошев: жарандык милдетимди аткарып, референдумда добуш бердим

395
(жаңыланган 19:31 11.12.2016)
Түштүк Кореяда жүргөн мекендештерге Конституцияга өзгөртүү киргизүү боюнча референдум тууралуу эки күн мурда эскертүү берилген.
Түштүк Кореядагы Жолдошев: жарандык милдетимди аткарып, референдумда добуш бердим

Түштүк Кореяда иштеп жүргөн Медербек Жолдошев Сеул шаарындагы добуш берүү участогунун алыстыгына карабастан мекендештер активдүү катышып жаткандыгын Sputnik Кыргызстан агенттигине билдирди. 

"Мага кыргыз элчилигинен эки күн мурда чалышып, референдум боюнча эскертишкен. Бүгүн жумуш көп болгондуктан дем алыш экенине карабай иштемекпиз. Мен жетекчимден суранып алып, эки саат жол жүрүп, референдумга катышканы келдим. Жердештер менен чогулуп, бир унаа менен барганбыз. Саат 10го чейин 40ка жакын адам добуш бергенин айтышты. Көпчүлүк кыргыздар Сеулдан алыс жашашат. Ошондуктан жумушу бүткөндө кечке маал референдумга келет деп ишенем", — деди Жолдошев. 

Белгилей кетсек, бүгүн Кыргызстанда жергиликтүү кеңештерге шайлоо жана Баш мыйзамга өзгөртүү киргизүү боюнча референдум өтүп жатат. Чет мамлекеттеги кыргыз жарандары үчүн 25 мамлекетте 35 шайлоо участогу ачылган.

395
Белгилер:
Корея, референдум, мекендештер
Тема:
Референдум жолу менен Конституцияга өзгөртүүлөрдү киргизүү (115)
Тема боюнча
Конституцияны өзгөртүү боюнча референдум өттү деп таанылды
Расул Кадыров: шайлоо участкасы самсаканада эмес, кафеде ачылган
Шайлоо жана Өзбекстан менен болгон мамиле: Атамбаевдин маалымат жыйында айткандары
Экономика жана финансы министрлигине караштуу Туризм департаментинин директору Самат Шатманов. Архив

Шатманов: Кыргызстанга келген чет өлкөлүк туристтер альпинизмге кызыгат

15
(жаңыланган 11:30 16.10.2021)
Экономика жана финансы министрлигине караштуу Туризм департаментинин директору Самат Шатманов Кыргызстанга келген чет өлкөлүк туристтердин көбү альпинизмге кызыгарын айтты.

Республикада альпинизм жаңыдан өнүгүп жаткан багыт болгондуктан чет өлкөлүктөр үчүн Кыргызстан чоң ачылыш. Мындай пикирин Самат Шатманов Sputnik Кыргызстан радиосунун эфиринде маек куруп жатып билдирди.

Шатманов: Кыргызстанга келген чет өлкөлүк туристтер альпинизмге кызыгат

Анын айтымында, өлкөдө альпинизм өнүгө турган болсо, эң биринчиден коопсуздук маселесин чечүү зарыл.

"Негизи бизде туризмдин бардык тармактарын өнүктүрүүгө шарт бар. Алсак, чет өлкөдөн келген туристтер көбүнчө Кыргызстандагы альпинизмге кызыгышат. Бүгүнкү күндө альпинизм жаңыдан өнүгүп жаткан багыттардын бири. Бирок мамлекет тараптан комплекстүү көп иштер жасалышы керек. Мисалы, коопсуздукту камсыз кылуу, тазалыкты сактоо, жаратылышты коргоо эң маанилүү иш. 2019-жылы Ленин чокусунан өнөктөшүбүздүн жардамы менен жети тонна таштанды түшүрүлгөн. Табиятка аяр мамиле кылуу боюнча да түшүндүрүү иштерин жүргүзүп, маалыматтар берилип жатат. Ага карабастан көңүл кейиткен учурлар бар. Пластикалык таштандылар экологияга түздөн-түз зыян келтирүүдө. Ал жерде мөңгүлөр, жаныбарлар бар", — деди Шатманов.

Ошондой эле адис инфраструктураны жакшыртуу максатында куткаруучулардын пунктун түзүү, тик учак менен камсыз кылуу сыяктуу иштер аткарылышы керектигин кошумчалады.

15
Белгилер:
Самат Шатманов, туризм, департамент, альпинизм, инфраструктура, тоо
Тема боюнча
Кыргызстанга саякат: келген турист кайда, канчага жана кантип эс алса болот
Кыргыз мал чарба жана жайыт изилдөө институтунун директору Максатбек Нурдинов

Нурдинов: малдын тукумун жакшыртуу үчүн 15-20 жыл талап кылынат

16
Кыргыз мал чарба жана жайыт изилдөө институтунун директору Максатбек Нурдинов малдын тукумунун сапатын жогорулатууга кеминде 15-20 жыл убакыт талап кылынарын айтты.

Институт Айыл, суу чарба жана аймактарды өнүктүрүү министрлигине карап, малдын асылдуулугун арттыруу, алардын тукумун сактоо, жакшыртуу иштери менен алектенет. Бул тууралуу Максатбек Нурдинов Sputnik Кыргызстан радиосуна маек куруп жатып билдирди.

Нурдинов: малдын тукумун жакшыртуу үчүн 15-20 жыл талап кылынат

Анын айтымында, илимий институтта 68 окумуштуу эмгектенет.

"Кыргыз мал чарба жана жайыт изилдөө институту республикадагы малдын тукумун сактоо, аларды жакшыртуу жана асыл тукум малдардын сапатын арттыруу боюнча илимий иштерди жасайт. Биздин институттун жасаган иштеринин натыйжасында өлкөдө малдын 12 жаңы тукуму чыгарылган. Алар: Ала-Тоо жана Олуя ата деген уйдун эки породасы, жылкынын жаңы кыргыз тукуму, койдун уяң жүндүү, жарым уяң жүндүү, жарым кылчык жүндүү, алай жана эт, май багытындагы куйруктуу айкөл породасы, өтө популярдуулукка жеткен арашан тукуму, эчкинин жүн, тыбыт жана сүт багытындагы үч породасы, ошондой эле чаар тоок. Булар Кыргызстандын климаттык шартына ылайыкташтырылыган тукумдар. Мунун баары бир жылда эле ишке ашып калган жок. Бир тукумду элге жайылтуудан мурда 15-20 жыл ал изилдөөдөн өтүп, апробацияланып, андан соң гана тукум катары бекитилет, — деди Нурдинов.

Ал институт учурда өлкөдөгү малдын тукумун жакшыртуу боюнча атайын программанын негизинде иш алып барып жатканын кошумчалды.

16
Белгилер:
илим, мал чарбасы, сапат, Максатбек Нурдинов
Тема боюнча
Кыргызбаев: асыл тукум малдын наркы 2 000 доллардан кем эмес
Жаратылыш. Архив

Жекшембиге карата аба ырайы

0
Жекшембиге караган түнү республика боюнча жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 16-окт. — Sputnik. 17-октябрда дыйканчылык аймактарда күн ачык болот. Бул тууралуу Кыргызгидромет билдирди.

Абанын температурасы Чүй, Талас облустарында +15...+20, Ош, Жалал-Абад жана Баткен өрөөнүндө +20...+25, Ысык-Көлдө +12...+17, Нарын жергесинде +14...+19 градуска чейин көтөрүлөт.

Борбор калаада күндүн табы +18...+20, ал эми Ош шаарында +23...+25 градус болору болжолдонду.

0
Белгилер:
аба ырайы, Кыргызстан
Тема боюнча
Электр энергиясы менен жылуулукка канча төлөйбүз? Күчүнө кирген жаңы тарифтер