Радиостудия Sputnik Кыргызстан в Бишкеке - Sputnik Кыргызстан
Радио

Амантуров: борбор калаага ар ким каалаганын иле берсе шаардын кейпи эмне болот?

© Фото / Алманбет Айбеков"Бишкекасфальтсервис" ишканасынын жетекчиси Мирлан Амантуровдун архивдик сүрөтү
Бишкекасфальтсервис ишканасынын жетекчиси Мирлан Амантуровдун архивдик сүрөтү - Sputnik Кыргызстан
Жазылуу
Роза Отунбаеванын уулу Атай Садыбакасов тиешелүү органдардан уруксат албай туруп Бишкек шаарынын Токтогул көчөсүнө жол көрсөткүчтөрдү орноткон. Өзүм билемдик аракети үчүн активист айыпка жыгылышы ыктымал.
Амантуров: борбор калаага ар ким каалаганын иле берсе шаардын кейпи эмне болот?

"Бишкекасфальтсервис" ишканасынын жетекчиси Мирлан Амантуров активисттин кадамы мыйзамга туура келбей турганын билдирди. 

"Эреже боюнча айдоочулар үчүн орнотулган жол белгинин үстүнө жол көрсөткүч эмес, башка нерсени да коюуга жол берилбейт. Себеби айдоочу менен жөө жүргүнчүнүн көңүлүн башка нерсе бурбашы керек. Бул нерсе жарандардын коопсуздугу үчүн жасалып жатат. Ошондуктан өзүм билемдик кылып орнотулган жол көрсөткүчтөрдү алып салуу чечими чыкты", — деп билдирди Амантуров. 

Ал белгилегендей эреже боюнча жол көрсөткүчтөр жол белгинин үстүнө эмес, үйлөрдүн капталдарына орнотулуп келет. 

"Шаарга ар ким каалаганын иле берсе эмне болот? Бул жигит биздин чыгымдын бардыгын төлөйт. Эгер жол белги турган түркүктөр тешилип калган болсо ар бир түркүк үчүн 3-6 миң сом төлөшү керек болот. Эгер тешилбеген болсо, анда ар бир кызматкердин ишине жана башка чыгымдарга эки миңден төлөп калышы ыктымал. Бирок так сумманы азырынча айта албайм, жеринде комиссия иштеп жатат", — деди Амантуров. 

Ал ошондой эле жол көрсөткүчтөр атайын мекеменин уруксаты менен гана коюулуусу керек экенин баса белгиледи.

Жаңылыктар түрмөгү
0