Көп жылдан бери Германияда иштеп жүргөн кыргызстандык музыкант Тимур Ысыев учурда өзүнүн жеке мектебинен тышкары, дагы 3 эстрада-жаз мектептерине сабак берээрин Sputnik Кыргызстан агенттигине билдирди.
"Менин мектебиме Россиядан же КМШ өлкөлөрүнөн келип, бул жакта жашап калган адамдардын балдары көп келишет. Алты жаштан 16 жашка чейинки балдарга үйлөмө аспаптар боюнча сабак берем. Германиянын шаарларында чет өлкөлүктөрдүн ар кандай коомчулуктары, диаспоралары көп. Алардын ар биринин маданий борборлору бар, өз алдынча чогулуп, чыгармачыл кечелерди өткөрүп турушат. Ошондуктан, балдарына музыкалык билим берүүнү каалашат", — деди музыкант.
Өзүнүн айтымында, ал өзү жашаган Дармштадт шаарынан тышкары, дагы бир нече шаарларга балдарды окутуу үчүн ата-энелердин чакыруусу менен барып турат.
