Кыргызстан дагы бул норманын алкагында иш алып барып, кургак учук болгон бир адамдын дарылануусуна 13-15 миң доллар жумшаларын Sputnik Кыргызстан агенттигине Медициналык жардамды уюштуруу жана дары-дармек саясаты башкармалыгынын жетекчиси Самат Тойматов билдирди.
"Саламаттыкты сактоо министрлиги кургак учук боюнча төрт программаны аягына чыгарып, азыр бешинчисинин үстүндө иштей баштады. 2001-жылдан бери ооругандардын саны эки эсеге кыскарды. Мисалы 2001-жылы 100 миң кишиге 162, бүгүн болсо 100 миң кишиге 92 адам туура келет", — деди Тойматов.
Маалыматка караганда, Саламаттыкты сактоо министрлигинде 2020-жылга чейин дары-дармек менен камсыздоо программасынын үстүндө иштер жүрүп жатат.
Эске салсак, 24-март бүткүл дүйнөлүк кургак учукка каршы күрөшүү күнү.
