Радиостудия Sputnik Кыргызстан в Бишкеке - Sputnik Кыргызстан
Радио

Айыл өкмөт башчы Садалиев: элден чогулган акчанын бир тыйыны да корогон жок

© Sputnik / Расул УсеналиевНовопавловка айыл өкмөтүнүн башчысы Улан Садалиев
Новопавловка айыл өкмөтүнүн башчысы Улан Садалиев - Sputnik Кыргызстан
Жазылуу
Жүк ташуучу учак кулап түшкөн Дача айылынын 100дөй тургуну бийликке компенсация төлөп берүүнү эртелетүү жана элди башка жакка көчүрүү маселесин көтөрүп митингге чыгышты.
Айыл өкмөт башчы Садалиев: элден чогулган акчанын бир тыйыны да корогон жок

Чогулган эл менен Чүй облусунун башчысы Бактыбек Кудайбергенов, Сокулук районунун акими Болот Сатыкеев, Новопавловка айыл өкмөтүнүн башчысы Улан Садалиев баштаган аткаминерлер жолукту.

Садалиев элдин "чогулган акчаны өкмөт коротуп жатат" деген суроосуна жооп берип, атайын эсепке чогулган каражаттын бир сому дагы кемибей сакталып турганын айтты.

"Өкмөт тарабынан чогулган акчалар башка жакка короп жатат деген маалымат жалган. Мен муну ачык эле айтайын. Жабыркагандарга буга чейин берилген жардамдар башка булактардан, элден, демилгелүү топтордун чогулткан каражаттарынан сарпталган", — деди ал.

Айыл өкмөт башчысы ошондой эле комиссия жакын арада ишинин жыйынтыгын чыгарып, кимге канча акча берилерин аныктай турганын кошумчалады. Андан сырткары, элди башка жакка көчүрүү маселеси да чечилерин баса белгиледи.

Дача айылынын тургундары кандай талаптарды өкмөткө койгонун Sputnik Кыргызстан агенттигинин материалынан окуңуздар>>

Жаңылыктар түрмөгү
0