Пресс-секретарь Министерства транспорта и дорог КР Кылычбек Досумбетов

Досумбетов: каза болгон жолчулардын жакындары үчүн атайын эсеп ачылды

65
(жаңыланган 13:55 29.03.2017)
Транспорт министрлигинин кызматкерлери бир күндүк маянасын котормой болушту.
Досумбетов: каза болгон жолчулардын жакындары үчүн атайын эсеп ачылды

Каза болгон жолчулардын жакындарына жардам иретинде атайын эсеп ачылды. Бул тууралуу Sputnik Кыргызстан агенттигине Транспорт министрлигинин маалымат кызматынын жетекчиси Кылыч Досумбетов билдирди.

Эске сала кетсек, 28-март күнү Бишкек — Ош жолунда №23 жол тейлөө кызматына тиешелүү Toyota Hilux Pick Up автоунаасын көчкү басып калган. Кырсыктан унаа ичиндеги төрт адам набыт болгон.

"Бүгүн каза болгондор жерге берилди. Баары тең Токтогулдун тургундары болчу. Алардын тажыясына катышуу үчүн министрдин орун басары Азимкан Жусубалиев, Бишкек — Ош мамлекеттик автожолунун башкы директору Изатбек Токтомомбетов түнкү 3тө Токтогулга чыгып кетишкен", — деди Досумбетов.

Белгилей кетсек, каза болгон Нурбек Орунбеков Терек-Суу айылынын, Султангазы Жапаркулов Торкен айылынын, Анарбек Момуналиев Токтогул шаарынын, Акчабай уулу Курсант Бала-Чычкан айылынын тургундары.

Досумбетов министрликтин кызматкерлери бир күндүк маянасын набыт болгондордун жакындарына берерин, ал эми Жол тейлөө департаменти жерге берүү зыйнатындагы чыгымдарды көтөрөрүн кошумчалады.

Атайын эсептин реквизиттери: БИК: 129037; Р/С: 1290373480000042; Кардардын эсеби: 03702417348201000127 "РСК Банк" Токтогул шаары.

65
Белгилер:
маяна, жерге берүү, атайы эсеп
Тема боюнча
Кар көчкү алдында каза болгон жолчулар бүгүн жерге берилди
Азирет Валиев: Ошко баратсак кар көчкү унааны басып калды
Нуска китеп борборунун жетекчиси Анаркан Садыкулова

Садыкулова: кандай китеп окуурун билбеген жаштар көбөйдү

18
"Нуска" китеп борборунун жетекчиси Анаркан Садыкулова учурда жаштар арасында кандай темадагы китеп окуурун билбеген, жашоодогу багытын издегендер көбөйгөнүн айтты.
Садыкулова: кандай китеп окуурун билбеген жаштар көбөйдү

Эмне жөнүндө китеп окуй турганыңды жан дүйнөң менен сезип, билип турушуң керек. Бул абдан маанилүү. Мындай пикирин Анаркан Садыкулова Sputnik Кыргызстан радиосунун эфиринде маек куруп жатып билдирди.

Анын айтымында, китеп окуган адамдын акылы тунук, даражасы бийик, ой-чабыты кенен болот.

"Акыркы 30 жылды алсак, китептен такыр алыстагандар бар. Жаштар эле эмес улуу муундагы адамдар деле эмне окуурун билбейт. Мисалы, дүкөнгө кирип кандай темадагы чыгарма издеп жатканын билишпейт. Азыркы жашоо көбүнесе акчага байланып калды", — деди Садыкулова.

Ошондой эле жетекчи китеп окуу маданиятын калыптандыруу керектигин кошумчалады.

18
Белгилер:
бизнес, жаштар, билим, китеп, нускама
Тема боюнча
Министр: китептерде ката кетпеши үчүн "Окуу китеби" борбору ачылды
Инвестицияны илгерилетүү жана коргоо агенттигинин инвестициялык потенциалды өнүктүрүү бөлүмүнүн жетекчиси Илимбек Абдиев

Абдиев: "Жер-Үй" боюнча инвестор менен калктын ортосунда диалог болду

10
(жаңыланган 11:19 19.01.2021)
Инвестицияны илгерилетүү жана коргоо агенттигинин инвестициялык потенциалды өнүктүрүү бөлүмүнүн жетекчиси Илимбек Абдиев "Жер-Үй" кенинде жаңжалдын чыгуусуна эмне себеп болгонун айтып берди.
Абдиев: Жерүй боюнча инвестор менен калктын ортосунда диалог болду

"Жер-Үйдөгү" чатакка жергиликтүү калктын жумушсуздугу, социалдык-экономикалык абал себеп. Бул тууралуу Илимбек Абдиев Sputnik Кыргызстан радиосуна маек куруп жатып билдирди.

Анын айтымында, шайлоодон кийин инвестициялык климат жакшы жагына өзгөрүп жатканы байкалууда.

"Жер-Үйдөгү" чатактын чыгуусуна жергиликтүү калктын жумушсуздугу, социалдык-экономикалык абал себеп болууда. Ошондой эле жергиликтүү тургундардын арасында колдогондор жана колдобогондор болуп, бөлүнүү бар экен. Мындан ары тирешүүнүн уланбашы үчүн инвестор менен калктын ортосунда диалог жүрдү. Жергиликтүү тургундардын арасынан экология жаатында адистер бар болсо, тизмесин түзүү, бирдиктүү талаптарды коюу сунушталды. Тийиштүү маалыматтар "Жер-Үйдүн" жетекчилигине да, өкмөткө да жеткирилди", — деди Абдиев.

Ошондой эле ал облуста кээ бир социалдык объектилердин курулушуна каражат бөлүнсө да айрым себептерден улам бүткөрүлбөй турганын кошумчалады.

10
Белгилер:
калк, инвестор, ишкерлик
Тема боюнча
Кыргызстанга кандай инвестициялар тартыла турганы айтылды
Сойку кардары менен. Архив

Түркияда кыргызстандык аялдарды интимдик кызмат көрсөтүүгө мажбурлагандар кармалды

0
(жаңыланган 13:30 19.01.2021)
Тартип сакчылары Россия, Украина, Өзбекстан жана Кыргызстандын жарандары кармалып турган бир нече батирлерди табышкан.

БИШКЕК, 19-янв. — Sputnik. Түркиянын Измир шаарында полиция кызматкерлери кыргызстандык жана дагы башка үч мамлекеттин аялдарын интимдик кызмат көрсөтүүгө мажбурлап келген кылмыштуу топту аныктады. Бул тууралуу Haberler жазды.

Басылманын маалыматына караганда, укук коргоочулар алты эркекти колго түшүргөн. Шектүүлөргө төрт ай бою байкоо салынганы белгиленди.

Аларды кармоо үчүн атайын операция бир эле учурда шаардын ар кайсы райондорунда жүргүзүлгөн. Тартип сакчылары Россия, Украина, Өзбекстан жана Кыргызстандын жарандары кармалып турган бир нече батирлерди табышкан. Жалпы жонунан сегиз чет элдик аял куткарылган. Аларды интим кызматын көрсөтүүгө мажбурлап күч колдонулганы белгиленди.

Факты боюнча кылмыш иши козголду. Аялдарды өз өлкөлөрүнө депортациялоо маселеси каралып жатат.

0
Белгилер:
кылмыш, кызмат, интим, Түркия
Тема боюнча
АКШнын эң кымбат сойкусу ишсиз калганын айтып бийликти сотко берди