Ысык-Көлдүн жетекчисинин биринчи орун басары Дамир Моңолдоров

Моңолдоров: жаңы логистикалык борбор жер-жемишти 270 күнгө чейин сактай алат

62
(жаңыланган 18:18 30.03.2017)
Балыкчы шаарында "Оберон" ЖЧКсынын жер-жемиш сактаган ири логистикалык борбору ачылды. Аталган долбоорду эки коммерциялык банк аркылуу Кыргыз-орус фонду каржылады.
Моңолдоров: жаңы логистикалык борбор жер-жемишти 270 күнгө чейин сактай алат

Ысык-Көлдүн жетекчисинин биринчи орун басары Дамир Моңолдоров логистикалык борбор жер-жемиштерди 60 күндөн 270 күнгө чейин сактай ала турганын билдирди.

"Логистикалык борборлор дыйкандардын чарбачылыгын өнүктүрүүгө чоң салым кошо алат. Мындай сактоочу жайлар 5-10 жыл аралыгында ар бир айылда болуусу шарт. Себеби жемиштерди коңшу өлкөлөргө ыңгайлуу баада экспорттоого шарттар түзүлөт", — деди Моңолдоров.

Борборду салууга жалпы жонунан 4 миллион 450 миң доллар сарпталган.

62
Белгилер:
логистикалык борбор, жашылча-жемиш, сактоо
Тема боюнча
Балыкчыда 4,5 млн. долларлык жер-жемиш сактаган ири кампа ачылды
Эмгек жана социалдык өнүктүрүү министри Улукбек Кочкоров

Кочкоров: жарандар бала асырап алууга онлайн арыз бере алат

57
Эмгек жана социалдык өнүктүрүү министри Улукбек Кочкоров бала асырап алуу боюнча кызмат көрсөтүүлөр порталы түзүлгөнүн айтты.
Кочкоров: жарандар бала асырап алууга онлайн арыз бере алат

Жарандар үйүндө отуруп алып, бала асыроого арыз бергенге мүмкүнчүлүк алды. Эми алар бюрократиялык кыйынчылыктарга туш болушпайт. Бул тууралуу Улукбек Кочкоров Sputnik Кыргызстан радиосуна маек куруп жатып билдирди.

Анын айтымында, портал бала асырап алуудагы коррупциялык элементтерди токтотот.

"2020-жыл "Аймактарды өнүктүрүү, өлкөнү санариптештирүү жана балдарды коргоо жылы" деп жарыяланган. Анын алкагында балдарды асырап алуу боюнча коррупциялык көрүнүштөрдү токтотуу тапшырмасы коюлган. Мына ушуну ишке ашыруу максатында бала асырап алуу процедурасы толугу менен автоматташтырылды. Эмгек жана социалдык өнүктүрүү министрлигинде атайын электрондук портал түзүлдү. Анда жарандар бала асырап алуу үчүн үйүнөн арыз бере алат. Арыз берилгенден кийин атайын пароль, логиндер ыйгарылып, асырап алуучу катары катталат. Натыйжада аларга өлкө боюнча багып алууга мумкүн болгон балдардын базасына кирүүгө жана көрүүгө мүмкүнчүлүк берилет. Системага тапшырык берилгенден кийин жети сутка өткөн соң бала менен жолугууга уруксат болот. Башкача айтканда, бала асырап алуучулар кызмат көрсөткөндөрдүн бюрократиялык аракеттерине туш болбойт", — деди Кочкоров.

Министр ошондой эле портал балдардын коопсуздугун камсыздай ала турганын кошумчалады.

57
Белгилер:
коопсуздук, бюрократия, бала, Улукбек Кочкоров
Тема боюнча
Башкы прокуратура: зомбулукка кабылган балдар көбөйүп жатат
Соода-өнөр жай палатасынын транспорт боюнча комитетинин төрагасы Талантбек Маткерим уулу

Маткерим уулу: Түркиядан жүк ташуу үчүн мультимодалдык маршрут ачылды

46
Соода-өнөр жай палатасынын транспорт боюнча комитетинин төрагасы Талантбек Маткерим уулу өлкөгө мультимодалдык маршрут аркылуу жүк ташуу мүмкүнчүлүктөрү тууралуу айтып берди.
Маткерим уулу: Түркиядан жүк ташуу үчүн мультимодалдык маршрут ачылды

Түркиядан Кыргызстанга жана Кыргызстандан Түркияга жүк ташуу үчүн мультимодалдык маршрутту жандандыруу аракеттери көрүлүүдө. Бул тууралуу Талантбек Маткерим уулу Sputnik Кыргызстан радиосуна маек куруп жатып билдирди.

Анын айтымында, мультимодалдык маршрут — бул темир жол, деңиз аркылуу жана автоунаа менен жүк ташуу.

"Кыргызстанга бир канча унаа каражаттары менен жүк ташуу маршрутун жандандыруу колго алынууда. Ага ылайык, Түркиядан темир жол менен жүктөлгөн жүк Грузиядан өтүп, Азербайжандан Каспий деңизи аркылуу Түркмөнстанга чейин келет. Ал жактан поезд менен Өзбекстан аркылуу Ошко, ал жерден башка аймактарга автоунаа менен ташылат. Бул маршрут мурдатан эле бар болчу, бирок жүк ташуучулар тарабынан колдонулчу эмес. Анан пандемияга байланыштуу Казакстан аркылуу автоунаа менен жүк ташуу татаалдашты. Себеби айдоочулар обсервацияга жатып, ташылып жаткан жүк кармалып калып жатты. Ал эми темир жол аркылуу ташылган жүк адамдардын байланышын азайтат. Ошондой эле автоунаа менен жүк ташууга салыштырмалуу арзан түшөт. Анткени автоунаада товар чыгарылган жерден акыркы кардарга жеткенче логистикалык кызматтын да баасы кошулуп калат", — деди Маткерим уулу.

Ошондой эле ал аталган маршрут аркылуу Грузия, Азербайжан жана Түркмөнстан менен товар айлантууга ыңгайлуу боло турганын кошумчалады.

46
Белгилер:
логистикалык борбор, темир жол, жүк ташуучулар
Тема боюнча
Кыргызстан менен Түркиянын авиабайланышы качан жанданары айтылды

Бишкекте күйгөн үйдү өрткө каршы кызмат менен эл кошо өчүрүүдө. Видео

0
Интернетте Бишкектин Алтын-Ордо жаңы конушундагы үйдөн чыккан өрт өчүрүлүп жаткан учурдун видеосу тарады. Жеринде өрт өчүрүүчүлөр дагы деле иштеп жатат.

Кырсык тууралуу кабар өрт өчүрүү кызматына саат 12ден кийин түшкөн. Конуш шаардын түштүк-чыгыш тарабында орун алган.

Күбө жеринде тартылган видеону жарыялады. Анын айтымында, бул үйдө бензин сатышчу. Бирок бул тууралуу расмий айтылган жок.

Кадрларда көрүнүп тургандай, үйдүн экичи кабаты күйүп жатат. Ошондой эле өрт өчүрүүчүлөр жана кайгуул милициясы келип калганын байкоого болот.

 

Башка видеодо жергиликтүү эл өрттү өчүрүүгө кол кабыш кылып жатканы көрүнөт.

Жеринде өрт өчүрүүчү эки бөлүм иштеп жатат.

0
Белгилер:
жаңы конуштар, Бишкек
Тема боюнча
Шаардын ар тарабынан көрүнгөн кара түтүн. Кампадан чыккан өрттүн видеосу