Радиостудия Sputnik Кыргызстан в Бишкеке - Sputnik Кыргызстан
Радио

Каныбек Иманалиев: репрессиялангандардын балдарына өлкө жардам бериши керек

© Фото / пресс-служба ЖК"Ата Мекен" фракциясынын депутаты Каныбек Иманалиевдин архивдик сүрөтү
Ата Мекен фракциясынын депутаты Каныбек Иманалиевдин архивдик сүрөтү - Sputnik Кыргызстан
Жазылуу
"Ата Мекен" фракциясынын депутаты мамлекет үчүн өмүрүн бергендердин балдарына ЖКны жардам берүүгө чакырды.
Каныбек Иманалиев: репрессиялангандардын балдарына өлкө жардам бериши керек

Репрессиялангандардын балдарына мамлекет жардам бериши керек. Бул тууралуу "Ата Мекен" фракциясынын депутаты Каныбек Иманалиев парламентте ар кандай маселелер каралып жаткан учурунда билдирди.

Эл өкүлү репрессияга кабылгандардын балдары оор турмуш кечирип жатканына токтолду.

"1937-жылы репрессиягы кабылгандардын балдары 53 жыл куугунтукталып, учурда карып калышты. Алардын ата-энелери мамлекет үчүн атылган да. Жусуп Абдрахмановдун кызын ыктыярчылар багат, Баялы Исакеевдин кызы дары-дармеги жок ооруканада, Абдыкерим Сыдыковдун уулу майып, ал эми Исхак Раззаковдун кызы өлбөстүн күнүн көрүп Москвада жашайт", — деди Иманалиев.

Депутат репрессиялангандардын балдарына пенсия берип туруу боюнча мыйзам долбоору колдоо таппай калгандыгын айтып, жок дегенде ЖК жардам берип турушу керектигин кошумчалады.

Жаңылыктар түрмөгү
0