Дүйнөдө алгачкы жолу бутун 31 сантиметрге узарттырган Темирбек Бекбоев

Темирбек Бекбоев: бутума туруп басып кетсем, апама жардам берем

77
(жаңыланган 18:26 28.04.2017)
Бишкек шаардык травматология жана ортопедия илим изилдөө борборунун жетекчиси, ортопед Сабырбек Жумабеков үч жыл аралыгында 21 жаштагы Темирбек Бекбоевдин бутуна алты жолу операция жасап, жигиттин оң бутун сол бутуна теңеген.
Темирбек Бекбоев: бутума туруп басып кетсем, апама жардам берем

Дүйнөдө алгачкы жолу бутун 31 сантиметрге узарттырган Темирбек Бекбоев Гиннес китебине кире турган болду. Ал учурда 21 жашта.

"Чоңойгон сайын сол бутум өсүп, оң бутум кыскара баштаганда, "бир бутум менен кантип иштеп жан багам" деп кабатырлана баштагам. Айына эки жолудан операция жасатып жаным кейигенде мурункудай эле жүрө бербей деп жүрдүм. Бирок азыр баары артта калды. Эки бутум теңелип, кыйналгандарымды унутуп калдым", — деди Темирбек.

Дарыгерлердин айтымында, алты айдан соң Темирбек балдагын таштап эки бутуна тең туруп басып калат.

Эске салсак, Сабырбек Жумабеков Кувейтте өткөн IX эл аралык ойлоп табуучулардын сынагында (International Ivention Fair in Middle East) беш эмгегин көрсөтүп, экинчи орунду багындырган. Ошол жердеги калыстар тобунун кеңеши менен Жумабеков эмгегин Гиннес китебине сунуштап, китептин комиссиясынан оң жооп келген.

Темирбек Бекбоев жана дарыгер Сабырбек Жумабековдун уникалдуу эмгеги тууралуу Sputnik Кыргызстан агенттиги даярдаган материалдан көрүңүздөр>>

77
Белгилер:
Сабырбек Жумабеков, сөөк, операция, бут
Тема боюнча
Сабырбек Жумабеков дүйнөлүк ойлоп табуучулар сынагында 5 күмүш медаль алды
Билим берүү тармагындагы эксперт Кеңешбек Сайназаров. Архив

Сайназаров: онлайн, офлайн окууну айкалыштырганга өтүү керек

34
(жаңыланган 18:18 02.08.2021)
Билим берүү тармагындагы эксперт Кеңешбек Сайназаров мындан ары толугу менен салттуу билим берүүгө өтүү мүмкүн эместигин билдирди.

Коронавирус илдетинен адамзат арылып кетпешин биз түшүнүп турабыз. Андыктан мындан аркы жашообузду, анын ичинен билим берүүнү да ошого ылайыкташтырышыбыз абзел. Мындай пикирин Кеңешбек Сайназаров Sputnik Кыргызстан радиосунда маек куруп жатып белгиледи.

Сайназаров: онлайн, офлайн окууну айкалыштырганга өтүү керек

Анын айтымында, мындан ары жалаң гана онлайн окутуу же толугу менен офлайн билим берүүгө кайтып баруу деген түшүнүк болбойт.

"Бүткүл дүйнө жүзү боюнча эле онлайн окуудан анын сапаты түшүп кеткендиги айтылууда. Бул канчалык техникалык мүмкүнчүлүктөрү бар өлкө болсо да аралыктан окутуу салттуу билим берүүнүн ордун баса албастыгынын белгиси. Бирок ошону менен катар эле айрым окуу багыттарын, тескерисинче, онлайн-форматта окуп-үйрөнүү ыңгайлуу болоруна күбө болдук. Андыктан бул эки системаны айкалыштырып иштөөгө өтүшүбүз керек. Мындай жол менен биз билим берүүнүн мүмкүнчүлүктөрүн гана кеңейткен болобуз. Андан чочулоонун кажети жок",— деди Сайназаров.

Ал өзгөчө Кыргызстан сыяктуу тоолуу өлкөлөрдө аба ырайынан улам келип чыккан кыйынчылыктарда балдарды айкалышкан системада окутуу, алардын билим алуусун үзгүлтүккө учуратпаганга шарт түзөрүн кошумчалады.

34
Белгилер:
Кеңешбек Сайназаров, билим, онлайн
Тема боюнча
Сайназаров: билим берүүдө ата-энелер төлөгөн акчаны расмийлештириш керек
Кыргыз мамлекеттик дене тарбия жана спорт академиясынын административдик чарба иштери боюнча проректору Максат Оморов

Оморов: Дене тарбия академиясы жогорку квалификациядагы кадрларды даярдайт

31
Кыргыз мамлекеттик дене тарбия жана спорт академиясынын административдик чарба иштери боюнча проректору Максат Оморов КМДТСА заманбап талаптарга ылайык жогорку квалификациядагы кадрларды даярдап чыгарып жаткандыгын айтты.

Академия өлкөдөгү заманбап окуу-илимий жана спорттук базасы бар, спорт жана дене тарбия тармагындагы бирден-бир адистештирилген жогорку окуу жайы катары эсептелет. Мындай маалыматты Максат Оморов Sputnik Кыргызстан радиосунун эфиринде маек куруп жатып билдирди.

Оморов: Дене тарбия академиясы жогорку квалификациядагы кадрларды даярдайт

Анын айтымында, окуу жайдын өлкөдөгү спорттун өнүгүшүнө көмөгү чоң болгондуктан өкмөт тарабынан дагы көңүл бурулуп, маалыматтык технологиялар жаатында колдоо болушу керек.

"Кыргыз мамлекеттик дене тарбия жана спорт академиясы 1955-жылы негизделип, андан бери 13 миңдей бүтүрүүчүнү уядан учурду. Учурда окуу жайдан билим алган адистер республикада жана чет өлкөлөрдө ийгиликтүү иштеп келишет. Академияда эки миңдей студент билим алып, жылына 400дөй бүтүрүүчүгө диплом берет. Спортту жайылтуу, аны өнүктүрүүдө Дене тарбия академиясы жогорку квалификациядагы кадрларды даярдайт. Мындан тышкары, маданиятыбызды, каада-салтыбызды унутта калтырбай кыргыздын улуттук оюндарына да басым жасалып, ат оюндары, тогуз коргоол, ордо сыяктуу багыттар каралган. Дүйнөлүк спортто болуп жаткан жаңы тенденциялардан калбай, эл аралык стандартта билим берүү үчүн аракет кылып жатабыз. Бирок маалыматтык технологиялар жаатында дагы иштөө керек", — деди Оморов.

Ошондой эле адис Мамлекеттик дене тарбия жана спорт академиясына кабыл алууда Жалпы республикалык тестирлөөнүн жыйынтыгы зарыл эместигин кошумчалады.

31
Белгилер:
Жаштар иши, дене тарбия жана спорт агенттиги, Максат Оморов
Тема боюнча
Кыргызстандык жөө күлүк Нурсултан Кеңешбеков Олимпиадага аттанды
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

0
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

0
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео