Радиостудия Sputnik Кыргызстан в Бишкеке - Sputnik Кыргызстан
Радио

Усенов: президент Өзгөндөгү каза болгондордун үй-бүлөлөрүнө жардам кылууну тапшырды

© Пресс-служба президента КР / Султан ДосалиевПрезиденттин маалымат кызматынын жетекчиси Алмаз Усеновдун архивдик сүрөтү
Президенттин маалымат кызматынын жетекчиси Алмаз Усеновдун архивдик сүрөтү - Sputnik Кыргызстан
Жазылуу
Ош облусунун Өзгөн районундагы Аюу-Сай айылында 300гө чукул куткаруучулар жер көчкү басып калган 24 адамдын сөөгүн издеп жатат.
Усенов: президент Өзгөндөгү каза болгондордун үй-бүлөлөрүнө жардам кылууну тапшырды

Президент Алмазбек Атамбаев 30-апрелди Кыргызстанда аза күтүү күнү деп жарыялоо жөнүндө Жарлыкка кол коюп, Өзгөндүн Аюу-Сай айылында каза болгондордун үй-бүлөлөрүнө зарыл жардамдарды көрсөтүүнү өкмөткө тапшырды. Бул туурасында Sputnik Кыргызстан агенттигине президенттин маалымат кызматынын жетекчиси Алмаз Усенов билдирди.

Өзгөндүн Аюу-Сай айылына барган премьер-министр Сооронбай Жээнбеков каза болгондордун жакындарына көңүл айтып, эл менен жолукту - Sputnik Кыргызстан
Премьер Сооронбай Жээнбеков Өзгөнгө барып, элге көңүл айтты
Эскерте кетсек, Аюу-Сай айылында бүгүн таңкы саат 06:40та көлөмү 1 миллион кубометр болгон жер көчкү жүрүп, он бир турак жайды жашоочулары менен басып калган.

Алдын ала маалыматтарда, жер алдында 24 кишинин калганы айтылууда. Учурда кырсык болгон жерде ӨКМдин башчысы Кубатбек Боронов баш болгон министрликтин кызматкерлери, бир катар өкмөт мүчөлөрү жүрөт.

Атамбаев аталган трагедиядан жабыркагандарга зарыл болгон жардамдарды берүү боюнча өкмөткө тапшырма берип, элге кайрылуу жасады.

Жаңылыктар түрмөгү
0