Радиостудия Sputnik Кыргызстан в Бишкеке - Sputnik Кыргызстан
Радио

Абдымалик Мамасейит уулу: жер силкингенден кийин кан басымы көтөрүлгөндөр көбөйдү

© Фото / Зульфия ТургуноваЧоң-Алай райондук жалпы дарыгерлер практикалык борборунун адиси, дарыгер-хирург Мамасейит уулу Абдымалик
Чоң-Алай райондук жалпы дарыгерлер практикалык борборунун адиси, дарыгер-хирург Мамасейит уулу Абдымалик - Sputnik Кыргызстан
Жазылуу
Ушу тапта жер силкинген Чоң-Алайдын айылдарынын 3000ге чукул жашоочусу чатыр жана боз үйлөрдө күн кечирип жатат.
Абдымалик Мамасейит уулу: жер силкингенден кийин кан басымы көтөрүлгөндөр көбөйдү

Медициналык жардам үчүн кайрылгандардын арасында жер титирөөдөн чочуп уктабай, ооруп калган жаш балдар бар. Ал эми чоңдор арасында кан басымы көтөрүлүп кеткендер арбын болууда. Бул туурасында Чоң-Алай райондук жалпы дарыгерлер практикалык борборунун адиси, дарыгер-хирург Мамасейит уулу Абдымалик Sputnik Кыргызстан агенттигине айтып берди.

Ал жер титирөө катталган аймакта атайын дарыгерлер тобу жашоочулардын ден соолугун көзөмөлгө алып, медициналык жардам көрсөтүп жатканын билдирди.

"Ош шаарынан психологдор келишкен. Алардын сырткары невропатолог, кардиолог адистер да тартылган. 3-май жер титирөө катталган күнү 350 жаран кайрылды. Андан кийин күн сайын 300-400го чейин жарандар кайрылып жатат. Аларга алгачкы медициналык жардам көрсөтүп жатабыз. Дары-дармек жетиштүү. Кайрылгандардын арасында жер титирөөдөн чочуп уктабай, ооруп калган жаш балдар да бар", — деди Абдымалик Мамасейит уулу.

Последствия землетрясения в Чон-Алайском районе - Sputnik Кыргызстан
Чатырда түнөгөн чоң-алайлыктар: түнкү сууктан кайыгып калып жатабыз
Дарыгер эл чатырларда жашап жаткандыктан, балдар сасык тумоолоп ооруп калып жатканын кошумчалады.

Эскерте кетсек, 3-майда саат 10:47те Тажикстандын аймагында очогунда күчү 7 баллга жеткен жер титиреген. Анын таасири Кыргызстанда дагы сезилген. Жер титирөө Баткен облусунан түштүк-чыгышты карай 120 чакырым, Ош шаарынан түштүк-батышты карай 192 чакырым алыстыкта катталган. Андан кийинки күндөрү да бир нече ирет жер силкинген. Мунун кесепетинен Чоң-Алай районунда бир нече социалдык мекемелердин имараттары жана турак жайлар авариялык абалга келген.

Жаңылыктар түрмөгү
0