Шайыр апалар долбоорунда калыстар тобунун мүчөсү, этнограф Айымкан Жаманкулова

Жаманкулова: шайыр апалар маданиятыбыздын бийиктигин көрсөтүүдө

80
(жаңыланган 19:26 04.08.2017)
КТРК телеканалынын "Шайыр апалар" долбоору өлкөнүн ар аймагынан келген энелердин талантын ачып, карыларга чоң колдоо көрсөтүүдө. Долбоордун биринчи туру аяктап, учурда экинчи айлампасынын кастинги өтүп жатат.
Жаманкулова: шайыр апалар маданиятыбыздын бийиктигин көрсөтүүдө

"Шайыр апалар" долбоорунун артынан элибизде таланттуу, чыныгы нукуралуулукту алып жүргөн апалар көп экенин биле алдык. Бул тууралуу Sputnik Кыргызстан маалымат агенттигине "Шайыр апалар" долбоорунда калыстар тобунун мүчөсү, этнограф Айымкан Жаманкулова билдирди.

Анын айтымында, кыргызга гана тиешелүү өзгөчөлүктөр айылдык апаларда даана сакталып калган.

"Ар бир облус, райондон келген энелер биз билбеген салт-санааларды көрсөтүп, укпаган макал-лакаптарды айтып жатышат. Мунун өзү кыргыз элинин маданияты бийик экендигин көрсөтүп турат. Долбоордо биз костюмга да аябай маани беребиз. Себеби улуттук кийимдин да нукуралуулугун жоготпоо керек. Кээ бири чокчойгон элечек, айрымдары жаш келиндей болуп ачык түстөгү көйнөктөрдү кийишет. Бул туура эмес. Анткени аларды көргөндө жаш келинди эмес, чыныгы кыргыздын байбичесин көргөндөй болушубуз керек", — деди Жаманкулова.

Ал ошондой эле долбоор көптөгөн энелердин ырдап, сахнага чыксам деген кыялын ишке ашырып жатканын да кошумчалап кетти.

80
Белгилер:
улуу адам, апа, долбоорлор, сынак, Кыргызстан
Тема боюнча
Шаңкылдап ырдап, шартылдап бийлеген шайыр апалар. Байбичелер кастинги
Юстиция министрлигинин Пробация департаментинин Мониторинг жана эсеп башкармалыгынын башчысы Руслан Романов

Романов: ювеналдык пробация жашы жете электерге колдонулат

19
Юстиция министрлигинин Пробация департаментинин Мониторинг жана эсеп башкармалыгынын башчысы Руслан Романов пробациялык орган жашы жете элек соттолуучулар менен да иштешерин билдирди.
Романов: ювеналдык пробация жашы жете электерге колдонулат

Ювеналдык пробация өспүрүмдөр үчүн иштейт. Анын негизги максаты — жашы жете элек кылмышкерди экинчи ирет ал чөйрөгө аралашпоосуна жардам берүү. Бул тууралуу Руслан Романов Sputnik Кыргызстан радиосунана маек куруп жатып билдирди.

Романов: пробациялык көзөмөл беш жылга чейин кесилгендерге колдонулат

Анын айтымында, аталган пробациянын кардарларынын укук, милдеттери өзүнчө каралган.

"Ювеналдык пробацияда өспүрүмдүн кылмыш чөйрөсүнө андан ары тартылып кетпөөсүн камсыздоо приориттеттүү маселе. Андыктан социалдык көмөк көрсөтүү менен анын моралдык абалы да эске алынат. Атайын психологдор кардар менен тыгыз иштешет. Мындай аракеттерге өспүрүмдүн ата-энеси же аны кароосуна алган жакыны милдеттүү түрдө катышат. Ювеналдык пробация кардары менен адистердин жолугушуусу башка кардарлардан өзүнчө бөлүп өткөрүлөт", — деди Романов.

Ал ювеналдык пробация кардарын жазалоодо тарбиялоо максатында эмгекке тартууга жол берилерин кошумчалады.

19
Белгилер:
чектөө, эркиндик, пробация, Руслан Романов
Тема боюнча
Романов: пробация кардарынын эркиндигин чектөө эрежелери бар
Көйкашка коомдук бирикмесинин мүчөсү, манасчы Нурбек Талантбеков

Талантбеков: "Манас" эпосунда тиш чукугучтун аталышы бар

277
(жаңыланган 12:45 13.07.2020)
"Көйкашка" коомдук бирикмесинин мүчөсү, манасчы Нурбек Талантбеков күнүмдүк турмушта кыргыз тилин жакшы билгендер 500-600, ал эми билбегендер 200-300 сөз колдоно турганын айтты.
Талантбеков: "Манас" эпосунда тиш чукугучтун аталышы бар

Тиш чукугуч "Манас" эпосунда "данданкү" деп аталат. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.

Анын айтымында, бул сөз айрым жерлерде "данданкү", башка булактарда "дандакүү" деп дагы кездешет.

Талантбеков: "Манас" эпосунда тырмак алгыч "тырабдал" деп айтылат

"Күнүмдүк турмушта колдонулган буюмдардын арасында "зубочистка" же болбосо эки сөз, төрт муундан турган "тиш чукугуч" деген бар. А чынында бул сөз "Манаста" "данданкү" деп колдонула турганы маалым. Ала турган болсок, эпосто дасторкондо тамак-аштын түрү, нандын эле 90 түрү бар экени сүрөттөлөт. Ала-Тоодой эт кылып, Ала-Көлдөй чык кылып, адамдын көөнү, пейили толуп турганы сүрөттөлөт. Тиш чукугуч ошол доордо дагы бүгүнкүдөй атайын идишке топтолуп турчу экен. Мына ошону көргөн Манас атабыздын "данданкү мынча, эт канча?" дегени бар. Бул жерден тиш чукугучуң эле мынча болсо, этиң канча деген тамаша сөздү түшүнөбүз", — деди Талантбеков.

Ошондой эле ал күнүмдүк турмушта ушундай көөнө сөздөрдү колдонуу тилдин байышына алып келе турганын кошумчалады.

277
Белгилер:
тиш, сөз, Манас эпосу
Тема боюнча
Талантбеков: "Манас" эпосунда чачтарач, сулуулук салонду "сүзгөр" дейт
Тест-системалар. Архивдик сүрөт

Россия гумжардам катары Кыргызстанга 100 миңден ашык тест-система берди

0
(жаңыланган 00:03 14.07.2020)
Саламаттыкты сактоо министрлиги кыргыз өкмөтүнүн атынан Россия Федерациясына жана Роспотребнадзорго ыраазычылык билдирди.

БИШКЕК, 13-июл. — Sputnik. Коронавирус инфекциясына каршы күрөштүн алкагында Россиядан Кыргызстанга гуманитардык жардам келди. Бул туурасында өкмөттүн маалымат кызматы билдирди.

Анда COVID-19ду аныктоочу тест-системалардын бир нече партиясы берилгени айтылат.

"Жалпысынан жардам иретинде 80 720 изилдөө жүргүзүү үчүн 820 ПЦР тест-системасынын комплектиси, 24 000 изилдөө үчүн толук эмес 480 топтом келди", — деп жазылат маалыматта.

Роспотребнадзордун жетекчиси кыргыз медиктеринин кесипкөйлүгүнө баа берди

Саламаттыкты сактоо министрлиги кыргыз өкмөтүнүн атынан Россия Федерациясына жана Керектөөчүлөрдүн укуктарын коргоо чөйрөсүндөгү көзөмөл боюнча федералдык кызматына көмөктөшүүсү үчүн ыраазычылык билдирип, коронавирус менен мындан аркы күрөшүүдө жемиштүү кызматташууга ишеним артты.

0
Белгилер:
аныктоо, тест, гуманитардык жардам, Россия
Тема:
Коронавируска байланыштуу Кыргызстандагы кырдаал
Тема боюнча
Ферганадан Баткенге гуманитардык жардам келди
Кыргызстанга Кытайдан 500 кычкылтек концентратору алып келинди. Сүрөт