КРдин Эмгек сиңирген артисти, Даңк медалынын ээси Майрам Дүйшекеева маек учурунда

Дүйшекеева: өжөрлүгүмөн ырчы болдум, болбосо медайым болуп калмакмын

42
(жаңыланган 11:47 02.10.2017)
КРдин Эмгек сиңирген артисти, "Даңк" медалынын ээси Майрам Дүйшекееванын чыгармачыл чөйрөгө аралашып, ырчылык кесипти аркалап келе жатканына 35 жылдын жүзү болду.
Дүйшекеева: өжөрлүгүмөн ырчы болдум, болбосо медайым болуп калмакмын

Артист болууну кичине кезимден эле кыялдангам, ата-энемдин каршылыгына карабай өжөрлүгүм менен минтип максатыма жеттим. Бул тууралуу Майрам Дүйшекеева Sputnik Кыргызстан агенттигине маек берип жатып билдирди.

"Кичине кезимде ырчы, актрисаны айырмалабай эле "артист болом" дей берчүмүн. Бирок атам "ийне сайганды билсең кор болбойсуң" деп медайымдын окуусуна да тапшыртып көрдү. Жыйынтык чыкпады, себеби менин эс-дартымдын баары артист болуу эле. Ар түрдүү кароо сынактарга катышып жүрүп акыры Жумамүдүн Шералиевдин көзүнө илинип, Нарын шаарындагы "Гүлдесте" маданият үйүндө театрда иштеп калдым. 1982-жылы Бишкекке Жумамүдүн Шералиевдин кечесине келип, филармония жетекчилигинин көзүнө түшүп калыптырмын. Ошентип алар мени "оркестрдин кызы экенсиң" деп алып калышты", — деди Дүйшекеева.

Ырчы учурда деле Улуттук филармониядагы Карамолдо Орозов атындагы Академиялык оркестрдин солисти болуп эмгектенет. Үч жылдан соң 60 жылдык мааракесин берсем деп камынып жаткан мезгили.

Майрам Дүйшекеева менен болгон маекти Sputnik Кыргызстан маалымат агенттиги даярдаган материалдан кененирээк окуңуздар>>

42
Белгилер:
оркестр, филармония, ырчы, Майрам Дүйшекеева, Кыргызстан
Тема боюнча
Шайыр Касымалиева: жеке да, чыгармачыл да жашоом татаал болду
Жогорку категориядагы өпкө дарыгери Бермет Естебесова

Естебесова: пульсоксиметрдин ордуна смартфондогу тиркемени колдонсо болот

106
(жаңыланган 15:39 14.07.2020)
Жогорку категориядагы өпкө дарыгери Бермет Естебесова пневмонияга чалдыккан учурда өпкөнүн иштөөсүн текшерген пульсоксиметрдин мобилдик тиркемесин колдонсо болорун айтты.
Естебесова: пульсоксиметрдин ордуна смартфондогу тиркемени колдонсо болот

Организмди кычкылтек менен камсыздап турган өпкө пневмонияга чалдыккан учурда иштөөсү бузулат. Муну биз пульсоксиметр менен ченеп билебиз. Бул тууралуу Бермет Естебесова Sputnik Кыргызстан радиосуна маек куруп жатып билдирди.

COVID: "Авифавирди" амбулатордук түрдө колдонууга уруксат суралууда

Анын айтымында, учурда пульсоксиметр аппараттары 300 сомдон 100 долларга чейин сатылууда.

"Адамдын өпкөсү жабыркаганда биринчи эле дем алуусу оорлошот. Канда кычкылтек жетишсиз болуп башка органдар да жабыркайт. Канга кычкылтек канчалык деңгээлде жетип жаткандыгын пульсоксиметр менен өлчөйбүз. Бирок бул аппаратты бейтап сатып алса, ал айыккан соң кереги жок болуп калат. Азыр айрым смартфондордо жана колго тагынган спорттук билериктерде бул жабдуу бар экен. Биз дарыгерлер колдонгон пульсоксиметр менен салыштырсак көрсөткүчтөрү дээрлик бирдей чыкты. Демек бейтаптар бул каражаттарды да колдоно берсе болот", — деди Естебесова.

Дарыгер Samsung смартфондорундагы Samsung health тиркемесин медициналык пульсоксиметр менен салыштырып көрүшкөнүн кошумчалады.

106
Белгилер:
смартфон, пульсоксиметр, коронавирус, пневмония, Бермет Естебесова
Тема боюнча
Өпкө дарыгери пневмонияда керектелчү аппараттар тууралуу айтып берди
Улуттук банктын расмий өкүлү Аида Карабаева

Карабаева: мөөнөтү жылдырылган насыялар жалпы 74,5 млрд. сомду түздү

20
(жаңыланган 15:38 14.07.2020)
Улуттук банктын расмий өкүлү Аида Карабаева банк системасы туруктуу иш алып барып, насыялар берилип жатканын айтты.
Карабаева: мөөнөтү жылдырылган насыялар жалпы 74,5 млрд. сомду түздү

10-июлга карата жалпы суммасы 74,5 миллиард сомдук насыянын мөөнөтү жылдырылган. Учурда эпидемиялык абал жакшырбагандыктан насыя алуучулар жеңилдиктерди алуу үчүн банктарга кайрылса болот. Бул тууралуу Аида Карабаева Sputnik Кыргызстан радиосуна маек куруп жатып билдирди.

Анын айтымында, насыя берүү жыл башынан бери 1,2 пайызга жогорулаган.

Банктарга жана финансы уюмдарына жасалчу инспектордук текшерүү токтотулду.

"Кыргызстанда эпидемия экономикага кедергисин тийгизди. Мындан улам насыя алуучуларга жеңилдик берүү боюнча 18-мартта чечим кабыл алынган. Ага ылайык, насыяны өз убагында төлөй албай калгандарга туум, айыптар салынбайт. Ошондой эле үч айга чейин кредиттик каникул берүү сунушу берилген. Бирок белгиленген убакыт өттү. Ошого карабастан алган насыясын төлөй албагандардын төлөмүн жылдыруу багытында банктар менен иш алып барып жатабыз. 10-июлга карата статистика боюнча кредиттердин жалпы көлөмү 148 миллиард сомду түзсө, анын ичинен төлөө мөөнөтү жылдырылган кредиттердин жалпы көлөмү 74,5 миллиард сомго жетти. Булардын ичинен насыянын кээ бирине негизги суммасы, айрымдарына пайызы, дагы башкаларына экөө тең жылдырылып, ар бир жаранга индивидуалдуу мамиле жасалды", — деди Карабаева.

Ошондой эле ал насыя алуучуларга жеңилдиктер берилип жатканы менен аманаттардын дивиденддери төлөнө берерин кошумчалады.

20
Белгилер:
Аида Карабаева, жеңилдик, эпидемия, насыя, Улуттук банк
Тема боюнча
Беш айда Кыргызстандан чет жакка 163,7 млн. доллар которулду
Кызматкерлер таштандыны алып кетип жатышат. Архив

Күндүзгү стационар жана "Гансиден" чыккан таштанды кайда ыргытылат? ӨКМдин жообу

0
(жаңыланган 00:43 15.07.2020)
Социалдык тармак колдонуучулары стационарлардан, анын ичинде "Ганси" авиабазасынан чыккан медициналык таштандылар кайда ыргытыларына кызыгышкан.

БИШКЕК, 15-июл. — Sputnik. Бишкектеги күндүзгү стационар жана "Семетей" обсервациясынан (мурдагы "Ганси" авиабазасы) чыккан медициналык таштандыны жеке менчик компаниялардын бири чогултуп, ташып кетип жок кылат. Бул тууралуу ӨКМ маалымат кызматы кабарлады.

Буга чейин социалдык тармактын колдонуучулары стационарлардан, анын ичинде "Ганси" авиабазасынан чыккан медициналык таштанды кайда ыргытыларына кызыгышкан.

"Мындай иш-чаралар Республикалык штабдын тапшырмасы, Жугуштуу ооруларды алдын алуу департаменти, Санитардык жана эпидемиологиялык көзөмөл борборунун сунушу менен жүргүзүлүп жатат. "Семетей" обсервациясындагы медициналык таштандыларды чогултуу, алып кетүү жана кайра иштетүүдө санитардык-эпидемиологиялык талаптар аткарылууда", — деп айтылат маалыматта.

ӨКМ элди такталбаган маалыматты тараптоого чакырды.

0
Белгилер:
тазалоо, таштанды, ӨКМ, Кыргызстан
Тема боюнча
Бишкекте түнкү стационарлар бейтаптарды кабыл ала баштады. Сүрөт