Ала-Тоо 24 телеканалынын кабарчысы Айжан Омолдошева маек учурунда

Омолдошева: артымдагы бензовоз жарылып кетет деген ой болбоптур

279
(жаңыланган 19:10 06.11.2017)
Бишкектин Фучик көчөсүндө 1,5 жыл мурда бензовоз жарылган.
Омолдошева: артымдагы бензовоз жарылып кетет деген ой болбоптур

"Ала-Тоо 24" телеканалынын кабарчысы Айжан Омолдошева Sputnik Кыргызстан маалымат агенттиги менен болгон маекте иш үстүндө өзүн тобокелген салган учурлары тууралуу айтып берди.

"Эсиңиздерде болсо керек 1-2 жыл мурда борбордогу Фучик көчөсү тарапта бензовоз жарылган. Кырсык болгон жердин айланасы коопсуздук кызматкерлери тарабынан курчалыптыр. Журналисттерди тосуп киргизишкен жок. Биз андай кырдаалда сөзсүз жол таап кетишибиз керек. Карасам ӨКМдин жетекчиси келатыптыр, мурда иш менен тааныш болуп калгандыктан "мен сиз менен кошо кирем" деп ээрчип алдым. Сюжетибизге керектүү жерин тартып, курчалган жактан чыккандан кийин гана кооптондум. Ичимден артыбыздагы бензовоз жарылып кетсе эмне болот эле деп ойлодум. Андайда коркуу сезими да житип кетет экен," — дейт журналист.

Омолдошева ошондой эле иш үстүндөгү ар түрдүү окуялар журналистти такшалта тургандыгын кошумчалады.

"Ала-Тоо 24" телеканалынын кабарчысы Айжан Омолдошева менен болгон маекти Sputnik Кыргызстан маалымат агенттиги даярдаган материалдан окуңуздар>>

279
Белгилер:
журналист, Айжан Омолдошева
Тема боюнча
Жанжигит уулу: Тоңдун айылдарын кыдырып бир жума спектакль коебуз
Bio-KG органикалык кыймыл федерациясынын жетекчиси Искендербек Айдаралиев

Айдаралиев: экспорт менен ЕАЭБде атаандаштык жарата албайбыз

28
Bio-KG органикалык кыймыл федерациясынын жетекчиси Искендербек Айдаралиев өлкөдө өндүрүлгөн продукцияны экспорттоодо көлөм жагынан биримдикте атаандаштык жаратуу кыйын экендигин айтты.

Казакстан, Өзбекстан, Беларусь ЕАЭБ рыногуна ири көлөмдөгү продукция чыгарат. Мындай маалыматты Искендербек Айдаралиев Спутник Кыргызстан радиосунун эфиринде маек куруп жатып билдирди.

Айдаралиев: экспорт менен ЕАЭБде атаандаштык жарата албайбыз

Анын айтымында, ЕАЭБ өлкөлөрүндө кайра иштетүү жолго коюлуп, экономиканын өсүшүнө шарт түзүүдө.

"Өндүрүлгөн продукциянын көлөмү менен ЕАЭБ рыногунда атаандаштык жарата албайбыз. Анткени Казакстан, Өзбекстан, Беларустун экспорту арбын. Мындан тышкары, ал өлкөлөрдө кайра иштетүү жолго коюлуп, экономиканын өсүшүнө шарт түзүүдө. Биздеги жакшы мүмкүнчүлүктөрдүн бири — органикалык, экологиялык таза азык-түлүк, биз ушуну менен алдыга чыксак болот. Бул багытта маалыматтын жеткиликтүүлүгүн камсыз кылып, дыйкандарды окутууга көңүл бурушубуз керек. Чет өлкөлүк кардарлар аз көлөмдө сурабайт. Демек, таза азык-түлүктүн көлөмүнө басым жасоо зарыл. Ал үчүн бул тармактагы системаны өзгөртүү керек. Мисалы, жеке ишканаларды бириктирип, көлөмдү аныктай турган жолун караш керек. Ага байланыштуу "Органикалык аймак" деген долбоорду ишке ашырып жатабыз. Органикалык идеянын айланасында фермерлерди бириктирүүгө мүмкүн болду", — деди Айдаралиев.

Ошондой эле адис туура жер иштетүү боюнча окутууларды уюштуруп, жакшы жыйынтыкка жетсе болорун кошумчалады.

28
Белгилер:
айыл чарба продукциясы, органика
Тема боюнча
Кадыров: биогумус арыктаган жерди 10-15 жылда калыбына келтирет
Бишкек санитардык полигону муниципалдык ишканасынын директору Адил Назаров

Назаров: Бишкектин таштандысынан айына 30 млн. сом пайда тапса болот

68
(жаңыланган 13:00 14.06.2021)
"Бишкек санитардык полигону" муниципалдык ишканасынын директору Адил Назаров борбор калаадан күнүнө 300 тонна тамак-аштын калдыгы чыга турганын белгиледи.

Бишкек шаарынын таштандысынан айына 30 миллион сом киреше тапса болот. Бул тууралуу Адил Назаров Sputnik Кыргызстан радиосунда маек куруп жатып билдирди.

Назаров: Бишкектин таштандысынан айына 30 млн. сом пайда тапса болот

Анын айтымында, таштандыдан пайда табуу жолдору дүйнөдө эбак эле жолго салынган.

"Бишкек шаарынан күнүнө 300 тоннадан тамак-аш калдыгы чыгат. Өткөндө Кумтөргө барып келдим. Ал жакта бир тонна тамак-аш калдыгын кайра иштетип, эки суткада органикалык жер семирткич жасашат экен. Натыйжалуулугу жөнөкөй кыктан 3-4 эсе жогору болот. Учурда дүйнө жүзүндө органикалык жер-жемиш, жашылчаларга талап күч. Баасы дагы салыштырмалуу кыйла жогору. Өлкөдө кожогат (малина), кулпунай жакшы өсөт. Ыргытылган тамак-аш калдыктарын кайра иштетип, органикалык жер семирткич даярдалса, дыйкандардын пайдасы өсүп, экспортту көбөйтүүгө мүмкүндүк түзүлмөк. Андан тышкары, бул иш колго алынса полигондон метан чыгып күйбөй калат. Натыйжада экологияга тийгизген терс таасири азаят. Буга утурлай эле пластик, металл, кагазды иштетүү менен айына шаар бюджетине 30 миллион сомдой пайда келтирсе болот. Учурда мунун баарын ар кайсы компаниялар тоноп жатат", — деди Назаров.

Ал чырпыктарды, жалбырактарды полигонго таштабастан майдалап жерге табигый азык катары сээп койсо боло турганын кошумчалады.

68
Белгилер:
кайра иштетүү, полигон, таштанды
Тема боюнча
Бишкектин таштанды жайын рекультивациялоо иши кайра токтоп калды
ГКНБ выявил налаженную схему ввоза контрабандных автомашин из Абхазии

УКМК: Абхазиядан унааларды мыйзамсыз ташуу схемасы аныкталды

0
(жаңыланган 17:43 14.06.2021)
9-июнь күнү "Чалдыбар" өткөрүү пунктунан жүк ташуучу Volvo унаасы менен жүргүнчү ташыган сегиз автоунааны ташып келе жаткан Кыргызстандын И.Т.К. аттуу жараны кармалган.

БИШКЕК, 14-июн. — Sputnik. Кыргызстанга "Чалдыбар" көзөмөл өткөрүү пункту аркылуу Армениянын жасалма каттоо документтеринин негизинде Абхазиядан автоунааларды аткезчилик жол менен ташуу схемасы аныкталды. Бул тууралуу УКМКдан билдиришти.

  • ГКНБ выявил налаженную схему ввоза контрабандных автомашин из Абхазии
    Кыргызстанга "Чалдыбар" көзөмөл өткөрүү пункту аркылуу Армениянын жасалма каттоо документтеринин негизинде Абхазиядан автоунааларды аткезчилик жол менен ташуу схемасы аныкталды
    © Фото / пресс-служба ГКНБ
  • ГКНБ выявил налаженную схему ввоза контрабандных автомашин из Абхазии
    Маалыматка караганда, Кылмыш жана жоруктардын бирдиктүү реестрине катталган сотко чейинки өндүрүш ишинин алкагында Кылмыш-жаза кодексинин 223-беренесинин 2-бөлүгүндө ("Экономикалык контрабанда") каралган кылмыш белгилери боюнча иликтөө жүргүзүлгөн
    © Фото / пресс-служба ГКНБ
  • ГКНБ выявил налаженную схему ввоза контрабандных автомашин из Абхазии
    Жүк ташуучу унаа сегиз автоунаасы менен айып короого киргизилди
    © Фото / пресс-служба ГКНБ
  • ГКНБ выявил налаженную схему ввоза контрабандных автомашин из Абхазии
    Улуттук коопсуздук мамлекеттик комитети, ЕАЭБдеги Бажы кодексинин 264 жана 275-беренелерине ылайык, бажы жол-жобосун сактабастан Абхазиядан алып келинген автоунаалардын иштөөсү мыйзамсыз экендигин эске салат.
    © Фото / пресс-служба ГКНБ
1 / 4
© Фото / пресс-служба ГКНБ
Кыргызстанга "Чалдыбар" көзөмөл өткөрүү пункту аркылуу Армениянын жасалма каттоо документтеринин негизинде Абхазиядан автоунааларды аткезчилик жол менен ташуу схемасы аныкталды

Маалыматка караганда, Кылмыш жана жоруктардын бирдиктүү реестрине катталган сотко чейинки өндүрүш ишинин алкагында Кылмыш-жаза кодексинин 223-беренесинин 2-бөлүгүндө ("Экономикалык контрабанда") каралган кылмыш белгилери боюнча иликтөө жүргүзүлгөн.

"9-июнь күнү "Чалдыбар" өткөрүү пунктунан жүк ташуучу Volvo унаасы менен жүргүнчү ташыган сегиз автоунааны ташып келе жаткан Кыргызстандын И.Т.К. аттуу жараны кармалды", — деп айтылат маалыматта.

Ошол эле автоунааларды текшерүүдө төмөнкүлөр табылган:

  • Абхазиянын мамлекеттик автоунаа номерлеринин 8 документи;
  • Абхазиянын автоунааларын каттоонун 8 күбөлүгү;
  • Армениянын мамлекеттик каттоо белгилеринин 10 жасалма документи;
  • Армениянын автоунааларын каттоонун 10 жасалма күбөлүгү;
  • Кыргызстандын Чек ара кызматынын мамлекеттик жасалма бир номери.

Жүк ташуучу унаа сегиз автоунаасы менен айып короого киргизилди.

Улуттук коопсуздук мамлекеттик комитети, ЕАЭБдеги Бажы кодексинин 264 жана 275-беренелерине ылайык, бажы жол-жобосун сактабастан Абхазиядан алып келинген автоунаалардын иштөөсү мыйзамсыз экендигин эске салат.

Унааны ЕАЭБ аймагына ташып келүүдө бир жылга берилген убактылуу бажы декларациясын толтуруу керек. Андан кийин бул унаа ЕАЭБдин аймагынан чыгып кетиши керек же бажы жол-жобосунан өтүшү керек.

0
Белгилер:
мыйзам, Евразиялык экономикалык биримдик, бажы, Абхазия, УКМК, Кыргызстан
Тема боюнча
Бишкекте Абхазиянын номери тагылган автоунаалар кармалууда
Министрлик: Абхазиянын номери тагылган унааларды мамлекет алып коюшу мүмкүн