Курманбеков: аз камсыз болгон үй-бүлөлөргө 1,5 тоннадан көмүр таркатылды
Аз камсыз болгон үй-бүлөлөргө 1,5 тоннадан көмүр таркатылды. Бул тууралуу Нурбек Курманбеков Sputnik Кыргызстан радиосуна маек куруп жатып билдирди.
Анын айтымында, жардам катары таркатылган көмүрлөр эленген эмес. Андыктан сапаты базардагыдай болбой калышы мүмкүн.
"Быйыл 4346 аз камсыз болгон үй-бүлө аныкталган. Талап боюнча ар бирине 1,5 тоннадан көмүр берилет. Мындан сырткары, "Зеленстрой" ишканасы тарабынан 936 үй-бүлөгө 1,5 кубдан отун таркатылып берилди. Буюрса, кышка даярдык жакшы", — деди Курманбеков.
Ал аз камсыз болгон үй-бүлөлөрдүн 90 пайызга жакыны көмүрдү алып бүткөндүгүн кошумчалады.
