Кыргызстан фракциясынын депутаты Алмаз Эргешовдун архивдик сүрөтү

Эргешов: Аксыга 10 миңдей электр мамыча керек болуп жатат

154
(жаңыланган 19:50 20.01.2018)
"Кыргызстан" фракциясынын депутаты Алмаз Эргешов өкмөт араң гана 100гө чукул мамыча бөлгөнүн айтты
Эргешов: Аксыга 10 миңдей электр мамыча керек болуп жатат

Аксыга 10 миңдей электр мамычасы керек болуп жатат. Бул тууралуу депутат Алмаз Эргешов парламентте сүйлөп жатып билдирди.

Анын айтымында, электр мамычалардан сырткары 80ге чукул көмөк чордон орнотуу керек.

"Мага Аксынын Мундуз айылынын тургундарынан кат келди. 120 электр мамычалары зарыл керектигин айтышууда. Жалпы жонунан Аксыдагы Кызыл-Туу айыл өкмөтүнө 1510, Авлетим айыл өкмөтүнө 1435, Кара-Суу айыл өкмөтүнө 1211, Жаңы-Жол айыл өкмөтүнө 2014, Жерге-Тал айыл өкмөтүнө 225 электр мамычасы керек. Такыр эле алмаштырбай жатат дегенден алысмын. 2016-жылы 60, 2017-жылы 120 гана мамыча бөлүнгөн. 10 миңдй мамыча керек болуп жатса араң гана 100гө чукул мамыча бөлүнүп жатат", — деди депутат.

Эргешов маселени чечүү үчүн грант алуу жолдорун да кароо керектигин кошумчалады.

154
Белгилер:
Алмаз Эргешов, Аксы
Тема боюнча
Эргешов: Аксыда 100 орундуу бала бакчада 430 окуучу үч смен менен окуп жатат
Бишкек троллейбус башкармалыгы ишканасынын жетекчиси Талантбек Капаров

Капаров: бир троллейбусту толук ремонттон өткөрүүгө 150 миң сомдой керек

55
(жаңыланган 12:18 18.01.2021)
"Бишкек троллейбус башкармалыгы" ишканасынын жетекчиси Талантбек Капаров мекемеде эскилиги жеткен 27 троллейбус бар экенин айтты.
Капаров: бир троллейбусту толук ремонттон өткөрүүгө 150 миң сомдой керек

2020-жылы пандемия убагында 19 миллион жүргүнчү ташыдык. Бул 2019-жылга салыштырмалуу 10 миллион кишиге аз. Бул тууралуу Талантбек Капаров Sputnik Кыргызстан радиосунун эфиринде маек куруп жатып билдирди.

Анын айтымында, троллейбус айдоочуларынын айлык акысы 12-20 миң сомго жетет.

"Бишкек троллейбус башкармалыгында 183 троллейбус бар. 120 транспорт 11 маршрут боюнча линияга чыгып, каттамдарды тейлейт. Жалпы жамаатта 700дөй кызматкер иштейт. Ишканага 2013-жылы 79 жаңы троллейбус, 2018-жылы дагы 52си алынган. Ал эми 1989-1990-жылдары чыгарылган жалпы 27 троллейбустун эскилиги жеткендиги тууралуу мэрияга айтылды. 2020-жылдын башынан тарта "Тулпар" көзөмөл кызматы менен иштеше баштадык. Шаар тургундары электрондук билетке толугу менен өтсө жүргүнчүлөрдүн саны, бюджетке түшкөн каражат боюнча ачык-айкындуулук болот эле", — деди Капаров.

Жетекчи ошондой эле бир троллейбусту капиталдык ремонттон өткөрүүгө болжол менен 150 миң сом талап кылынарын кошумчалады.

55
Белгилер:
маршрутка, троллейбус, транспорт
Тема боюнча
"Бишкек троллейбус башкармалыгы" ишканасына жаңы жетекчи дайындалды
КР УИАнын корреспондент-мүчөсү, филология илимдеринин доктору, профессор Сыртбай Мусаев

Мусаев: учурунда Айша Карасаевага Аалы Токомбаев дагы ашык болгон

104
(жаңыланган 12:28 18.01.2021)
КР УИАнын корреспондент-мүчөсү, филология илимдеринин доктору, профессор Сыртбай Мусаев окумуштуу Кусеин Карасаевдин жанында жүрүп, кеп-кеңештерин көп жолу алганын айтты.
Мусаев: учурунда Айша Карасаевага Аалы Токомбаев дагы ашык болгон

Айша Карасаевага өз кезегинде айтылуу жазуучу Аалы Токомбаев дагы ашык болгон, бирок нике кайып буюруп Кусеин Карасаевге турмушка чыгып калган. Бул тууралуу Сыртбай Мусаев Sputnik Кыргызстан радиосунун "Туяк" программасында маек куруп жатып билдирди.

Анын айтымында, Карасаев жашоодон көп запкы тартып калгандыктан сөзгө, кепке абдан сак эле.

"Кусеин Карасаев менен ата-баладай болуп жүрүп, ал кишинин үйүндө көп жолу конокто болдум. Сөздүн гүлүн терип, макалдатып сүйлөгөн чечен киши болчу. Башкалардан дагы ушуну талап кылчу. Ал киши менен баарлашып отурганда жан дүйнөңдө сергүү, тазаруу пайда болор эле. Конокко барганда жубайы Айша апа дароо дасторконун жая салчу. Айша Карасаева кыргыздын мыкты кыздарынын бири эле. Алгачкы "Чүмбөттүү араба" деген тасмага тартылган актриса. Экөөнүн курагында айырмачылык 10 жаш болчу. Аны белгилүү жазуучубуз Аалы Токомбаев дагы жакшы көргөн экен. Экөө Айша апаны талашып, нике кайып буюруп Кусеин Карасаевге турмушка чыгып калган", — деди Мусаев.

Профессор жубайлар үч кызга таалим-тарбия берип өстүргөнүн кошумчалады.

104
Белгилер:
жубайлар, Окумуштуулар
Тема боюнча
Жолдошунун алмаштыргыс редактору болгон. Айша Карасаева жөнүндө 6 факты
Кайгуул милициянын автоунаасы. Архив

Маршрутка көйгөйү: Милиция аялдамадагы аялдарды, балдарды үйүнө ташыды. Видео

192
(жаңыланган 00:03 19.01.2021)
Милиционерлер маршрутка маселесинен улам аялдамаларда калган бишкектиктерге жардам берип, үйлөрүнө жеткирип жатышты.

БИШКЕК, 19-янв. — Sputnik. Бишкектеги Кайгуул милиция кызматы бүгүн маршрутка көйгөйүнөн улам аялдамаларда калган бишкектиктерди үйлөрүнө жеткирүүдө. Бул туурасында шаардык милициянын маалымат кызматынан кабарлашты.

Кечкурун милиционерлер балдарга, аялдарга жана улгайган адамдарга өз жардамын сунуштап жатканы айтылды. Бул багытта аталган кызматтын атайын автоунаалары иштеген.

Посмотреть эту публикацию в Instagram

Публикация от Пресс-служба ГУВД г.Бишкек (@guvd_bishkek)

Милициядан аялдамаларда топтолгон кишилер аз, шаар ичи тынч деп билдиришти.

Посмотреть эту публикацию в Instagram

Публикация от Пресс-служба ГУВД г.Бишкек (@guvd_bishkek)

Бүгүн, 18-январда, айрым маршрутка айдоочулары жумушка чыкпай коюшкан. Алар жол кире акысын жогорулатууну талап кылышууда. Себеби жол кире 2012-жылдан бери көтөрүлө элек. Учурда маршрутканын баасы күндүз 10, ал эми кечинде 12 сом.

Эртең менен Бишкек шаарынын мэринин милдетин аткарып жаткан Балбак Түлөбаев каттамга чыкпай койгон маршруткалардын лицензиясы алынып, башкага берилерин эскерткен.

Мэриядан бүгүн калаадагы 1350 микроавтобустардын 400-450сү ишке чыкты деген маалымат берген. Шаардык транспорт башкармалыгынан маршруттук каттамдардын 90 пайызы кадимки калыбында иштеп жатат дешкен. Ал эми кечкурун аялдамаларда эл топтоло баштап, коомдук транспортту күткөндөр көбөйгөндө Мэриянын шаардык транспорт башкармалыгынын жетекчисинин милдетин аткарып жаткан Улан Бейшенбаев маршрутка боюнча кырдаал турукташкандыгын, ал эми жогорудагы көрүнүш автотыгын менен байланыштуу болушу мүмкүн деген жообун айткан.

192
Белгилер:
жардам, милиция, маршрутка, Бишкек, Кыргызстан
Тема боюнча
Каттамга чыкпай койгон маршруткалар. Шаардагы абалды көрсөткөн видео