Куудул, тамада Борончу Кудайбергеновдун архивдик сүрөтү

Кудайбергенов: окшош тойлордон эл тажады

287
(жаңыланган 19:19 02.04.2018)
Куудул, тамада Борончу Кудайбергенов ичкиликсиз тойлор тынч өтөрүн айтты.
Кудайбергенов: окшош тойлордон эл тажады

Окшош тойлордон эл тажады. Бул тууралуу Борончу Кудайбергенов Sputnik Кыргызстан радиосуна маек куруп жатып билдирди.

Анын айтымында, жада калса келген коноктордун каалоо-тилеги да бири-бирине окшош. Баш кошуп жаткан эки жаш "алдыңды бала, аркаңды мал бассын" деген сөздү 20 жолу угат.

"Азыр тойлордун баары эле окшош. Өзгөчө өткөн тойлор өтө аз санда. Жакшылыкка негизи бата берүү үчүн келишет. Бирок, батаны да үйдөн жакшылап даярданып келип бериш керек. Мындан сырткары, үнү бары деле, жогу деле чыгып алып кыйкырып ырдай берет. Тойдо отургандар болсо аны мен чыгарып койгонсуп жаман көрүшөт. Той ээлери да атайын алыстан келди эле деп микрофон берип коюшат", — деди тамада.

Ал тойдо чет элдин каада-салтын туурабастан, кыргыздын салт-санаасын жандандыруу керектигин кошумчалады.

287
Белгилер:
тамада, салт, жаш балдар, той
Тема боюнча
Өзбекстан: той-аштарды жана чакырылган коноктордун санын азайтуу сунушталды
Ормон уулу: тойго барган да, той ээси да стресс болуп жатат