Кино жана театр артисти Марат Жантелиев

Жантелиев: балдарым артист болгусу келбейт

177
(жаңыланган 17:58 22.05.2018)
Кино жана театр артисти Марат Жантелиев балдарынын актердук таланты жок экенин айтты.
Жантелиев: балдарым артист болгусу келбейт

Балдарым артист болгусу келбейт. Болоюн десе деле талант жок. Бул тууралуу Марат Жантелиев Sputnik Кыргызстан радиосуна өзүнүн өмүр чыгармачылыгы тууралуу маек куруп жатып билдирди.

Анын айтымында, кызы бий менен алектенип жүрөт, бирок кино дүйнөсүнө анчейин кызыга бербейт.

"Уулум айылда чоңоюп калды. Кийин шаарга биздин колубузга келгенде деле артист болууга такыр кызыккан жок. Бир жолу "спектакль эле дейсиз, көрөйүнчү" деп театрга келиптир. Көрүп алып ошондон тартып айрым учурларда достору менен келип калат, бирок сахна тууралуу такыр кыялданбайт ", — деди Жантелиев.

Ал ошондой эле өзү да бир үйгө бир эле артист жетет деген пикирде экенин кошумчалады.

177
Белгилер:
кино, театр, Марат Жантелиев
Тема боюнча
Марат Жантелиев: "Ош" базарды аралап жарма саткан күндөр болгон
Саламаттык сактоо министрлигинин штаттан тышкаркы башкы пульмонологу Талант Сооронбаев. Архив

Сооронбаев: сасык тумоо менен коронавирусту айырмалоо өтө кыйын экен

232
(жаңыланган 15:32 30.11.2020)
Саламаттык сактоо министрлигинин штаттан тышкаркы башкы пульмонологу Талант Сооронбаев коронавирусту дарылоонун 5-протоколунда бейтаптардын 80 пайызын үй шартында дарылоого көңүл бурула турганын айтты.
Сооронбаев: сасык тумоо менен коронавирусту айырмалоо өтө кыйын экен

Коронавирусту дарылоонун 5-протоколу 4-протоколдон анча деле айырмаланбайт. Үй-бүлөлүк дарыгерлердин өзүнчө тобун түзүп, үй шартында дарыланууга көңүл бурулат. Андан тышкары, коронавирус менен ооруп айыккан адамдарга кам көрүү жана өз калыбына келтирүүгө да басым жасалат. Бул тууралуу Талант Сооронбаев Sputnik Кыргызстан радиосунун эфиринде маек куруп жатып билдирди.

Анын айтымында, бир адамда эки вирус болгон учурда бейтап бир топ эле кыйналат.

"Саламаттык сактоо министрлиги мурдатан бери эле реабилитация тармагын колго алган. Бизде эл аралык деңгээлдеги күчтүү калыбына келтирүүчү топ бар. Мына ушул тажрыйбаны колдонуп министирликтин алдындагы мультидисциплинардык реабилитация группасын түздүк. Андан тышкары, сасык тумоо менен коронавирус бир учурга дал келип калганда дарылануу жолдору каралды. Бул боюнча биз анализ жүргүздүк. Грипп менен коронавирустун айырмасы болбойт экен. Клиникалык белгилери, рентген жана компьютердик томографияга тарткан учурда өпкөдөгү өзгөрүүлөр, оорунун өтүшү жана өнүгүшү абдан окшош чыкты. Муну эң тажрыйбалуу дарыгер деле айырмалай алчудай эмес. Ошондуктан сасык тумоого кабылган же жөтөлүп, дене табы көтөрүлүп башка вирустук инфекция менен ооруп калган адамдарды да коронавирус болушу мүмкүн деп мамиле жасай турган болдук. Алар COVID-19 менен ооруп калгандай эле обочолонушу керек болот. Андыктан грипп менен коронавирустун айырмасын табабыз деп убара болбой, 5-протоколго киргизилген бир ыкма менен дарылап, көзөмөлгө алабыз", — деди Сооронбаев.

Дарыгер 5-протоколго коронавирус менен ооруп калган боюнда бар аялдарды, балдарды, өнөкөт оорулары бар адамдарды кароо жана дарылоо ыкмалары киргизилгенин да кошумчалады.

232
Белгилер:
дезинфекция, пневмония, коронавирус, Талант Сооронбаев
Тема боюнча
Пульмонолог: дарыгер айтмайынча компьютердик томография, рентгенге барбагыла!
Министрлик: коронавирусту дарылоонун 5-протоколу даярдалууда
Маданият, маалымат жана туризм министрлигинин Маданий мурастарды сактоо жана өнүктүрүү башкармалыгынын башкы адиси Чынарбек Жолдошев

Жолдошев: Таласта тарыхый жай көрүстөнгө айланып кетиптир

34
Маданият, маалымат жана туризм министрлигинин Маданий мурастарды сактоо жана өнүктүрүү башкармалыгынын башкы адиси Чынарбек Жолдошев республика аймагында тагдыры чечиле элек тарыхый жайлар көп экендигин айтты.
Жолдошев: Таласта тарыхый жай көрүстөнгө айланып кетиптир

Талас облусунда тарыхый жай көрүстөнгө айланып бара жатат. Бул тууралуу Чынарбек Жолдошев Sputnik Кыргызстан радиосунун эфиринде сүйлөп жатып билдирди.

Анын айтымында, аталган министрлик октябрь айында атайын бир жумалык экспедиция менен тарыхый жайларды кыдырган. Анда алыскы аймактарда жайгашып, мурда анчейин көңүл бурулбаган жерлерге басым жасалган.

"Бир жумага созулган экспедициябызда республиканын алыскы, тоолуу аймактарында жайгашып, изилдөө иштери жүрө элек тарыхый жайларды көрүп келдик. Анын алкагында Талас облусунун Бакай-Ата районундагы Ак-Дөбө тарыхый эстелиги бөтөнчө көңүлүбүздү бурду. Анткени бул жерде биздин замандын VI –XIV кылымдарына таандык байыркы Талас шаарынын калдыктары жаткан 30 гектардай жер табылды. Тилекке каршы, анын бир гектардайы көрүстөнгө айланып, тургундар жергиликтүү бийликтин тыюу салганына карабай мүрзө катары колдонуп жатышыптыр", — деди Жолдошев.

Тарыхчы Ак-Дөбө тарыхый баалуу жайы боюнча тиешелүү иштер жүргүзүлүп, келечекте ачык асман алдындагы музейге айландыруу аракети көрүлөрүн кошумчалады.

34
Белгилер:
көрүстөн, тарых, Талас
Тема боюнча
Жолдошев: өлкөдө алгачкы жолу "музей таануучу" адистиги ачылды
Жолдошев: Кыргызстанда азырынча 583 археологиялык аймак бар экени белгилүү
Футзал оюнчулары. Архив

Бүгүн футзал боюнча Кыргызстандын кубогунун жеңүүчүсү аныкталат

0
Мелдештин финалында "Ал Халал" менен "Мурас" командалары беттешет. Оюн Бишкектеги "Алай Мурдаш" спорттук жайында өтөт.

БИШКЕК, 1-дек. — Sputnik. Бүгүн, 1-декабрда, футзал боюнча "Кыргызстандын кубогу – 2020" мелдешинин жеңүүчүсү аныкталат. Бул тууралуу аталган спорттук ассоциациянын маалымат кызматы билдирди.

Мелдештин финалында Бишкектин "Ал Халал" менен Ысык-Көлдүн "Мурас" командалары беттешет. Оюн Бишкектеги "Алай Мурдаш" спорттук жайында саат 12:00дө башталат.

Жарым финалда болсо "Ал Халал" "Бакубат Талас" командасын 7:3 эсебинде утуп, "Мурас" Оштун "ЕРЕМ" клубун 2:1 эсебинде жеңген.

Бул мелдеште өткөн жылы Бишкектин "Алга Дордой" клубу алдыга чыккан. "Дордойлуктар" финалда Бишкектин "Строй-Мир" командасын 3:1 эсебинде жеңип алган.

0
Белгилер:
финал, футзал
Тема боюнча
АФК-2021 мелдешинин форматы жана өтө турган күнү бекиди