Биздин лицейде бюджеттик орундар үч күндүн ичинде толот. Жылына 360 окуучу кабыл алынат. Бул тууралуу Саадат Жаманкулова Sputnik Кыргызстан радиосунун таңкы эфиринде кесиптик окуу жайлар тууралуу маек куруп жатып билдирди.
"№10 кесиптик лицейинин тарыхы терең, окуу базасы мыкты. Жаңы курулган төрт лабораториябыз бар. Ашпозчулук менен кондитер адистигине окууну каалап келгендердин саны арбын болот. Өзгөчө бюджеттик орундарга 1-июлдан баштап 2-3 күн эле сынак алып жетишебиз, бат эле толуп калат. Окуу мөөнөтүбүз 9 ай жана 3 ай практикадан өтүшөт. Бүтүрүп чыккан соң КМШ мамлекеттеринде жарай турган дипломдун ээси болушат. Ал эми келишимдик негизде окууну каалагандар үчүн акысы 17 000 сомду түзөт", — деди Жаманкулова.
Ал ошондой эле каалоочулар үчүн кыска мөөнөттүк курстар да бар экенин кошумчалады.
