Айыл чарба министрлигинин Химиялаштыруу жана өсүмдүктөрдү коргоо департаментинин бөлүм башчысы Алмаз Алакунов

Алакунов: жерди каптаган чегиртке дыйкандарга зыян келтирген жок

66
(жаңыланган 15:49 05.07.2018)
Айыл чарба министрлигинин Химиялаштыруу жана өсүмдүктөрдү коргоо департаментинин бөлүм башчысы Алмаз Алакунов 126 миң гектардын ичине жайыттар да кирерин айтты.
Алакунов: жерди каптаган чегиртке дыйкандарга зыян келтирген жок

Бүгүнкү күндө республика боюнча жалпы 126 миң гектардан ашык жерди чегиртке басты. Бул тууралуу Алмаз Алакунов Sputnik Кыргызстан радиосунун таңкы эфиринде маек куруп жатып билдирди.

Анын айтымында, зыянкеч чегирткелер каптаган жердин 121 миң гектары дарылоо иштеринен өтүп бүттү.

"Мындай көрүнүшкө биз даярданганбыз. Анткени чегирткелердин каптоосу 8-10 жылда бир кайталанып турат. Мындан 10 жыл мурда 2008-жылы да чегиртке каптаган. Учурда 126 миң гектардын 95 пайыздан ашык жерине дарылоо иштери жүргүзүлүп бүттү. Биз даяр болгондуктан, химиялаштыруу иштери ыкчам болду", — деди Алакунов.

Ал чегирткелердин айдоо аянттарына жайылуусу дыйкандарга зыян алып келбегенин кошумчалады.

66
Белгилер:
чегиртке, дыйкан, айдоо, аянт, айыл чарба
Тема боюнча
Нарындыктар айдоо жерин каптаган чегиртке менен алпурушуусун улантып жатат
Мамлекеттик каттоо кызматына караштуу Архив агенттигинин бөлүм башчысы Ашырали Ырысалиев

Ырысалиев: Кыргызстанда архивист билимин алган 12 гана адис бар

15
Мамлекеттик каттоо кызматына караштуу Архив агенттигинин бөлүм башчысы Ашырали Ырысалиев Мамлекеттик архив агенттиги Россияга билимин тереңдетип келүүгө адистерди жиберүү боюнча макулдашуулар жүрүп жатканын айтты.

Өлкөдө 65 мамлекеттик, 3000ден ашуун ведомстволук архивдер болсо, анда иштеген адистердин 12синин гана тиешелүү багытта диплому бар. Бул тууралуу Ашырали Ырысалиев Sputnik Кыргызстан радиосуна маек куруп жатып билдирди.

Ырысалиев: Кыргызстанда архивист билимин алган 12 гана адис бар

Анын айтымында, Архив агенттигинин өзүндө эле республика боюнча 500дөй кызматкер эмгектенет.

"Архив агенттигиндеги башкы көйгөйлөрдүн бири — кадр маселеси. Учурда архивист деген дипломдун ээси, башкача айтканда, мамлекеттик иш кагаздарын жүргүзүү жана сактоо боюнча атайын билими бар 12 гана кызматкерибиз иштейт. Алар мындан бир топ жыл мурда Кусеин Карасаев атындагы БГУда ачылган архивист факультетинен билим алгандар. Тилекке каршы, бул окуу бөлүмү 4-5 жылдан кийин жабылып калган. Азыр республикадагы бир дагы окуу жай бул кесипке адис даярдабайт. Андыктан биз башка мамлекеттер менен келишим түзүп, адистерибизди кыска мөөнөттүү же квалификациясын жогорулатуу боюнча окууларга жиберүүгө аргасызбыз. Бул маселе боюнча Түркия жана Россия менен тыгыз иштешүү алдында турабыз. Россияга аспирантурадан билимин тереңдетип келүү үчүн бизде иштеп жаткан ошол дипломдуу 12 адисти жиберүү боюнча макулдашылды", — деди Ырысалиев.

Адис эл аралык же жеке менчик багыттагы компаниялар да архив кызматкерин жумушка алуу боюнча кайрылуу жолдошорун, бирок бул багытта кадрдык резерв жок экендигин кошумчалады.

15
Белгилер:
көйгөй, кадрлар, архив
Тема боюнча
"Ак кемеде" жашаган Бала. Тасмадагы таберик сүрөт
Саламаттык сактоо министри Алымкадыр Бейшеналиев

Бейшеналиев: тармакты реформалоо медиктерди жумушсуз калтырбайт

26
Саламаттык сактоо министри Алымкадыр Бейшеналиев медициналык кызмат көрсөтүүлөрдү оптималдаштыруу боюнча иш баштаганынын себебин айтты.

Үй-бүлөлүк дарыгерлер тобун, стоматологиялык клиникаларды аймактык ооруканаларга кошуу, саламаттык сактоо уюмдарын бириктирүү жолу менен кайра уюштуруу эч бир дарыгерди жумушсуз калтырбайт. Бул тууралуу Алымкадыр Бейшеналиев Sputnik Кыргызстан радиосунун эфиринде маек куруп жатып билдирди.

Бейшеналиев: тармакты реформалоо медиктерди жумушсуз калтырбайт

Анын айтымында, кыскартуу административдик-башкаруу курамына гана таасирин тийгизет.

"Изилдөөнүн натыйжасында республиканын дээрлик бардык аймактык ооруканалары жана үй-бүлөлүк медицина борборлору бир эле аймакта жайгашкандыгы, функциялардын кайталанышы, лабораториялык жана диагностикалык жабдуулардын толук колдонулбаганы аныкталды. Азыркы учурда өлкөдө 380ге жакын дарыгер башчылары бар. Бир эле кичинекей аймакта 12 дарыгерлер жетекчиси, алардын 24 орун басары иштейт. Ошолордун бардыгы бир эле аймакта болуп бири-бири менен байланыш болбой калган. Анализдеп келсек баягы коронавирус пандемиясынын биринчи толкунунда бул система начар натыйжа берген. Азыр 356 медициналык уюмдардын 125и, 51 санэпидстанциянын 23ү калды. Ошентип кыскаруунун натыйжасында бир миллиард сом үнөмдөп, каражат саламаттыкты сактоо тутумунун актуалдуу көйгөйлөрүнө жумшалат", — деди Бейшеналиев.

Министр үй-бүлөлүк дарыгерлер борборлорун өнүктүрүү үчүн Бүткүл дүйнөлүк банктын өкүлдөрү менен сүйлөшкөнүн, алар 37 миллион доллар бөлгөнүн жана жакын арада дагы 13 миллион доллар берилерин кошумчалады.

26
Белгилер:
министр, кыскартуу, медицина, Алымкадыр Бейшеналиев
Тема боюнча
КРде медициналык мекемелерди кайра түзүү боюнча реформа башталды
Медициналык кызматкерлер коронавирустан каза тапкан киши менен. Архив

ДССУ: апта ичинде COVID илдетинен өлгөндөр боюнча рекорд жаңыланды

0
(жаңыланган 13:19 20.01.2021)
ДССУнун маалыматына ылайык, адам өлүмү боюнча жогорку көрсөткүч алты топтогу мамлекеттерде байкалган. Өткөн жумада илдетке чалдыккандар 4,7 миллионго жетти.

БИШКЕК, 20-янв. — Sputnik. Дүйнөлүк саламаттык сактоо уюму өткөн аптада коронавирустан каза болгондордун рекорддук көрсөткүчүн каттаган. 11-январдан 17сине чейинки аралыкта дүйнө жүзү боюнча 93,3 миң киши COVID-19 илдетинен көз жумган. Ага чейин 86,4 адам каза болгон көрсөткүч эки апта мурда катталган.

Эсептөөлөргө ылайык, бул мезгил аралыгында адам өлүмү көп катталган учур алты топтогу өлкөлөрдө байкалган. АКШда (өзүнчө бир топ катары саналат) 43,8 миң, Европада 37,7 миң, Африкада 5 миң жана Түштүк-Чыгыш Азияда 3,4 миң өлүм болгон. Көз жумгандар ошондой эле Чыгыш Жер ортолук деңизинде жана Батыш Тынч океанында да көбөйгөн.

Өткөн жумада илдетке чалдыккандар 4,7 миллионго жетти. Ал эми оорудан көз жумгандар жалпысынан эки миллиондон ашкан деп саналууда.

0
Белгилер:
рекорд, адам, өлүм, коронавирус, Дүйнөлүк саламаттыкты сактоо уюму
Тема боюнча
Бишкекте эки киши каза таап, 162 адам коронавирус жуктурду. Акыркы маалымат
ДССУ: пандемия токтобойт жана вирус жок болуп кетпейт