Саматов: айыл чарба тармагы тамчылатып сугаруу системасына өтүшү керек
(жаңыланган 14:00 06.07.2018)
Айыл чарба инженери, техника илимдеринин кандидаты Манас Саматов жер иштетүү тармагына бир топ өзгөртүүлөрдү киргизүү керектигин айтты.Саматов: айыл чарба тармагы тамчылатып сугаруу системасына өтүшү керек
Айыл чарба тармагы толук кандуу тамчылатып сугаруу системасына өтүшү керек. Бул тууралуу Манас Саматов Sputnik Кыргызстан радиосунун таңкы эфиринде маек куруп жатып билдирди.
Анын айтымында, аталган системаны пайдалануу менен суу бир топ үнөмдөлөт.
"Жер иштетүүдө көптөгөн каталарды кетирип келебиз. Көпчүлүк учурда бак тигип, анын астына жер айдап, картошка тигип салабыз. Мындай кылуу таптакыр туура эмес. Бак тиккенден киийн анын жанына бактан башка эч нерсе өстүрбөш керек. Анткени жердеги азыктын баары бир гана бакка бөлүнүшү шарт. Жада калса отоо чөп баспаш керек. Дагы бир көйгөй — тамчылатып суугаруу системасына өтпөй жатканыбыз. Эгер бул системаны толук өздөштүрүп алсак суу бир топ үнөмдөлмөк", — деди Саматов.
Ал дыйкандардын ысык жакта өстүрүлгөн мөмө-жемиштерди салкын аймакта өспөйт дегени туура эмес түшүнүк экенин кошумчалады.
Бейшекеев: өлкөдө жыл башынан бери 828 өрт кырсыгы катталды
(жаңыланган 13:07 04.06.2020)
Өрт өчүрүү жана алдын алуу башкармалыгынын башчысынын орун басары майор Азиз Бейшекеев үстүбүздөгү жылдын беш айында катталган өрт кырсыктарынын саны былтыркыга салыштырмалуу 30,6 пайызга азайганын айтты.Бейшекеев: өлкөдө жыл башынан бери 828 өрт кырсыгы катталды
Өлкө ичинде жыл башынан бери 828 өрт кырсыгы катталды. Бул тууралуу Азиз Бейшекеев Sputnik Кыргызстан радиосуна маек куруп жатып билдирди.
Анын айтымында, былтыр 2019-жылдын январь айынан май айына чейин республика боюнча 1193 өрт кырсыгы болгон.
"Быйыл өрт кырсыктарынын басымдуу бөлүгү Ош жана Чүй облустары менен Бишкек шаарында катталды. Башкы себептери — электр шаймандарынын бузулушу, аны туура эмес колдонуу, от жакчу мештерди туура эмес эксплуатациялоо жана отко этиятсыз мамиле кылуу. Бирок былтыркыга салыштырмалуу 30,6 пайызга кыскарды. Тактап айтканда, быйыл жыл башынан бери 828 учур болсо, былтыр беш ай аралыгында 1193 өрт кырсыгы катталган. Мындай статистика өрт өчүрүүчүлөр үчүн көңүл кубантарлык көрүнүш жана чоң жетишкендик. Эми азыркы тапта жай келип, күн да катуу ысый баштады. Бул мезгилде ачык аянттарда өрт чыгуу тобокелчилиги жогору болот. Мындан улам бардык жарандарды ачык аянттардагы чөптөрдү байма-бай сугарууга жана өрт коопсуздугун сактоого чакырам. Ошондой эле ар бир үйдө өрт өчүрүүчү зарыл каражаттар — суу менен кумдун топтому жана жазы кездеме болушу талапка ылайык", — деди Бейшекеев.
Ал ошондой эле бардык коомдук жайларда өрт коопсуздугу боюнча түшүндүрүү иштери жүрүп жатканын кошумчалады.
Белгилер:
Жумабеков: эгемендүү өлкө парламентинин 17-төрагасымын
(жаңыланган 12:12 04.06.2020)
Жогорку Кеңештин төрагасы Дастан Жумабеков 4-июнь парламентаризм күнү менен жалпы депутаттарды куттуктады.Жумабеков: эгемендүү өлкө парламентинин 17-төрагасымын
Кыргызстан эгемендүүлүк алгандан берки пралменттин 17-төрагасымын. Бул тууралуу Дастан Жумабеков Sputnik Кыргызстан радиосуна маек куруп жатып билдирди.
Анын айтымында, төрагалык кызматка 2017-жылы көпчүлүк добушка ээ болуп келген.
"Эгемендүү Кыргызстанда Жогорку Кеңештин VI чакырылышы иштеп жатат. Ушул алты чакырылышта жалпысынан 17 төрага эмгектендик. Алардын ар бирин сыйлайм. Мага чейинки төрагалар да өз милдетин аткарышкан деп ойлойм. Жогорку Кеңештин соңку эки чакырылышы парламенттик-президенттик башкаруу доорунда кызмат өтөөдө. Бул абдан чоң жоопкерчилик. Биздин эл парламенттик башкарууну тандап алган соң, демек аны андан ары карай өнүктүрүшүбүз керек", — деди Жумабеков.
Ал жүздөгөн жылдар тарыхы бар парламенттик өлкөлөргө азырынча Кыргызстанды салыштырып болбостугун, бирок 10 жыл ичинде жакшы аракеттер байкалып жаткандыгын кошумчалады.
Белгилер:
Нью-Йоркто акцияга чыккандар камалууда. Видео
Нью-Йорк полициясы АКШдагы полициянын зомбулугуна нааразы болуп, акцияга чыккандардын арасынан 60 кишини камакка алды. Полиция департаментинин жетекчисинин айтымында, кармалгандар коменданттык сааттын эрежесин бузушкан.
Ал тартип сакчылары мыйзамдын бузулушуна жол бербей турганын айтып, шаар тургундарынын коопсуздугу үчүн бардык кадамдарга барарын белгиледи.