Радиостудия Sputnik Кыргызстан в Бишкеке - Sputnik Кыргызстан
Радио

Сакмаматов: организмди йод берип үйрөтпөш керек

© Sputnik / Сергей АладьевВрач национального госпиталя КР Долон Сакмаматов
Врач национального госпиталя КР Долон Сакмаматов - Sputnik Кыргызстан
Жазылуу
Улуттук госпиталдын ичеги-карын жана бездер хирургиясы бөлүмүнүн башчысы Долон Сакмаматов богок оорусуна көбүнчө аялдар чалдыгарын айтты.
Сакмаматов: организмди йод берип үйрөтпөш керек

Организмди йод берип үйрөтпөш керек. Ал өзү күрөшүп, жетишпеген йодду тапканга аракеттенгени жакшы. Бул тууралуу Долон Сакмаматов Sputnik Кыргызстан радиосунун таңкы эфиринде маек куруп жатып билдирди.

Анын айтымында, Кыргызстан — эндемикалык, башкача айтканда, йод жетишпеген аймак болуп эсептелет. Андыктан йоддолгон тузду гана колдонуу зарыл.

"Деңиз жээгиндеги өлкөлөрдө жашагандар йоддун 60 пайызын аба аркылуу алат. Бул көрсөткүч бизде 5-10 пайызды гана түзгөндүктөн, ашканада йоддолгон тузду колдонуу сунушталат. Ал эми йоддун өзүн таблетка же башка түрүндө кабыл алып, организмди үйрөтпөш керек. Адам жеп, ичкен тамактардан өз алдынча йодду таап, табигый жол менен ага ээ болгону жакшы. Эгер биз даяр йоддун өзүн ичип алчу болсок, организм күрөшүүсүн токтотуп коет. Бул ден соолукка пайдасын тийгизбейт", — деди Сакмаматов.

Ал туздагы йод буу аркылуу чыгып кетпеши үчүн тамакты бышырып бүтүп гана туз салуу керектигин кошумчалады.

Жаңылыктар түрмөгү
0