Өкмөттүн Ош облусундагы атайын жана ыйгарым укуктуу өкүлү Узарбек Жылкыбаев. Архив

Жылкыбаев: көчмөндөр оюндарында Оштон барып байгелүү орундарды алабыз

146
(жаңыланган 17:41 03.08.2018)
Өкмөттүн Ош облусундагы атайын жана ыйгарым укуктуу өкүлү Узарбек Жылкыбаев Көчмөндөрдүн Дүйнөлүк III оюндарында Ош облусунун командасын өзү жетектеп бараарын айтты.
Жылкыбаев: көчмөндөр оюндарында Оштон барып байгелүү орундарды алабыз

Күздө өтүүчү көчмөндөр оюндарында Оштон барып байгелүү орундарды алабыз деп ойлойм. Учурда даярдык кызуу жүрүп жатат. Бул тууралуу Узарбек Жылкыбаев Sputnik Кыргызстан радиосунун таңкы эфиринде маек куруп жатып билдирди.

Анын айтымында, Ош облусу көчмөндөр оюндарында кызыктуу оюн-зоокторду көрсөтөт.

"Учурда даярдыктар абдан кызуу жүрүп жаткан экен. Аны улантып, алдыдагы көчмөндөр оюндарында биздин облустун командасы байгелүү орундарга илинет деп ишенем. Ысык-Көл аймагын жетектеп турганымда бул дүйнөлүк долбоордун уюштуруу иштеринин башында турдум эле, эми конок катары катышам. Буюрса, Оштун командасын өзүм жетектеп барам", — деди Жылкыбаев.

Ал көчмөндөр оюндарынын алкагында Ош облусунда көптөгөн маданий иш-чаралар өткөрүлүп жатканын кошумчалады.

146
Белгилер:
байге, III Дүйнөлүк көчмөндөр оюндары, Узарбек Жылкыбаев, Ош облусу
Тема:
Көчмөндөрдүн дүйнөлүк III оюндары (211)
Тема боюнча
Солтобаев: Көчмөндөр оюну өтчү жайлоодон сактардын көрүстөнү табылды
Транспорт жана жолдор министрлигинин маалымат кызматынын жетекчиси Кылычбек Досумбетов

Досумбетов: Бишкек Кара-Балта жолун оңдоо 2021-жылы аяктайт

45
Транспорт жана жолдор министрлигинин маалымат кызматынын жетекчиси Кылычбек Досумбетов Бишкек — Кара-Балта жана Түндүк — Түштүк альтернативалуу трассасында курулуш иштери кызуу жүрүп жатканын айтты.
Досумбетов: Бишкек — Кара-Балта жолун оңдоо 2021-жылы аяктайт

Бишкек — Кара-Балта унаа жолу план боюнча быйыл ишке берилмек. Бирок учурдагы пандемияга байланыштуу, ошондой эле жол жээгиндеги түркүктөрдү которууда жакын жайгашкан кожолуктардын мүлкүнө залалы тийгендиктен ишке берүү мөөнөтү 2021-жылга жылдырылды . Бул тууралуу Кылычбек Досумбетов Sputnik Кыргызстан радиосуна маек куруп жатып билдирди.

Анын айтымында, мындан сырткары, Ош — Баткен — Исфана унаа жолунун 8-75-чакырымында курулуш иштери жүрүп жатат. Ал эми Бишкек — Ош трассасынын төртүнчү фазасына кирген Жалал-Абад — Маданият жолунун 20 чакырымга чукул жери асфальт жана бетон куюуга даяр турат.

"Өлкөдөгү ири трассалардын катарына кирген Бишкек — Кара-Балта жана Түндүк — Түштүк альтернативалуу унаа жолдорунда курулуш иштери үзгүлтүккө учураган жок. Бүгүнкү күндө ал жерлерде иш жүрүп жатат. Бирок пандемияга байланыштуу курулуш иштеринин графиги өзгөрдү. Андыктан ишти аяктоо мөөнөтү да жылып кетти. Мунун башка да себептери бар. Курулуш учурунда колдонулган оор техникалардан улам жакын жайгашкан турак жайлардын дубалынан жарака кетип, ага компенсация төлөө маселеси жаралды. Ошондой эле ал жерде көчө бойлой жайгашкан түркүктөрдү жылдыруу иштери убакытты алып жатат. Ушуга байланыштуу Бишкек — Кара-Балта унаа жолу 2021-жылы колдонууга берилет. Мындан сырткары, Кытайдан жол куруучу адистер келмек. Чек ара жабылып, алар да кечигип жатышат. Бирок бүгүнкү күндө 139 кытайлык куруучу Кыргызстанга келди. Учурда алар обсервацияда. Коңшу өлкөдөн келген адистер чыгары менен курулуш иштери тездетилет. Алар Түндүк — Түштүк альтернативалуу жолундагы туннель жана эстакаданын курулушун башташат", — деди Досумбетов.

Ал Кытайдан Түндүк — Түштүк альтернативалуу жолун курууга 450дөн ашык, Бишкек — Кара-Балта жолунун курулушуна 42 жана Бишкек — Нарын — Торугарт жолун салууга төрт адис келери пландалганын кошумчалады.

45
Белгилер:
пандемия, курулуш, жол, Кылычбек Досумбетов
Тема боюнча
Кылычбек Досумбетов: Бишкек — Нарын — Торугарт жолу толугу менен декабрда бүтөт
Саламаттык сактоо министрлигинин Республикалык эмдөө борборунун эпидемиолог-дарыгери Азим Кыргызбаев

Кыргызбаев: ата-энеси эмдетпей койгон бала Америкага окууга бара албай калган

31
Саламаттык сактоо министрлигинин Республикалык эмдөө борборунун эпидемиолог-дарыгери Азим Кыргызбаев убагында эмделбей калган балдар чоңойгондо чет мамлекетке бара албай калышы мүмкүндүгүн айтты.
Кыргызбаев: ата-энеси эмдетпей койгон бала Америкага окууга бара албай калган

Учурунда ата-энеси баш тартып койгон балдар кийин чет мамлекетке окууга, эс алууга, иштөөгө бара албай калышы толук ыктымал. Мындай окуя бизде болгон. Бул тууралуу Азим Кыргызбаев Sputnik Кыргызстан радиосуна билдирди.

Анын айтымында, убагында алынбаган эмдөөнү жылдар өткөн соң калыбына келтирүү мүмкүн эмес.

"Эмдөөдөн ата-энелер тигил же бул жүйөнү келтирип баш тартып коё беришет. Биз аларды мажбурлай албайбыз. Бирок ошол эле учурда балдарынын келечегин ойлошпойт. Анткени тиешелүү вакциналарды албаган балдар баралына жеткенде чет өлкөгө окууга, иштөөгө, ал тургай саякатка да чыга албай калышат. Мындай окуя бизде болгон. Бала мектепте жакшы окуп Америкага окууга гранттык орунга ээ болот. Жөнөй турган учуру келгенде тиешелүү эмдөөлөрдү албаганы билинет. Көрсө, ата-энеси ал кичинекей кезинде баш тартып койгон экен. Бала апасына капа болот. Апасы бизге келип, дарыгерлерди урушуп "кийин балаң чет мамлекетке бара албай калат деп айтпайт белеңер" деп чуу көтөргөн. Андыктан ата-энелер баш тартар алдында өз чүрпөмдүн келечегине балта чаап албаймынбы деп ойлонуп коюшса жакшы болот эле", — деди Кыргызбаев.

Дарыгер өзгөчө билим алууга же иш менен чыгарда, айрым өлкөлөр саякатчылардан да белгилүү бир оорулардан эмделгендиги тууралуу маалым кат сурарын кошумчалады.

31
Белгилер:
чет мамлекет, Азим Кыргызбаев, ата-эне, эмдөө
Тема боюнча
Абдраманов: унаабыз жок, бейтаптарды такси менен ташыйбыз
Тоолуу Маевка айылына жакын унаа жолу

Шейшембиге карата аба ырайы

0
(жаңыланган 21:11 06.07.2020)
Түнкүсүн Ысык-Көл облусунун кээ бир райондорунда жаан жаап, күн күркүрөйт. Бийик тоолуу өрөөндөргө кар түшөт.

БИШКЕК, 6-июл. — Sputnik. 7-июль, шейшемби күнү, өлкө аймагы боюнча күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге дейре жетет.

Абанын температурасы Чүйдө+28…+33, Таласта +26…+31, Ош, Баткен жана Жалал-Абад облустарында +30…+35 жана Ысык-Көл менен Нарын жергесинде +22…+27 градус жылуу болот.

Ал эми Бишкек шаарында күндүн табы +30…+32, Ош калаасында +33…+35 градуска дейре көтөрүлсө, Чолпон-Атада термометрдин көрсөткүчү +23…+25 градуска чейин жетет.

0
Белгилер:
аба ырайы, Кыргызстан
Тема боюнча
Алдыда аптаптуу ысык болбойбу? Бир жумага карата аба ырайы