Улуттук госпиталдын пластикалык реконструкциялоо микрохирургиясы жана манжа хирургиясы бөлүмүнүн башчысы Керим Бээрманов

Бээрманов: сурмасын чоңойтуп барган аялын үйгө киргизбей койгондор бар

634
(жаңыланган 20:12 04.08.2018)
Улуттук госпиталдын пластикалык реконструкциялоо микрохирургиясы жана манжа хирургиясы бөлүмүнүн башчысы Керим Бээрманов аталган бөлүмгө көздүн сурмасын чоңойтууну каалап кайрылган кыз-келиндердин көбөйгөнүн айтты.
Бээрманов: сурмасын чоңойтуп барган аялын үйгө киргизбей койгондор бар

Сурмасын чоңойтуп барса күйөөсү үйүнө киргизбей койгон учурлар болгон. Ошондон кийин биз жакындарынын уруксаты менен гана пластикалык операция жасап калдык. Бул тууралуу Керим Бээрманов Sputnik Кыргызстан радиосунун таңкы эфиринде маек куруп жатып билдирди.

Анын айтымында, көз, мурундун формасын өзгөртүү үчүн жасалган пластикалык операциялар ден соолукка коркунуч алып келбейт.

"Бизде менталитет башкача да. Пластикалык операция десе эле терс кабыл алабыз. Негизинен эгер адамга келбетинен бир жери жакпаса, эмнеге аны өзгөртүп алса болбосун. Мунун ден соолукка деле зыяны жок. Бирок бизде күйөөлөрүнө айтпай келип сурмасын чоңойтуп, үйүнө барса жолдошу киргизбей койгон же бизге чейин келип урушуп кеткен учурлар катталган. Андыктан биз алгач күйөөңөрдөн уруксат алып келгиле дейбиз. Ал эми өспүрүмдөр ата-энеси менен келиши керек", — деди Бээрманов.

Ал айрым учурларда пластикалык хирургдун жардамынан соң жолдоштору менен келип ыраазычылык билдирип кеткен түгөйлөр да болорун кошумчалады.

634
Белгилер:
үй бүлө, пластикалык хирургия, Керим Бээрманов
Тема боюнча
Окумуштуулар эмчек эмизүү аялга кандай пайда алып келерин аныкташты
Көйкашка коомдук бирикмесинин мүчөсү, манасчы Нурбек Талантбеков

Талантбеков: босогону "астана" деп колдонууга болот

168
"Көйкашка" коомдук бирикмесинин мүчөсү, манасчы Нурбек Талантбеков "Манас" эпосун жайылтуу жаш баладан бийлик өкүлдөрүнө чейин милдет болушу зарылдыгын белгиледи.
Талантбеков: босогону "астана" деп колдонууга болот

"Астана" деген сөздү босого, кире бериш деген мааниде колдонсок болот. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында маалымдады.

Анын айтымында, учурда көптөр "астана" деген сөздү мурдагы Акмола, учурдагы Нур-Султан шаарынын буга чейинки аталышы менен байланыштырышат.

"Манаста" астана тууралуу көп айтылат. Бул сөздү азыр өзүнүн маанисинен мурда көбүнчө учурдагы Нур-Султан шаарынын мурдагы аталышы катары кабылдайбыз. Себеби күнүмдүк турмушта бул аталышты көп кездештиребиз. Чынында Манаста "астана" босого, кире бериш деген маанини берип, калаа катары дагы айтылган жери бар. Маселен Сары-Аркадагы казактардын окуясында Манас баш болгон кыргыз бектери Ала-Тоону душмандардан бошотуп жүргөндө казактардын Көкчөсү кытай, калмактар менен кармашканы баяндалган. Ошол жерде шаардын босогосу, тоонун жылгасынын, капчыгайдын оозу, кире бериши катары астана деп колдонулат", — деди Талантбеков.

Манасчы эпосту ээлеп, менчиктеп албастан аны жайылтууда боордош элдерди дагы аралаштыруу туура деген пикирин кошумчалады.

168
Белгилер:
тил, Манас эпосу, сөз, Нурбек Талантбеков
Тема боюнча
Талантбеков: "Манаста" кадимки факелдер колдонулган, аталышы — "шамала"
Жергиликтүү өз алдынча башкаруулар союзунун төрагасынын орун басары Бектурган Орозбаев

Орозбаев: Жогорку Кеңеш экинчи функциясын жакшы аткара албай келет

26
Жергиликтүү өз алдынча башкаруулар союзунун төрагасынын орун басары Бектурган Орозбаев аталган багыт боюнча мыйзам долбоорлору анализге алынып, доклад даярдалгандыгын билдирди.
Орозбаев: Жогорку Кеңеш экинчи функциясын жакшы аткара албай келет

Жогорку Кеңештин негизги эки функциясы бар — мыйзам чыгаруу жана ал мыйзамдардын аткарылышын көзөмөлдөө. Тилекке каршы, биздин парламент экинчи милдетин так аткара албай келет. Мындай пикирин Бектурган Орозбаев Sputnik Кыргызстан радиосунун эфиринде маек куруп жатып айтты.

Анын билдиришинче, Жергиликтүү өз алдынча башкаруулар союзу аталган тармакка тиешелүү мыйзамдардын кандай иштеп жаткандыгын анализдеп, даяр болгон докладды Жогорку Кеңешке жөнөткөн. Документте 2015-2019-жылдар аралыгы камтылган.

"Жогорку Кеңештин негизги эки функциясы бар — мыйзам чыгаруу жана иштеп жаткан мыйзамдардын аткарылышын көзөмөлгө алуу. Тилекке каршы, парламент экинчи милдетин так аткарбай келет. Буга каражаттан тарта башка да көптөгөн себептер бар. Андыктан кабыл алынып жаткан мыйзамдардын кандай иштеп же иштебей жаткандыгы боюнча маалыматтар шайлоочулардын же ошол бир аймактын айыл өкмөт, мэринин деңгээлинде гана депутаттарга жетип жатат. Мындан натыйжалуу жыйынтык чыкпайт. Ал эми биздин докладда, изилденип жыйынтыгы так көрсөтүлгөн маалыматтар, так сандар айтылган. Мисалы, төрт жыл аралыгында эле 34 айылдык, шаардык кеңеш тарап кеткен. Алардын 29у айыл өкмөтүн же мэрди шайлай албагандыгынан өзүн-өзү таратууга мажбур болгон", — деди Орозбаев.

Ал мындай докладдар өзгөчө мандатты жаңы алган эл өкүлдөрү үчүн даяр материал болуп берерин кошумчалады.

26
Белгилер:
көзөмөл, мыйзам, башкаруу, жергиликтүү эл
Тема боюнча
Артка кетти. 2021-жылга Республикалык бюджеттин долбоору сунушталды
Нарын облусундагы айыл. Архив

Жумага карата аба ырайы

0
27-ноябрга караган түнү жаан-чачын жаабайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 26-Ноя. — Sputnik. 27-ноябрь, жума күнү, Чүй, Ош облустарынын тоолуу райондорунда кар жаашы мүмкүн. Республиканын башка аймактарында күн ачык болот. Бул тууралуу Кыргызгидромет билдирди.

Абанын темпетарутасы Чүйдө +6...+11, Талас өрөөнүндө +5...+10 градуска жетсе, Ош, Жалал-Абад жана Баткен облустарында +7...+12, Ысык-Көл ойдуңунда +3...+8, Нарын жергесинде -2...+3 градусту көрсөтүп турат.

Ош жана Бишкек шаарларында жаан-чачын болбойт, күндүн табы +8...+10 градуска жетет.

0
Белгилер:
Кыргызстан, аба ырайы
Тема боюнча
Фотофакт: ышка тумчуккан Бишкектин асмандан көрүнүшү