Радиостудия Sputnik Кыргызстан в Бишкеке - Sputnik Кыргызстан
Радио

Жумабеков: учурда дарыгерлерди эл багып жатат

© SputnikОртопед, академик Сабырбек Жумабеков. Архив
Ортопед, академик Сабырбек Жумабеков. Архив - Sputnik Кыргызстан
Жазылуу
Ортопед, академик Сабырбек Жумабеков медицинаны жеке менчикке өткөрүү менен мамлекет утушка ээ болорун кошумчалады.
Жумабеков: учурда дарыгерлерди эл багып жатат

Дарыгерлеримден бейтапка ата-энесиндей мамиле кылышын суранам. Жасаган жумушуңа адам ыраазы болгон күндө гана анын акыбетин көрөт эмессиңби. Мындай пикирин Сабырбек Жумабеков Sputnik Кыргызстан радиосунун эфиринде маек куруп жатып билдирди.

Анын айтымында, дарыгерлерди акча алат деп күнөөлөгөн учурлар көп кездешүүдо. Бирок коомчулук медицина кызматкерлеринин түйшүгү оор, айлык акысы аз экенине көңүл бурбай жатат.

"Албетте, бейтапка акча берсең сени дарылайм деген туура эмес. Юридикалык жактан да, адамгерчиликке да жатпайт. Бирок медиктердин кеминде сегиз жыл окуп, сегиз миң айлык аларын жакшы билесиздер. Алар аргасыздан мындай кадамдарга барышат, бирок көп учурда албайм десең да эл өзү эле ыраазычылык катары акча сунат. Мен дайыма өзүмдө иштеген дарыгерлерге "бейтапка ата-энеңдей, балаңдай мамиле кыл, биринен болбосо биринен кайтат, кудай көрүп турат" деп айтам. Бардык эле дарыгерлер акча албай, ак иштегиси келет, тилекке каршы алган эмгек акылары буга жол бербейт", — деди Жумабеков.

Ал медицинаны жеке менчикке өткөрүү менен мамлекет бул көйгөйдөн арылса болорун кошумчалады.

Жаңылыктар түрмөгү
0