Психолог Асел Сүйүмбаеванын архивдик сүрөтү

Сүйүмбаева: баарлашуу жетишпегендиктен кыздар вебкам-модель болуп иштөөдө

403
(жаңыланган 15:09 16.08.2018)
Психолог Асел Сүйүмбаева вебкам-студияларда иштеген кыздар бир кирген боюнча андан чыгуусу кыйыныраак болуп каларын айтты.

Бүгүнкү күндө биринчиден баарлашуу, экинчиден акча жетишпегендиктен кыздар вебкам-модель кызматын аркалап жатат. Бул тууралуу Асел Сүйүмбаева Sputnik Кыргызстан радиосунун эфиринде маек куруп жатып билдирди.

Анын айтымында, мындай кызматка көбүнчө мигранттардын кыздары дуушар болууда.

"Учурда вебкам-модель болуп иштеген кыздардын санынын өсүү себеби аларга баарлашуу, көңүл буруу, жакындарынын көзөмөлү жетишпей жаткандыгында. Айрым ата-энелер балдарына жеткиликтүү көңүл бурбай, жада калса кызынын кайда иштеп жатканын билбейт. Мындай жолго түшкөн кыздар бул иштин аркасында кандай психологиялык кыйынчылыктар жатканын башында түшүнө бербейт", — деди психолог.

Ал ата-эне менен баланын мамилеси жакын достордой болуусу өтө маанилүү экенин баса белгиледи.

403
Белгилер:
веб-камера, психология, ата-эне, мамиле, бала
Тема боюнча
Бообекова: бактылуу болуш үчүн жубайлар бири-бирин колдошу керек