Улуттук госпиталдын кулак-мурун врачы Калыс Бакиева

Бакиева: интернеттеги маалыматтар боюнча дарылануу туура эмес

137
(жаңыланган 17:48 07.09.2018)
Бейтаптар кийген бет кабын эки саат сайын алмаштырып турушу кажет.

Кулак-мурун оорулары аба аркылуу жугат. Бул илдетке чалдыккандар сөзсүз бет кап кийип жүрүшү шарт. Бул тууралуу Улуттук госпиталдын кулак-мурун врачы Калыс Бакиева Sputnik Кыргызстан радиосуну  таңкы эфиринде маек куруп жатып билдирди.

Анын айтымында, кийген бет капты ар эки саат сайын алмаштырып туруу керек.

"Бул оору вирустук болуп башталса биринчи ага каршы дары-дармектерди сунуштайбыз. Эгер татаалдашып кетсе, анда антибиотик сыяктуу күчтүү дары менен дарылоого туура келет. Мындай учурда пайдалуу витаминдерди, суюктуктарды көбүрөөк ичүү зарыл. Бет кап кийип, ар эки саат сайын аны алмаштыруу кажет. Азыркы кезде интернеттен карап өз алдынча дарылангандар да бар. Бирок ар кимдин организми ар кандай болгондуктан, оорулуулар интернетте жазылган жалпы маалыматтарга ишенбей, жеке өзү врачтын көзөмөлүндө болушу шарт", — деди Бакиева.

Ал көпчүлүк учурда бейтаптар оорусу өтүп кеткенде гана врачтарга кайрыларын кошумчалады.

137
Белгилер:
кулак, мурун, оору, медицина
Тема боюнча
Арак түбүнө жетип бараткан өлкөлөрдүн рейтинги чыкты