Улуттук госпиталдын эл аралык мамилелер бөлүмүнүн башчысы, уролог Нурбек Монолов

Монолов: каражат көйгөйүнөн улам Кыргызстанда бөйрөк алмаштырылбайт

37
(жаңыланган 17:54 12.09.2018)
Улуттук госпиталдын эл аралык мамилелер бөлүмүнүн башчысы, уролог Нурбек Монолов органдарды трансплантациялоодо Кыргызстан үчүн каражат маселеси көйгөй жаратарын айтты.

Орган алмаштыруунун өзү кыйын иш эмес. Мисалы бөйрөк алмаштыргандан кийин бейтап ай сайын орто эсеп менен 1000 долларга дары алып туруусу керек болот. Бул тууралуу Нурбек Монолов Sputnik Кыргызстан радиосунун таңкы эфиринде маек куруп жатып билдирди.

Анын айтымында, операцияга чейинки изилдөөлөрдү жүргүзүүчү лабораторияларга да каражат көп кетет.

"Биздин дарыгерлер эмнеге органдарга трансплантация жасашпайт деп сурашат. Мисалы бөйрөктү алмаштырып коюу эч кыйынчылык жаратпайт, бирок андан соң кымбат дарылар керек. Бейтап ай сайын орто эсеп менен 1000 долларга чейин дары сатып алууга аргасыз болот. Операцияга чейин анализ алуучу жайлар жоктугунан, эң жакыны Казакстан, Россияга барышууда. Эгер мамлекет ушул маселелерди чечип берсе, биздин дарыгерлер бөйрөк алмаштырууга даяр", — деди Монолов.

Ал жогоруда айтылган көйгөйлөрдү чечүү үчүн тиешелүү аткаминерлерге саясий эрк жетишпей жаткандыгын кошумчалады.

37
Белгилер:
көйгөй, каражат, трансплантация, уролог, Нурбек Монолов
Тема боюнча
Монолов: Кыргызстанда пиелонефрит оорусу күч алды
Пикирлер