Улуттук ишкерлер ассоциациясынын төрагасы Сталбек Акматов

Акматов: ишкерликтин айрым тармактарында көмүскө экономика 80 пайызга жетет

76
(жаңыланган 13:59 08.10.2018)
Улуттук ишкерлер ассоциациясынын төрагасы Сталбек Акматов ишкерлердин көбү салыктарды мыйзам жүзүндө эмес, тааныш аркылуу төгүүнү ылайык көрөрүн айтты.

Статистика боюнча Кыргызстанда көмүскө экономика 60 пайызды түзөт, бирок иш жүзүндө 70-80 пайызга жетет. Мындай пикирин Сталбек Акматов Sputnik Кыргызстан радиосунун эфиринде маек куруп жатып билдирди.

Анын айтымында, ишкерликти көмүскө экономикадан чыгаруу үчүн тиешелүү мамлекеттик кызматкерлер менен ишкерлер бирдикте аракет көрүүсү зарыл. Эки тарап бири-бирин күнөөлөп отура бергенден майнап чыкпайт.

"Бизде тууган, тааныш аркылуу сүйлөшө коюп иш бүтүрүү каныбызга сиңип калган окшойт. Бизнесте да ушул адатыбызды колдоно коебуз. Азыр көмүскө экономика 60 пайызды түзөт деп жатабыз, бирок айрым тармактарда 80 пайызга жетет. Буга кайсы бир органдардын өкүлдөрү да, ишкерлер да күнөөлүү", — деди Акматов.

Ал тийиштүү мыйзамдар жеңилдетилгенин айтып, ишкерлерди бизнести ачык жүргүзүүгө чакырды.

76
Белгилер:
экономика, коррупция, ишкер, Сталбек Акматов
Тема боюнча
Акматов: өкмөттүн бат-бат алмашканынан биринчи кезекте ишкерлер жабыркайт