Көз карандысыз серепчи Арстан Кадыров. Архив

Кадыров: Соң-Көлдө 80 миң тор суу астында жатат

429
(жаңыланган 18:38 14.10.2018)
Көз карандысыз серепчи Арстан Кадыров синтетикалык тор менен балык кармоодон Ысык-Көл жана Соң-Көл таштандыга толгонун айтты.

Соң-Көлдө 80 миң тор суу астында жатат. Ага түшкөн балыктар тонналаган таштандыга айланууда. Бул тууралуу Арстан Кадыров Sputnik Кыргызстан радиосунун эфиринде маек куруп жатып билдирди.

Анын айтымында, балык уулоочулар синтетикалык торлорду сууга калтырып кете бергендиктен, ага балыктар жылдап түшүп отуруп, учурда аз кездешчү балыктар жок болуп кетүү коркунучунда турат.

"Кыргызстанда майда, чоң болуп жалпысынан 2000ге жакын көл бар. Алардын 40ка жакынына изилдөө жүргүзсөм баарында абал оор. Мисал катары Соң-Көлдү эле айтайын, азыр анда 80 миң синтетикалык тор чөгүп жатат. Ага жылдап топтолгон балыктар чирип, суу астындагы өсүмдүктөр да жапа чегүүдө. Мындан сырткары, келгин куштар демейде көлдүн жээгине конуп, тыныгып, балык кармап жеп, андан соң жолун улантат. Мурда Соң-Көлгө барсаң, түркүн куштун сайраганы угулуп турчу, азыр мындай көрүнүш жок. Себеби, балык кармайм деп синтетикалык торго түшүп канаттуулар да кырылып жатат", — деди Кадыров.

Ал синтетикалык тор менен балык кармоого тыюу салуу учурдун талабы экенин кошумчалады.

429
Белгилер:
балык уулоо, браконьер, Арстан Кадыров
Тема боюнча
Таласта корукта жүргөн мылтыкчан киши фотокапканга түшүп калды. Сүрөт
Пикирлер