Радиостудия Sputnik Кыргызстан в Бишкеке - Sputnik Кыргызстан
Радио

Ташматов: туристтик милициянын 50 пайызын аялзаты түзөт

© Sputnik / Асель АкматалиеваМилиционер Борборбек Ташматов
Милиционер Борборбек Ташматов - Sputnik Кыргызстан
Жазылуу
ИИМдин өкүлү Борборбек Ташматов учурда туристтик милицияга кабыл алуу жүрүп жаткандыгын айтты.
Ташматов: туристтик милициянын 50 пайызын аялзаты түзөт

Туристтик милициянын 50 пайызын аялзаты түзөт. Бул айрым мамлекеттерден келчү туристтердин талаптарына ылайыкташтырылууда. Мындай пикирин Борборбек Ташматов Sputnik Кыргызстан радиосунун эфиринде маек куруп жатып билдирди.

Анын айтымында, туристтик милицияда иштөөнү каалагандар бардык эле күч түзүмдөрүнүн кызматкерлерине коюлуучу талаптардан сырткары, чет тилдерин билүүсү шарт.

"Туристтик милициянын катарына кошулууну каалагандар 35 жашка чейинки, мурда өзү жана жакындары соттолбогон, жогорку билимдүү, мамлекеттик жана расмий тилден сырткары да башка чет тилдерин билген Кыргызстандын жараны болушу керек. Жигиттердин бою 170, кыздар 165 сантиметрден кыска эмес, аскердик билети бар, ден соолугу бекем болуусу талапка ылайык. Мындай талаптарга жооп берген жана туристтик милиция кызматкери болууну каалагандар ИИМге кайрылса болот. Учурда кабыл алуу жүрүп жатат. Туристтерге өлкө аймагында ыңгайлуу эс алып кетишине шарт түзүү максатында куралып жаткандыктан, жалпы курамдын 50 пайызын аялзаты түзөт. Анткени, кээ бир мамлекеттерден келген аял туристтердин талабы ушундай", — деди Ташматов.

Ал туристтик милициянын кийчү формасы, укуктук мыйзамдары такталып калганын кошумчалады.

Жаңылыктар түрмөгү
0