Эйр Манас авиакомпаниясынын финансы боюнча директорунун орун басары Данияр Арынов

Арынов: эл кайсы авиакомпаниянын акыбалы кандай экенин ажырата билсе

224
(жаңыланган 13:27 22.10.2018)
"Эйр Манас" авиакомпаниясынын финансы боюнча директорунун орун басары Данияр Арынов Бишкек-Ош каттамы боюнча учак билеттеринин баасы 1400-4000 сом болуп жатканын айтты.
Арынов: эл кайсы авиакомпаниянын акыбалы кандай экенин ажырата билсе

"Эйр Манас" авиакомпаниясына тиешелүү эки гана учак бар. Бул тууралуу Данияр Арынов Sputnik Кыргызстан радиосунун эфиринде маек куруп жатып билдирди.

Анын айтымында, дүйнө жүзү боюнча учак тетиктерин чыгарган 5-6 гана өлкө бар.

"Ушу тапта Бишкек-Ош аба каттамы боюнча билеттердин баасы 1400-4000 сомду түзүүдө. Биздин аба кемелерибиз негизинен Бишкек-Ош каттамы боюнча эле учат. Башка аэропортторго коно албайт. "Эйр Манас" авиакомпаниясына таандык болгон эки гана учак бар. Бирине 20, бирине 10 жыл толду. Соңку кездерде авиакомпаниялар боюнча жалпыланган маалыматтар тарап кетти. Эл аларды өзүнчө карап, кайсы компаниянын акыбалы кандай экенин билүүгө тийиш. Антпесе күнөөсүздөр деле күнөөлүү болуп калууда. Техника деген техника экен. Канча караса деле президенттердин учагы да бузулуп турат. Азыркы кезде дүйнө жүзү боюнча учак тетиктерин даярдап чыгарган 5-6 гана өлкө бар", — деди Арынов.

Ал мамлекеттик тиешелүү органдар башка мамлекеттерден тетиктерди алып келүүгө жеңил жана ыңгайлуу жолдорду карап чыгышы керектигин кошумчалады.

224
Белгилер:
авиакомпания, авиабилет, учак
Тема боюнча
Өлкөнүн бир да аба майданы талапка жооп бербейби? "Манас" аэропортунун жообу
Улуттук статистика комитетинин статистикалык каттоолор бөлүмүнүн башкы адиси Жолдошбек Соодаев. Архив

Соодаев: эл каттоодо мигранттар тууралуу маалыматтар топтолот

22
Улуттук статистика комитетинин статистикалык каттоолор бөлүмүнүн башкы адиси Жолдошбек Соодаев элди жана турак жайды каттоо 96 пайыз даяр болуп калганын айтты.
Соодаев: эл каттоодо мигранттар тууралуу маалыматтар топтолот

Бул жолку жүргүзүлө турган элди жана турак жайды каттоодо мигранттар тууралуу маалыматтар топтолот. Бул тууралуу Жолдошбек Соодаев Sputnik Кыргызстан радиосуна маек куруп жатып билдирди.

Анын айтымында, аталган өнөктүктү жүргүзүү эпидемиологиялык абалдан улам белгисиз мөөнөткө жылдырылган.

Эл каттоо: үйгө шылуун эмес, каттоочу келгенин кантип айырмаласа болот

"КМШга мүчө-мамлекеттер 2019-жылдын күзүнөн 2020-жылдын жазына чейин эл каттоо өткөрүш керек болчу. Анын ичинен Кыргызстан алгачкылардан болуп ушул жылдын 21-мартынан 1-апрелине чейин жүргүзө турганын расмий белгилеген. Аны өткөрүү үчүн тийиштүү даярдыктар жүргүзүлүп, бирок коронавирустук пандемияга байланыштуу убактылуу жылдырылды. Мерчемделгени боюнча, эл каттоо бул жолу электрондук форматта, телефон аркылуу жүргүзүлөт. Ошондой эле бул жолку өнөктүктө эмгек мигранттары тууралуу кеңири малыматтар топтолот. Бул мекендештерибиздин агымы кайсы өлкөгө күч болуп жатканын жана эмне менен алектенерин билүүгө шарт түзөт", — деди Соодаев.

Адис ошондой эле каттоодо турак жай жана анын ичиндеги шарттар тууралуу маалыматтар чогултула турганын кошумчалады.

22
Белгилер:
мигранттар, Кыргызстан, каттоо
Тема боюнча
Соодаев: эл каттоодо мүмкүнчүлүгү чектелгендер тууралуу маалымат топтолот
Экономика илимдеринин доктору, профессор Төлөнбек Абдыров

Абдыров: Кыргызстан ЕАЭБдин мүмкүнчүлүктөрүн колдоно албай жатат

37
Экономика илимдеринин доктору, профессор Төлөнбек Абдыров ЕАЭБге кирген беш жылдын ичинде Бажы кодексине Кыргызстан анча маанилүү эмес сунуштарды берип келе жатканын айтты.
Абдыров: Кыргызстан ЕАЭБдин мүмкүнчүлүктөрүн колдоно албай жатат

Кыргызстан Евразиялык экономикалык биримдиктин мүмкүнчүлүктөрүн тийиштүү деңгээлде колдоно албай жатат. Мындай пикирин Төлөнбек Абдыров Sputnik Кыргызстан радиосуна маек куруп жатып билдирди.

Анын айтымында, ЕАЭБ менен түздөн-түз иш алып барган Экономика министрлигинде бир башкармалык жана бир эле сектор бар.

Казакова: ЕАЭБ мигранттары Россияда жергиликтүүлөр менен теңата иштешет

"Эгемендүүлүк алгандан бери Кыргызстан бир топ экономикалык, соода жүргүзүү боюнча уюмдарга кирген. Бирок алардын пайдасын көрө албайт. Себеби бул багытта иш алып баруу боюнча стратегиялык пландар түзүлбөйт. Евразиялык экономикалык биримдигинин алкагында деле ошондой болуп жатат. Мисалы, уюмга мүчө-мамлекеттер Бажы кодексине 1500дөй сунуш берген. Ал эми Кыргызстан "үтүрдү алып койгула, бул сөздү кошуп койгула" деген сыяктуу анча маанилүү эмес 10го жетпеген сунуш айткан. Башкача айтканда, ЕАЭБдин алкагында тийиштүү деңгээлде Кыргызстандын таламын талашып, уюмдун мүмкүнчүлүктөрү толук кандуу колдонулбай жатат", — деди Абдыров.

Ошондой эле ал ЕАЭБдин алкагында иш алып баруучу Кыргызстандын кадрлары чабал иштеп жатышканын кошумчалады.

37
Белгилер:
кадрлар, Евразиялык экономикалык биримдик, экономика
Тема боюнча
Бактыгулов: ЕАЭБ, Кытай соода алакасы Кыргызстанга 3 млрд. сом пайда берет
Аширходжаев Эркебек Жумабекович

Аширходжаев Эркебек Жумабекович өмүр баяны

0
Милициянын подполковниги Аширходжаев Эркебек Жумабекович 1969-жылы Чүй облусунун Сокулук районунун Сокулук айылында туулган.

Билими:

  • Кыргыз улуттук университетин Юридика багыты боюнча адистигин аяктаган.

Эмгек жолу:

  • 2001-2010 — ИИМдин Транспорттогу ички иштер башкармалыгынын ар кандай кызматтарында иштеген;
  • 2010-2011 — Бишкек шаардык ички иштер башкы башкармалыгынын тергөө башкармалыгынын өзгөчө оор жана коррупциялык кылмыштарды иликтөө боюнча бөлүмдүн тергөөчүсү;
  • 2012-2017 — Бишкек шаарынын Октябрь РИИБинин Тергөө кызматынын начальниги;
  • 2017-2018 — Кыргыз Республикасынын ИИМ Академиясынын административдик укук жана административдик ишмердүүлүк кафедрасынын окутуучусу;
  • 28.08.2018 - 12.09.2018 — ИИМдин Тергөө кызматынын (башкы башкармалыктын укугунда) анча оор эмес кылмыштарды иликтөө боюнча башкармалыгынын тергөөчүсү;
  • 12.09.2018 - 31.12.2018 — ИИМдин Тергөө кызматынын (башкы башкармалык укугунда) өзгөчө маанилүү иштер боюнча башкармалыгынын баңгизаттарды мыйзамсыз жүгүртүүгө байланышкан кылмыштарды иликтөө боюнча бөлүмдүн тергөөчүсү;
  • 31.12.2018 - 03.05.2019 — ИИМдин Тергөө кызматынын (башкы башкармалык укугунда) өзгөчө маанилүү иштер боюнча башкармалыгынын баңгизаттарды мыйзамсыз жүгүртүүгө байланышкан кылмыштарды иликтөө боюнча бөлүмдүн өзгөчө маанилүү иштер боюнча тергөөчүсү;
  • 03.05.2019 - 23.08.2019 — ИИМдин Тергөө кызматынын өзгөчө маанилүү иштерди иликтөө боюнча башкармалыгынын начальниги;
  • 2019 - 2020 — ИИМдин Тергөө кызматынын башчысынын орун басары кызмат ордунда иштеп келген;
  • 2020-жыл, октябрь — ИИМдин жетекчисинин орун басары.
0
Белгилер:
Эркебек Аширходжаев, өмүр баян, ИИМ