КТРКнын отличниги Сагида Бакирова

Бакирова: согуштан кийинки тартыш жылдарга карабай теледе жигердүү иштедик

57
(жаңыланган 15:39 01.11.2018)
КТРКнын отличниги Сагида Бакирова бийчи болгусу келип жүрүп телеге аралашып калганын айтты.
Бакирова: согуштан кийинки тартыш жылдарга карабай теледе жигердүү иштедик

Биз кыргыз телевидениеси оор убакта турганда иштедик. Согуштан кийинки тартыш жылдар болгонуна карабай, анда иштеген адамдардын жигердүү аракети менен телевидение куралды. Мындай пикирин Сагида Бакирова Sputnik Кыргызстан радиосунун эфиринде маек куруп жатып билдирди.

Анын айтымында, өзү бала чагынан бийчи болууга кызыкканы менен ата-энеси уруксат бербей койгон. Секелек кыз мектепти бүтүп, теле аркылуу искусствого аралашуу максатында журналистика кесибин тандаган.

"Агам искусствонун адамы эле. Анын таасириби же өзүмдө талант бар беле, айтор, бийчи болгум келчү. Тилекке каршы, ата-энеме бул тандоом жакпай калды. Аларга каршы чыга албай же көөдөнүм каалаган кесипти таштай албай, акыры журналист болууну чечтим. Мектепти бүтүп шаарга келгенимде теледе режиссер болуп иштеген Жанызак Малдыбаев агай менен таанышып калдым. Ал агайга ичимдеги каалоомду айтсам теле студияга чакырды. Алгач келгенимде мага абдан кооз, сүрдүү жер көрүндү. Ошентип режиссердун ассистенти болуп иштеп калдым", — деди Бакирова.

Журналист кыргыз телевидениесинде 30 жыл талыкпай эмгектенип, 1998-жылы ардактуу эс алууга чыккандыгын кошумчалады.

57
Тема боюнча
Турсуналиева: көчөдөн токтотуп алып "эфирден кет" деп урушкандар болгон
Медиасерепчи Өмүрбек Сатаев. Архив

Сатаев: аудиторияны сактап калуу үчүн телеканалдар жаңы форматка өтүшү керек

20
(жаңыланган 15:29 31.05.2020)
Медиасерепчи Өмүрбек Сатаев интернет тармагы өнүккөн убакта телевидение жаңы форматка өтүп, өзүнүн аудиториясын сактап кала аларын айтты.
Сатаев: аудиторияны сактап калуу үчүн телеканалдар жаңы форматка өтүшү керек

2019-жылы “М-Вектор” компаниясы Кыргызстандагы Жалпыга маалымдоо каражаттары боюнча  социалдык сурамжылоо жүргүзгөн. Жыйынтыгында 70 пайыз аудитория маалыматты телевидениеден алары белгилүү болгон. Бирок бул көрсөткүч деле убакыт өткөн сайын өзгөрүп баратат. Бул тууралуу Өмүрбек Сатаев Sputnik Кыргызстан радиосунун эфиринде маек куруп жатып билдирди.

Анын айтымында, Кыргызстандын чоң шаарларында эл интернетке толугу менен өтүп кетти.

“Азыр конвергенттик ЖМК актуалдуу. Бирок айрым телеканалдар финансы жагынан аксап жаткандыктан, мындай техникалык жабдыктарсыз ишмердүүлүгү чектелип калууда. Бул көрүнүш бара-бара өзүнүн аудиториясын жоготууга алып келет. Анын үстүнө Бишкек сыяктуу чоң шаарларда эл, өзгөчө жаштар интернетке толугу менен өтүп кеткен. Балким 40тан ашкан адамдар мурдагыдай эле телевизор көрүшөттүр, бирок бул курактагылар деле акырындан социалдык тармактарга ооп баратат. Ошентсе да телевидение жаңы форматка өтсө, өзүнүн аудиториясын сактап кала алат деп ойлойм. Аудитория талап кылууда деп жеңил-желпи көрсөтүүлөрдү даярдабай, телевидение элди өз артынан эрчитүү күчү бар экендигин унутпашы керек. Кыргыз телеканалдарынын учурда илимий, руханий программаларды берүү менен көрүүчүлөрүн көбөйтүү мүмкүнчүлүгү кенен. Чынында коронавирус инфекциясы көп тармактын кемчиликтерин ачыкка чыгарып  койду. Мындай пандемия кайталанбай эле койсун, бирок ушундай абалга дайым даяр турушубуз керек", — деди Сатаев.

Ал телевидене аркылуу өтүлүп жаткан онлайн-сабактар эски форматта тартылып жаткандыгын  кошумчалады.

20
Белгилер:
санариптик берүү, пандемия, телевидение, Өмүрбек Сатаев
Тема боюнча
Сатаев: журналисттерге аккредитация берилбей, жалган кабарлар көп тарады
Эмгек жана социалдык өнүктүрүү министри Улукбек Кочкоров

Кочкоров: жарандар бала асырап алууга онлайн арыз бере алат

59
Эмгек жана социалдык өнүктүрүү министри Улукбек Кочкоров бала асырап алуу боюнча кызмат көрсөтүүлөр порталы түзүлгөнүн айтты.
Кочкоров: жарандар бала асырап алууга онлайн арыз бере алат

Жарандар үйүндө отуруп алып, бала асыроого арыз бергенге мүмкүнчүлүк алды. Эми алар бюрократиялык кыйынчылыктарга туш болушпайт. Бул тууралуу Улукбек Кочкоров Sputnik Кыргызстан радиосуна маек куруп жатып билдирди.

Анын айтымында, портал бала асырап алуудагы коррупциялык элементтерди токтотот.

"2020-жыл "Аймактарды өнүктүрүү, өлкөнү санариптештирүү жана балдарды коргоо жылы" деп жарыяланган. Анын алкагында балдарды асырап алуу боюнча коррупциялык көрүнүштөрдү токтотуу тапшырмасы коюлган. Мына ушуну ишке ашыруу максатында бала асырап алуу процедурасы толугу менен автоматташтырылды. Эмгек жана социалдык өнүктүрүү министрлигинде атайын электрондук портал түзүлдү. Анда жарандар бала асырап алуу үчүн үйүнөн арыз бере алат. Арыз берилгенден кийин атайын пароль, логиндер ыйгарылып, асырап алуучу катары катталат. Натыйжада аларга өлкө боюнча багып алууга мумкүн болгон балдардын базасына кирүүгө жана көрүүгө мүмкүнчүлүк берилет. Системага тапшырык берилгенден кийин жети сутка өткөн соң бала менен жолугууга уруксат болот. Башкача айтканда, бала асырап алуучулар кызмат көрсөткөндөрдүн бюрократиялык аракеттерине туш болбойт", — деди Кочкоров.

Министр ошондой эле портал балдардын коопсуздугун камсыздай ала турганын кошумчалады.

59
Белгилер:
коопсуздук, бюрократия, бала, Улукбек Кочкоров
Тема боюнча
Башкы прокуратура: зомбулукка кабылган балдар көбөйүп жатат
Суучул. Архив

19 жаштагы улан ГЭС-5 көлмөсүнө чөгүп кетти

0
(жаңыланган 17:35 31.05.2020)
Кырсык болгон жерде куткаруучулар иштеп, саат 15:00 чамасында 2001-жылы туулган жарандын сөөгүн суудан алып чыгышты.

БИШКЕК, 31-май — Sputnik. Бишкектен анча алыс эмес ГЭС-5 көлмөсүнө 19 жаштагы улан чөгүп кетти. Бул тууралуу ӨКМдин маалымат кызматынан билдиришти.

“Аламүдүн районунун ГЭС-5 айылында жайгашкан көлмөгө эркек киши чөгүп кетти деген маалымат 14:19да келип түшкөн”, — деп айтылат билдирүүдө.

Жеринде издөө иштери жүргүзүлүп, саат 15:00 чамасында 2001-жылы туулган жарандын сөөгүн суудан чыгарып, ИИМ кызматкерлерине өткөрүп беришти.

Издөө иштерине төрт куткаруучу тартылган.

0
Белгилер:
ӨКМ, өлүм, бала, көлмө, Чүй облусу
Тема боюнча
Достору менен эс алып жүргөн. Ысык-Көлдө 36 жаштагы киши сууга чөгүп кетти