Депутат ЖК Алмамбет Шыкмаматов

Шыкмаматов: алимент төлөөдө жоопкерчилик күчөтүлөт

297
(жаңыланган 16:20 28.11.2018)
"Ата Мекен" фракциясынын лидери Алмамбет Шыкмаматов Үй-бүлө кодесине өзгөртүүлөрдү киргизүү сунушталып жаткандыгын маалымдады.
Шыкмаматов: алимент төлөөдө жоопкерчиликтер күчөтүлөт

Өзгөртүүлөрдүн маңызы жалгыз бой энелердин жана балдардын укугун коргоо, алимент төлөбөй жүргөн эркектердин жоопкерчилигин жогорулатуу болуп саналат. Бул тууралуу Алмамбет Шыкмаматов Sputnik Кыргызстан радиосунун "Ачык кеп" программасынын эфиринде маек куруп жатып билдирди.

Анын айтымында, мыйзам боюнча алимент төлөбөй жүргөн эркектерге карата кылмыш жоопкерчилиги каралганы менен анын механизмдери толук аныкталбай калган.

"Жубайлардын мамилеси үй-бүлөлүк кодекс менен жөнгө салынат. Бул жерге өзгөртүүлөрдү киргизбесек болбой калды. Жалгыз бой аялдардан алиментке байланыштуу көп арыздар түшөт. Ажырашып кетип, алимент төлөөдөн баш тартып же качып жүргөн эркектердин өлкөдөн чыгып кетүүсүнө бөгөт коюшубуз керек. Белгилей кетүүчү жагдай, бул жерде жоопкерчилик өз жанын араң багып жүргөн, иши же үйү жок эркектерге эмес, колунда бар, тентек, кара өзгөй эркектерге карата багытталган. Алар чет өлкөгө бир гана эс алуу, убактыларын кызыктуу өткөрүү үчүн чыгып турушат", — деди Шыкмаматов.

Ошондой эле ал алиментти милдеттүү түрдө төлөтүү жоопкерчилиги бир гана эркектерге эмес, ошол эле маалда жолдошун балдары менен таштап кеткен аялдарга дагы колдонула тургандыгын кошумчалады.

297
Белгилер:
жоопкерчилик, алименты, арыз, кылмыш, Алмамбет Шыкмаматов
Тема:
Жөлөк пул (30)
Тема боюнча
Экинчи аялым менен колунда бар үчүн жашап жүрөм... Ара жолдо калган эркек
Депутат: сот аткаруучулар алимент боюнча соттун чечимин аткарбай жатат
Алимент төлөбөй сыртка чыга албай жүргөн кыргызстандык чек арадан кармалды
ӨКМдин Жарандык коргонуу жана авариялык-куткаруучу иштер башкармалыгынын жетекчиси Ырыспек Жолдошбаев

Жолдошбаев: куткаруу иштери үчүн үч тик учакка тапшырык берилди

32
ӨКМдин Жарандык коргонуу жана авариялык-куткаруучу иштер башкармалыгынын жетекчиси Ырыспек Жолдошбаев аталган мекеменин материалдык-техникалык базасын жаңыртуу аракеттери көрүлүп жатканын маалымдады.

ӨКМдин материалдык-техникалык базасы эскирип, өз кызматын эбак өтөп бүткөн. Аны жакшыртуу боюнча тийиштүү аракеттер көрүлүүдө. Алсак, куткаруу иштери үчүн Коопсуздук кеңешине үч тик учакка заказ берилди. Бул тууралуу Ырыспек Жолдошбаев Sputnik Кыргызстан радиосунда маек куруп жатып билдирди.

Жолдошбаев: куткаруу иштери үчүн үч тик учакка тапшырык берилди

Анын айтымында, учурда куткаруу иштери үчүн бир дагы тик учак жок.

"Өзгөчө кырдаалдардын саны күн санап өскөнүнөн улам ӨКМдин материалдык-техникалык базасындагы кемчиликтери билинүүдө. Техника эскирип, өз кызматын эбак өтөп бүткөнү эч кимге жашыруун эмес. Учурда материалдык-техникалык базаны жакшыртуу аракеттери көрүлүүдө. Алсак, 85 бирдик атайын инженердик оор техника кабыл алынды. Ошондой эле куткаруу иштерин жүргүзүү, куткаруучуларды жерине ыкчам жеткирүү үчүн ӨКМдин карамагында бир дагы тик учак жок. Бул маселени чечүү максатында Коопсуздук кеңешине үч тик учакка заказ берилди. Ошондой эле ӨКМге караштуу авиациялык ишкана бар. Анын ишин кайрадан карап чыгып, донорлор аркылуу учак сатып алуу аракеттери көрүлүүдө", — деди Жолдошбаев.

Ал келечекте ӨКМге 80 өрт өчүрүүчү техниканын келиши күтүлүп жатканын кошумчалады.

32
Белгилер:
куткаруу, ӨКМ, учак
Тема боюнча
Ысык-Көлдөн кайсы шаарларга учуп кетсе болот? Тизме жана график
Пилатес жана антигравитациялык йога боюнча эл аралык деңгээлдеги машыктыруучу Айсалкын Аманбек кызы

Аманбек кызы: йога-пилатес аркылуу коронавирустун алдын алса болот

48
(жаңыланган 10:52 23.06.2021)
Пилатес жана антигравити йога боюнча эл аралык даражадагы машыктыруучу Айсалкын Аманбек кызы йога-пилатес аркылуу коронавирустун алдын алса болорун айтты.

Тукумсуздук, омуртка оорулары менен жабыркагандар жана балалуу боло албаган келиндер йога-пилатестин артыкчылыктарын колдоно башташты. Мындай маалыматты Айсалкын Аманбек кызы Sputnik Кыргызстан радиосунун эфиринде маек куруп жатып билдирди.

Аманбек кызы: йога-пилатес аркылуу коронавирустун алдын алса болот

Анын айтымында, йога ички булчуңдарды иштетип, аны чыңалдыра турган көнүгүүлөрдү камтыйт.

"Йога-пилатес менен алектенүүгө коронавирус менен ооруп айыккандан кийинки реабилитацияга көп адамдар келип жатышат. Анткени россиялык окумуштуулар коронавирусту инсульттан кийинки абалга окшоштурушууда. Себеби мээ жаракат алып, кээ бир мүчөлөр толук иштебей, жытты, даамды айырмалай албай калып жатышат. Буга байланыштуу нейрондук байланыштардын жардамы менен организмди калыбына келтирүүчү көнүгүүлөрдү жасап, жыйынтыкка жетип жатабыз. COVID-19дан улам жакындарын жоготуп, стресске кабылган адамдар да бизге кайрылууда. Мындан тышкары, омуртка ооруларынан арылуу үчүн келип жатышат. Биз йога, пилатес, кинезиотерапия багыттарын бириктирип, өзүбүздүн автордук методикабызды иштеп чыкканбыз. Анда кан жүгүртүүгө эмес, лимфа системасына көбүрөөк көңүл бурулат. Анткени лимфа системасы жакшы иштесе көп оорулардын алдын алат. Алардын катарына коронавирусту кошсо болот. Тукумсуздук, омуртка оорулары менен жабыркагандар, балалуу боло албай жүргөндөр йога-пилатестин артыкчылыктарын колдоно башташты", — деди Аманбек кызы.

Ошондой эле адис йога-пилатестин жардамы менен ашыкча салмактан арылып, арыктоону каалагандар кайрыларын кошумчалады.

Белгилей кетсек, пилатес — жаракаттан кийинки реабилитация үчүн физикалык көнүгүүлөрдүн системасы. Аны XX кылымдын башында германиялык спорт адиси Йозеф Пилатес негиздеген.

Подкасттын толук версиясын видеодон көрүңүз:

48
Белгилер:
реабилитациялоо, йога
Тема боюнча
Бактылуу болууну эч жерде үйрөтпөйт. Йога машыктыруучусу Кадырбаеванын маеги
Газ плитасы. Архив

Бишкектин айрым жерлеринде 12 күн газ жок болот. Тизме

0
(жаңыланган 18:42 23.06.2021)
"Газпром Кыргызстан" компаниясы тамак-аш даярдоо үчүн альтернативдүү энергетика булагына өтүүнү сунуштады.

БИШКЕК, 23-июн. — Sputnik. Бишкектин айрым жерлеринде 28-июндан 9-июлга чейин жаратылыш газы өчүрүлөт. Бул тууралуу "Газпром Кыргызстан" ишканасынан билдиришти.

Бул күндөрү 1976-жылы эксплуатацияга берилген жер алдындагы түтүктөрдүн жабдыктары жаңысына алмаштырылат.

"Садырбаев, Лев Толстой, Миңжылкыев, Тыналиев, Ала-Арча дарыясы, Масалиев көчөлөрү жана Жал-23, "Ротор" от казаны менен чектешкен аймактарда көгүлтүр от берүү үзгүлтүккө учурайт", — дешти компаниядан.

"Газпром Кыргызстан" жаралган ыңгайсыздык үчүн кечирим сурап, тамак-аш даярдоо үчүн альтернативдүү энергетика булагына өтүүнү сунуштады. Ошондой эле ишканадан жарандар үчүн газ колдонуу коопсуз болушу үчүн бардык күчүн жумшап жатканын кабарлашты.

0
Белгилер:
оңдоо, өчүрүү, газ, жаңы конуштар, көчө, Бишкек
Тема боюнча
Кышында жарыксыз калбайбызбы? Өлкөдөгү ГЭСтердин абалы жана картасы
Июлда күйүүчү майдын баасы дагы 4-6%га кымбаттаары айтылды