Ата Мекен фракциясынын депутаты Каныбек Иманалиев. Архивдик сүрөт

Иманалиев: дүйнөдө эпоско арналган мыйзам бизде эле бар

58
(жаңыланган 15:28 04.12.2018)
"Ата Мекен" фракциясынын депутаты Каныбек Иманалиев "Манас" эпосу тууралуу мыйзам эпосту кыргыз элинин кайталангыс руханий мурасы катары сактоого, өнүктүрүүгө жана аны даңазалоого багытталгандыгын айтты.

Аталган мыйзамдын алкагында "Манас" эпосун жайылтуу жана байытуу, манасчыларды колдоо боюнча мамлекет, коомчулук тарабынан бир топ иштер аткарылууда. Бирок алдыда жасалчу иштер дагы көп. Бул тууралуу Каныбек Иманалиев Sputnik Кыргызстан радиосунун эфиринде маек куруп жатып билдирди.

Анын айтымында, чет өлкөлүктөр Кыргызстанда эпоско арналган мыйзам бар экендигин суктануу жана таңгалуу менен кабыл алышат.

"Көп чет өлкөлүктөр "Манас" эпосу боюнча атайын мыйзам бар экендигине таңыркайт. Таңгалуунун кажети жок. Себеби ал биз үчүн жөн гана эпос эмес, ал мамлекеттин руханий коопсуздугу, тарыхы, келечеги жана энциклопедиясы. Бул мыйзамды жазууда бизге Таланталы Бакчиев, Асан Жакшылыков деген агайларыбыз жардам берген. "Манас" эпосу мыйзам түрүндө кабыл алынгандыгы аны жайылтууга, байытууга жол ачты. Манасчыларыбызга колдоо көрсөтүп, орто билим берүү мекемелери жана ЖОЖдо "Манас таануу" сабактарын киргизе алдык. Саякбай Каралаевдин маарекесин өткөрдүк, тасмаларды тарттык. Бирок бул дагы жетишсиз, "Манас" эпосу тууралуу мыйзамдын кабыл алынышы менен атайын программа иштелип чыгып, иш-чаралар байма-бай өткөрүлүп турушу керек эле. Аны жасоого бюджеттен жетиштүү каражат бөлүнбөй келет", — деди Иманалиев.

Ошондой эле ал Манас эпосуна илимий багытта жакшы көңүл бурулбай жаткандыгын кошумчалады.

Эскерте кетсек, 4-декабрь 2015-жылдан бери өкмөттүн 259-токтомунун негизинде "Манас" эпосунун күнү катары белгиленип келет. Бул күндү расмий белгилөөнү парламенттин сунушу менен Маданият, маалымат жана туризм министрлиги демилгелеген.

58
Белгилер:
Манас эпосу, мыйзам, Каныбек Иманалиев
Тема боюнча
"Манаска" жана кыргызга жан тарткан Ауэзов. 1952-жылдагы тарыхый стенограмма
Пикирлер